Pinondohan ng Pag-IBIG ang 18,000 socialized homes para sa mga low-wag earner

ni Fely Ng - @Bulgarific | January 31, 2023

Hello, Bulgarians! Inihayag kamakailan ng mga top official ng Pag-IBIG Fund na pinondohan ng nasabing ahensya ang 18,657 na pabahay para sa mga low-income at minimum-wage earner noong 2022. Ang mga socialized homes ay kumakatawan sa 18% ng 105,212 na pabahay na pinondohan ng ahensya para sa 2022. Samantala, ang kabuuang halagang inilabas para sa socialized housing loan, ay 7% o P8.28 bilyon ng P117.85 bilyon na inilabas ng ahensya noong nakaraang taon.

“I am happy to report that Pag-IBIG Fund continues to provide members from the low-income sector the means to own a home through the Pag-IBIG Affordable Housing Program. This shows its strong commitment in promoting inclusive growth by continuing to provide Filipino workers from underserved sectors with affordable shelter financing. All these are in line with the directives of President Ferdinand Marcos, Jr. in addressing the country’s housing backlog under the Pambansang Pabahay Para sa Pilipino Program,” saad ni Secretary Jose Rizalino L. Acuzar, namumuno sa Department of Human Settlements and Urban Development (DHSUD) at sa 11-member Pag-IBIG Fund Board of Trustees.

Ang Affordable Housing Program (AHP) ng Pag-IBIG Fund ay espesyal na home financing program na tumutugon sa pangangailangan ng mga minimum-wage at low-income member na kumikita ng hindi hihigit sa P15,000 kada buwan sa loob ng National Capital Region (NCR) at sa mga kumikita ng hindi hihigit sa P12,000 kada buwan sa labas ng NCR. Sa ilalim ng AHP, ang Pag-IBIG Fund ay nag-aalok ng subsidized rate na 3% kada taon – ang pinakamababang rate na available sa merkado ngayon—para sa socialized home loan na nagkakahalaga ng hanggang P580,000 at socialized condominium units na nagkakahalaga ng hanggang P750,000.

Samantala, sinabi ni Pag-IBIG Fund Chief Executive Officer Marilene C. Acosta na ang special subsidized rates ay ginawang available ng ahensya para sa mga miyembro nito sa minimum-wage sector mula noong 2012, na ang kasalukuyang 3% rate ay ginawang available noong Mayo 2017.

“Through the years, the Pag-IBIG Affordable Housing Program has made it possible for low-income and minimum-wage earners to own a home. With the lowest rate offered in the market, our members can enjoy a low monthly payment of as low as P2,445.30 for a socialized home loan of P580,000 with a loan term of 30 years,” said Acosta. “And what’s more, borrowers under our AHP do not have to put out cash for equity because of its 100% loan-to-value ratio. This is in keeping of our commitment to uplift the lives of Filipino workers, especially those from the underserved sectors, through accessible and affordable shelter financing. Ito po ang aming panatang Lingkod Pag-IBIG para sa manggagawang Pilipino,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Post Office Year of the Rabbit stamps para sa pagdiriwang ng Chinese New Year

ni Fely Ng @Bulgarific | January 26, 2023

Hello, Bulgarians! Inilunsad kamakailan ng Philippine Postal Corporation (Post Office) ang Selyong Year of the Rabbit bilang pagdiriwang ng “Chinese New Year” sa Pilipinas.

Naging bahagi ng pagtitipon ang mga kinatawan at opisyal ng Post Office at Federation of Filipino-Chinese Chamber of Commerce and Industry Inc. (FFCCCII) na ginanap sa Seascape Village sa Pasay City noong ika-20 ng Enero, 2023.

“The celebration is a manifestation of our solidarity with our Filipino-Chinese friends. For us, the Lunar New Year is an occasion to celebrate the rich heritage that both our nations have treasured”, pahayag ni Postmaster General Norman Fulgencio.

“The recognition and respect for both the Filipinos and Chinese is being represented through the stamps”, ayon naman kay Federation of Filipino-Chinese Chamber of Commerce and Industry Inc. (FFCCCII) Executive Vice President Ms. Mary G. Ng.

Ang pagdiriwang ng Chinese New Year ay hudyat ng pagsisimula ng tagsibol sa kalendaryo ng mga Tsino mula Enero hanggang Pebrero. Itinatampok sa Year of the Rabbit Stamps ang mga makukulay na disenyo bilang bahagi ng kultura at malalim na pagkakaibigan ng dalawang bansa na ipinapakita sa maliit na piraso ng “selyo”.

Ang impluwensya ng kulturang Tsino ay kinikilala sa bansa, mula sa pagkain, pagkonsulta sa mga eksperto sa Feng Shui at pati na rin ang pagbabasa ng Chinese horoscope. Idinisenyo nina Post Office in-house artists’ Ryman Dominic Albuladora, Eunice Dabu at Agnes Rarangol ang makukulay na Year of the Rabbit postage stamps.

Mabibili ang mga selyo, souvenir sheets at official first-day cover mula Miyerkules, Enero 25. Magtatapos ang Year of the Rabbit sa Pebrero 9, 2024. Para sa karagdagang impormasyon, tumawag sa (02)8527-0108 o (02)8527-0132 o i-follow/i-like ang Facebook page https://www.facebook.com/PilipinasPhilately/.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mahigit 100, 000 Pag-IBIG Fund member, nagkaroon ng bagong bahay

ni Fely Ng @Bulgarific | January 20, 2023

Para sa 2022, tumaas ng 21% o P20.57 bilyon ang halaga ng home loan na inilabas ng ahensya kumpara sa P97.28 bilyon na inilabas noong 2021. Sa halagang ito, pinondohan ng Pag-IBIG ang pagkuha at pagpapatayo ng 105,212 na pabahay para sa mga miyembro nito, o pagtaas ng 11% mula sa 94,533 na pabahay na pinondohan noong 2021.

“We are happy to report that Pag-IBIG Fund has once again set a new record-high in home loan releases in 2022. This is very good news because as the amount of home loans we release increases, so does the number of Filipinos who now have homes of their own. Pag-IBIG Fund’s performance is a testament to our united and unwavering efforts to resolve the country’s housing backlog, in line with the objective of President Ferdinand Marcos, Jr. under the Pambansang Pabahay Para sa Pilipino Program,” pahayag ni Secretary Jose Rizalino L. Acuzar, namumuno sa Department of Human Settlements and Urban Development (DHSUD) at sa 11-member Pag-IBIG Fund Board of Trustees.

Samantala, sinabi ni Pag-IBIG Fund Chief Executive Officer Marilene C. Acosta na ang 105,212 housing units na pinondohan noong 2022 ay record-high din, at ito ang unang pagkakataon na ang ahensya ay nagpondo ng higit sa 100,000 housing units sa isang taon. Sinabi pa niya na sa kabuuang housing units na tinustusan ng ahensya noong nakaraang taon, 18,657 o 18% ay socialized housing units na ngayon ay pag-aari ng mga miyembro mula sa minimum-wage at low-income sectors.

“We at Pag-IBIG Fund have always strived to provide our members – the Filipino workers, the means to have their own homes through affordable shelter financing. That is why we take great pride in achieving a record-high number of housing units financed in 2022 because it means that we have empowered even more Filipinos in gaining their own homes. And, as we embark on yet another year, our members can continue to rely on Pag-IBIG Fund to provide them the most affordable home loan in the market, so that they too can achieve their dream of homeownership. That is the Lingkod Pag-IBIG pledge,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.