1,899 police offc’ls, magsisilbing bantay sa media sa 2022 elections

ni Lolet Abania | January 21, 2022

Aabot sa 1,899 mga opisyal ng pulisya ang nakatakdang magsilbi bilang “media security vanguards” na tututok sa tinatawag na threats at security problems ng mga mamamahayag sa 2022 election period, ayon sa Philippine National Police (PNP).

Sinabi ni PNP spokesperson at public information office (PIO) chief Police Brigadier General Roderick Alba na siya ang tatayong focal person sa national level.

“We are total strong of 1,899,” ani Alba sa ginanap na launching ng “Media Security Vanguards” program ng Presidential Task Force of Media Security (PTFoMS) ngayong Biyernes.

Ayon kay Alba, ang mga regional PIO chiefs ang magsisilbing focal persons sa regional level.

Sa kasalukuyan aniya, ang PNP ay mayroong 133 public information offices sa police regional, regional, at city offices sa buong bansa.

Binanggit din ni Alba na may kabuuang 1,766 hepe ng pulisya sa bansa, na siyang magiging operating arms naman ng “Media Security Vanguards” sa darating na eleksyon.

Paliwanag ni Alba, ang mga focal persons ang magpa-facilitate, magmo-monitor, at magtatrabaho kasama ang PTFoMS, habang ang mga hepe ng pulisya ang magpapatupad ng direktiba ng mga focal persons na manggagaling kay PNP chief Police General Dionardo Carlos.

“Our job is to facilitate appropriate police actions on issues including media security in the 2022 elections,” sabi ni Alba.

Ani Alba, sakaling ang mga media workers ay may mga concerns gaya ng mga pagbabanta laban sa kanila, maaari silang makipag-ugnayan sa mga focal persons mula sa PNP para agad na maresolbahan ang tungkol dito.

Sa tanong kung ang nasabing programa ay makapagbibigay ng security details sa media workers na nasa ilalim ng pagbabanta, ayon kay PTFoMS executive director Joel Sy Egco, maaaring mag-request ang task force para rito.

“Kapag may ganyang report, ibato niyo agad sa amin. Kami na po magre-request if we need to provide protection, security details until mag-dissipate ‘yung threat.

We do that,” sabi ni Egco na naroon din sa launching ng “Media Security Vanguards.”

Facebook 'E-rally' page bubuksan ng Comelec sa Pebrero

ni Jasmin Joy Evangelista | January 16, 2022

Bubuksan ng Commission on Elections sa Pebrero ang "E-rally" page sa Facebook na layong bigyan ng patas na pagkakataon ang mga kandidato na mailahad ang kanilang plataporma at maabot ang mga botante.

Ito rin ay maghahatid ng libreng livestreaming ng e-rallies ng mga national candidate sa 2022 National and Local Elections.

Ang Campaign S • A • F • E • COMELEC e-Rally Channel sa Facebook ay magbibigay ng e-rally airtime sa lahat ng kakandidato sa pagka-pangulo, bise presidente at senador, at maging ang party-list organization.

“The Commission will issue the pertinent guidelines on how the candidates and party list organizations can participate in the e-Rally channel,” pahayag ni Comelec Spokesperson James Jimenez.

“This platform can help ensure that even those candidates who have less in followers can still have more in views and exposure, so to speak,” dagdag niya.

Sisimulan sa February 8, 2022 ang livestreaming ng e-rallies kada gabi sa official social media accounts ng Comelec.

Maglalabas ang COMELEC ng schedule ng e-rally timeslots sa bawat elective position:

Presidential – 10 minuto – 3 slots/gabi

Vice-Presidential – 10 minuto – 3 slots/gabi

Senatorial – 3 minuto – 5 slots/gabi

Party-List Organization – 3 minuto – 5 slots/gabi

Political Parties – 10 minuto – 3 slots/gabi

Narito ang link ng Facebook Page:

https://www.facebook.com/COMELECeRallyChannel

Enero 17, start ng printing ng ballots... Pinal na listahan ng 2022 elections aspirants sa Jan. 15

ni Lolet Abania | January 12, 2022

Ipinahayag ng Commission on Elections (Comelec) na asahan nang ilalabas ang pinal na listahan ng mga kandidato sa 2022 national at local elections sa Enero 15, habang ang printing ng official ballots ay posibleng simulan sa Enero 17.

Ito ang sinabi ni Comelec spokesperson James Jimenez sa isang virtual press conference ngayong Miyerkules.

“Ang estimate natin, matatapos ang final ballot faces by January 15 which means ‘yun na ang final list of candidates and we hope that we will be able to start printing by January 17,” paliwanag ni Jimenez.

Naghahanda na rin ang Comelec para sa tinatawag na walk through sa mga opisyal mula sa National Printing Office.

Sa ngayon, nakapagtala ang poll body ng 10 presidential aspirants, siyam na vice presidential bets, at 64 senatorial aspirants sa kanilang latest tentative list ng mga kandidato sa 2022 elections.