WISP Plus, pinakabagong retirement saving scheme ng SSS

ni Fely Ng - @Bulgarific | December 20, 2022

Hello, Bulgarians! Ipinakilala ng Social Security System (SSS) ang Worker’s Investment and Savings Program (WISP) Plus, ang pinakabagong retirement savings scheme para sa mga miyembro ng SSS.

Sa isang press briefing, ipinaliwanag ni SSS President at Chief Executive Officer Michael G. Regino na ang WISP Plus ay isang voluntary retirement savings program na eksklusibong inaalok sa mga miyembro ng SSS bilang karagdagan sa regular nitong social security program.

“We have been spearheading the concept of work, save, invest, and prosper to our members. WISP Plus is a program both for saving and investing. It is an affordable and tax-free savings scheme which will allow our members to save by contributing to the program and invest because their money will generate earnings,” pahayag ni Regino.

Ipinaliwanag pa ng SSS Chief na ang WISP Plus ay nagsisilbing karagdagang layer ng social security protection bukod sa retirement benefits na kanilang matatanggap mula sa regular na SSS program hanggang sa kanilang pagreretiro.

“For as low as P500 per payment, SSS members can already contribute to the WISP Plus and pay their contribution anytime. We offer our members investment earnings based on rates higher than those provided by banks,” dagdag pa niya.

Ang mga interesadong miyembro ay maaaring sumali sa WISP Plus sa pamamagitan ng pagtanggap ng mga tuntunin at kondisyon ng programa, gamit ang kanilang My.SSS account. Isang beses lang sila makakapag-apply para sa WISP Plus, at walang expiration ang membership sa program. Kailangang hindi sila nakapag-file ng anumang final benefit claim, tulad ng retirement o total disability benefits, upang maging kwalipikado sa programa.

Sa kasalukuyan, ang SSS ay nagpapatupad na ng dalawang boluntaryong provident fund program – ang Flexi-fund Program para sa mga overseas Filipino workers (OFWs) na naninirahan sa ibang bansa, at ang Personal Equity and Savings Option (PESO) Fund na inaalok sa mga miyembrong naninirahan sa Pilipinas at nagbabayad ng pinakamataas na buwanang kontribusyon. Ang dalawang programa ay magiging bahagi ng WISP Plus.

Samantala, inihayag din ni Regino sa press briefing na simula Enero 1, 2023, ang bagong SSS contribution rate ay magiging 14 percent, 1 percentage point increase mula sa kasalukuyang 13 percent. Ito ay bahagi ng pagpapatupad ng Social Security Act of 2018.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pag-IBIG, may virtual mobile app na!

ni Fely Ng - @Bulgarific | December 17, 2022

Hello, Bulgarians! Opisyal na inilunsad ng Pag-IBIG Fund ang Virtual Pag-IBIG Mobile App upang mailapit ang mga serbisyo nito sa mga miyembro sa pagdiriwang ng ika-42 anibersaryo nito noong Miyerkules (Disyembre 14). Kinilala ni Pangulong Ferdinand Marcos, Jr. ang mga nagawa ng Pag-IBIG Fund sa mga nakaraang taon at malugod na tinanggap ang paglulunsad ng opisyal nitong mobile app sa pamamagitan ng naka-record na mensahe para sa ahensya.

“Through the years, the Pag-IBIG Fund has stayed true to its goal to realize the dreams of millions of Filipinos by providing secure savings programs and dependable and affordable housing loans,” said Marcos. “Today, we also welcome the launching of the Virtual Pag-IBIG Mobile Application. The app will bring Pag-IBIG Fund’s services and benefits closer to every Filipino. In line with the unwavering commitment of this administration to digitize and streamline our services, be assured that this administration is committed to support you as you implement housing and development programs and initiatives,” dagdag pa ng pangulo.

Samantala, tiniyak naman ni Secretary Jose Rizalino Acuzar ng Department of Human Settlements and Urban Development (DHSUD), na namumuno rin sa 11-member Pag-IBIG Fund Board of Trustees, sa mga miyembro na patuloy na gagamitin ng Pag-IBIG Fund ang information technology upang pagbutihin ang mga proseso at serbisyo nito.

“I congratulate the Pag-IBIG Fund for launching the Virtual Pag-IBIG Mobile App. This service innovation will significantly help in providing social benefits to our fellow Filipinos, in line with the call of President Marcos to maximize the use of information technology in the delivery of public service,” pahayag ni Acuzar.

Ipinakita ni Pag-IBIG Fund Chief Executive Officer Marilene Acosta ang mga service features at ang user-friendly interface ng mobile app sa panahon ng paglulunsad. “With the Virtual Pag-IBIG Mobile App, our members can now get their Pag-IBIG Membership ID number, view the status of their Housing or Short-Term Loans, make online payments and create a Virtual Pag-IBIG account by using just their smartphones. Plus, once our members have their own Virtual Pag-IBIG accounts, they can also view their savings and annual dividends, the balance and due dates of their loans, as well as their payment records. And, we shall add even more features to the mobile app over the coming months. With the Virtual Pag-IBIG Mobile App, we are literally bringing our services to the palm of each members’ hand,” sabi ni Acosta.

Ang Virtual Pag-IBIG Mobile Application ay available sa Apple Store at Google Play. Ang nasabing mobile app ay na-download na ng higit sa 750,000 user mula nang maging available ang beta version nito noong Agosto ngayong taon.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

P38.06B kita ng Pag-IBIG Fund mula Enero-Oktubre 2022

ni Fely Ng - @Bulgarific | December 15, 2022

Hello, Bulgarians! Inihayag noong Lunes (Disyembre 12) ng mga top executive ng Pag-IBIG na nakakuha ang ahensya ng record-high income na P38.06 bilyon mula Enero hanggang Oktubre 2022.

“I am happy to report that Pag-IBIG Fund continues its strong performance this year. Our P38.06 billion net income in just the first ten months of the year has already surpassed the P34.73 billion we posted in all of 2021. Our performance shows how excellently we are managing the funds that our members have saved with us. This places us in a strong position to continue providing social services and help more Filipinos gain better lives, in line with the directive of President Ferdinand Marcos, Jr.,” pahayag ni Secretary Jose Rizalino L. Acuzar ng Department of Human Settlements and Urban Development (DHSUD) at nagsilbing chairperson ng 11-member Pag-IBIG Fund Board of Trustees.

Samantala, sinabi naman ni Pag-IBIG Fund Chief Executive Officer Marilene C. Acosta, na umabot na sa P810.07 bilyon ang kabuuang asset ng ahensya, na nakakuha ng halos 10% o P65.49 bilyon mula sa year end 2021 level. Idinagdag niya na kahit may dalawang buwan pa bago matapos ang taon, ang mga nagawa ng ahensya noong Oktubre ay nagpapakita na magkakaroon pa ito ng pinakamahusay na pagganap sa susunod na taon.

“We thank our members and stakeholders for their unwavering trust and support, which has allowed us to gain another banner year. From our accredited developers in building and delivering quality housing projects and accounts, to the business community for the timely remittance of their employees’ monthly savings and loan payments, to our members who continue to save more with us and choose our loan programs, and to our borrowers for their prompt payment on their loans. The sum of all these parts is a stronger-than-ever Pag-IBIG. We count on their continued support so that we can maintain our remarkable growth and help even more Filipino workers uplift their lives through savings and by gaining homes of their own,” saad ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.