45K pulis dineploy, riot sa France patuloy pa rin

ni Mabel Vieron @World News | July 3, 2023

Inihayag ng France Interior Ministry na nagpakalat na sila ng mahigit 45,000 na kapulisan sa iba’t ibang bahagi ng kanilang bansa dahil sa patuloy na kaguluhan at protesta.

Ang ugat ng naturang riot ay matapos umanong barilin ng isang pulis ang isang binatilyo malapit sa traffic light sa Paris, France.

Sinunog ng mga ralista ang mga sasakyan at gusali, at pinagbabasag ang mga salamin.

Ayon sa awtoridad, umabot sa 79 police post, 119 na public buildings kabilang ang 34 town hall at 28 na paaralan ang inatake ng mga ralista.

Ito na umano ang isa sa pinakamatinding krisis sa pamumuno ng kanilang pangulong si Emmanuel Macron mula nang magsimula ang Yellow Vest protest noong 2018.

Kabilang sa mga lugar kung saan nagpapatuloy ang kaguluhan ay ang mga lungsod ng Marseille, Lyon, Toulouse, Strasbourg at Lille.

Bebot na governant minister, binabatikos dahil front cover ng magazine

ni Loraine Fuasan (OJT) | April 4, 2023

FRANCE — Isang babaeng government minister, ang binabatikos ng kanyang kapartido dahil sa paglabas nito bilang front cover ng isang adult magazine Playboy sa France noong nakaraang linggo.

Kinikilala ang babae na si Marlene Schiappa, isang government minister mula pa noong 2017, at kasalukuyang Minister for the Social Economy and French Association.

Ang laman ng nasabing magazine ang 12-pahina na panayam sa kanya tungkol sa mga karapatan ng kababaihan at LGBTQ.

Ayon kay French Prime Minister Elisabeth Borne, isa mga bumabatikos sa kanya at sinasabing hindi nararapat at nababagay ang paglabas ng magazines ni Schiappa, dahil sa krisis na kinakaharap ng kanilang bansa kung saan nagsagawa ang mga ito ng kilos-protesta dahil sa kontrobersyal na pension reforms.

31 migrants, patay matapos lumubog ang sinasakyang bangka sa France

ni Jasmin Joy Evangelista | November 25, 2021

Patay ang 31 migrants kabilang ang 5 babae at 1 batang babae habang tumatawid sa English Channel mula France patungong UK matapos lumubog ang sinasakyan nilang bangka.

Batay sa report, mayroong sakay na 34 katao ang bangka kung saan 31 ang nasawi, 2 ang survivor, habang nawawala naman ang isa.

Ito ay itinuturing nilang deadliest disaster mula nang maging tawiran ang Channel.

Nangako naman si President Emmanuel Macron na hindi hahayaan ng France na maging libingan ang Channel at nagpatawag ng emergency meeting sa mga European ministers hinggil sa insidente.

"It is Europe's deepest values - humanism, respect for the dignity of each person - that are in mourning," ani Macron.

Sa report ng La Voix Du Nord, isang regional news site sa northern France, nabangga umano ang bangka ng isang container ship, dahilan para ito ay lumubog at malunod ang mga sakay nito.

Sa ngayon ay wala pang pinal na detalye at impormasyon na inilalabas ang mga opisyal ng magkabilang panig ng Channel hinggil sa insidente.