Sinovac sa mga health workers, aprub ng NITAG

ni Ronalyn Seminiano Reonico | February 26, 2021

Aprubado at inirerekomenda ng National Immunization Technical Advisory Group (NITAG) na gamitin ang COVID-19 vaccine ng China na Sinovac Biotech sa mga health workers, ayon sa Department of Health (DOH).

Noong Lunes, binigyan ng FDA ng emergency use authorization ang Sinovac ngunit hindi anila ito inirerekomenda para sa mga health workers dahil sa umano'y mababang efficacy rate nito na 50.4% dahil sa exposure nila sa COVID-19.

Ayon kay Health Undersecretary Maria Rosario Vergeire, ang pagbibigay ng Food and Drug Administration (FDA) ng emergency use authorization sa Sinovac vaccine ay isang katibayan na safe gamitin ang naturang bakuna.

Aniya, “The DOH, the Food and Drug Administration and our panel of experts concurred that current available evidence is enough to establish that the vaccine is safe for use.

“NITAG and the TAG (technical advisory group) has deemed it sufficient to recommend the use of the vaccine for health care workers as it bears to reiterate that our goal for prioritizing health care workers for vaccination is to reduce morbidity and mortality among their group, while they maintain the most critical essential health services.”

Saad naman ni Dr. Maria Consorcia Quizon, member ng NITAG, “[Sinovac] is safe for use for health care workers. We need to protect them. Since ito ang available ngayon, kailangan nating gamitin para sa kanila.”

COVID vaccine na ituturok kay P-Du30, depende sa payo ng doktor

ni Lolet Abania | February 9, 2021

Naglabas ng pahayag ang Malacañang na ang brand o klase ng COVID-19 vaccine na maaaring ibigay kay Pangulong Rodrigo Duterte ay depende sa advice ng kanyang doktor.

Ito ang naging tugon ni Presidential Spokesperson Harry Roque nang tanungin kung si Pangulong Duterte, na 76-anyos na ngayong buwan, ang unang tatanggap ng Pfizer-BioNTech vaccine na kabilang sa prayoridad na mabakunahan sa elderly sector.

Ang unang batch ng Pfizer-BioNTech vaccine sa ilalim ng COVAX facility ay inaasahang darating sa bansa ngayong buwan, na mas una kaysa sa nais ng Pangulo na Chinese at Russian vaccines.

“This issue will have to be discussed by the President with his physician,” ani Roque sa isang briefing.

“He is under the advice of his physician,” dagdag niya.

Samantala, ang Food and Drug Administration (FDA) ay nakapag-isyu na ng emergency use authorizations (EUA) sa dalawang COVID-19 vaccines at ito ang Pfizer-BioNTech at AstraZeneca.

Ayon sa FDA, ang Pfizer-BioNTech ay may efficacy rate na 92% hanggang 95% habang ang AstraZeneca ay may 70% efficacy rate matapos ang unang dose subalit tataas ito makaraang ma-administer ang ikalawang dose mula apat hanggang 12 linggong lumipas.

Tiniyak naman ng Palasyo na si P-Duterte ay matuturukan ng COVID-19 vaccine upang magkaroon ng tiwala ang publiko sa bakuna.

Gayunman, ayon kay Roque, gagawin ang pagbabakuna sa Pangulo nang pribado dahil sa kagustuhan nitong maturukan sa kanyang puwet.

2 brands ng face mask, ipinagbawal ng FDA

ni Ronalyn Seminiano Reonico | January 15, 2021

Nagbabala ang Food and Drug Administration (FDA) sa mga healthcare professionals at sa publiko sa paggamit at pagbili ng 2 brands ng “unnotified” disposable face masks.

Ayon kay FDA Director-General Eric Domingo, ang “Disposable Medical Mask” at “AiDeLai Disposable Face Mask” ay kapwa “unnotified medical devices products.”

Aniya pa, hindi nabigyan ng Product Notification Certificates ang mga naturang brands.

Pahayag ng FDA, "The FDA verified through post-marketing surveillance that the above mentioned medical device product is not notified and no corresponding Product Notification Certificate has been issued.”

Paalala rin ng naturang ahensiya, “Pursuant to the Republic Act No. 9711, otherwise known as the Food and Drug Administration Act of 2009, the manufacture, importation, exportation, sale, offering for sale, distribution, transfer, non-consumer use, promotion, advertising or sponsorship of health products without proper authorization is prohibited.”

Hindi rin umano nakasisiguro ang FDA sa quality at safety ng naturang brands dahil hindi dumaan ang mga ito sa evaluation process ng ahensiya.

Samantala, nakikipag-ugnayan na rin ang FDA sa awtoridad at local government units upang masigurong hindi maibebenta sa merkado ang mga naturang brands ng face masks.