Coco Martin suportado ang bagong partylist na para sa kabuhayan at transport sector

by Bulgar Online - @Brand Zone | February 25, 2022

Si Coco Martin, na kilala bilang Cardo Dalisay sa telebisyon ay nag-iikot sa kanyang pag-endorso hindi ng partylist na ka-pangalan ng kanyang drama serye ngunit sa isang bagong Party-list ang AP Partylist #AkoyPilipino ngayong biyernes, Pebrero 25.

“Anuman ang hirap na ating pinagdadaanan, may kakampi na tayo…” sabi ni Martin sa kanyang pagpapakilala ng bagong grupo ng party-list kasama ang first nominee nito na si Rep. Ronnie na makikita ang mga pagtulong na ginagawa sa likuran ng video ng partylist na ngayon ay kumakalat online. Dagdag pa ni Martin, “Ang AP Partylist ang tutulong magbigay ng trabaho at kabuhayan sa mga manggagawang Pilipino.”

Si Rep. Ronnie Ong ay matagal nang kaibigan ni Coco Martin at binansagan ng magasin na PeopleAsia bilang “frontliner Congressman.” Si Ong ay kilala sa mga kakaibang COVID-19 Bayanihan projects nito simula pa nung unang lockdown, tulad ng #LibrengSakay program para sa mga healthworker, ang #LibrengGulay program para sa mga community kitchen, ang #LibrengTablet at mga E-skwela Hub e-learning center para sa mga estudyante at mga guro.

Bago pa man ang pandemya, si Ong ay nagbigay suporta sa mga senior citizen na nais magkaroon ng hanap-buhay sa ilalim ng kanyang programang Tulong Pangkabuhayan na nagtalaga ng mga malalakas pang mga senior sa mga airport, public universities at government agencies. Sa gitna naman ng pandemya ay tinulungan ni Ong ang mga nawalan ng trabaho na mga transport driver ng UV Express at mga FX driver sa pamamagitan ng pag- empleyo sa kanila bilang mga drayber ng kanyang programang #LibrengSakay. Pati na rin ang ilang mga nawalan ng trabaho na mga empleyado ng ABS-CBN ay nabigyan nya ng alternatibong pagkakakitaan bilang mga contact tracer.

Hindi lamang si Coco Martin, ngunit pati na ang all-star cast ng FPJ’s Ang Probinsyano na bumubuo ng “Task Force Agila,” ay nagpahayag na rin ng kanilang pagsuporta sa AP Partylist sa kanila namang mga account sa social media, at ibinahagi nila ang mga adbokasiya ng AP Partylist na sang ayon sila. “Mula po noong umpisa nakasama na namin si Cong. Ronnie, at kita namin na nagtrabaho talaga siya, naglingkod talaga siya. Kaya ngayon, ang #164 AP Partylist na kasama siya ang sinusuportahan na namin. Sana po ay suportahan niyo rin,” sabi ni Coco Martin.

Bukod pa sa video endorsement, ang AP Partylist nakipagtulungan rin sa mga OPM artist na sina Bassilyo, Sisa at Smugglaz sa kanta nilang “Ako’y Pilipino,” isang awit na nagbabahagi ng pagmamalaki, sipag at tiyaga na taglay na mga katangian ng mga Pilipino. Inawit nilang, “Ikaw ay magtiwala, magtiwalang may magagawa. Ito na ang panahon, ang tamang pagkakataon, sa bawat daing mo’y magtutugon. Ako’y Pilipinong lumalaban, tumatapang, lalo kung nasusugatan, anumang pagsubok ang daanan, haharapin nang may kagitingan. Itaas mo ang noo, isigaw mo sa buong mundo, ako’y Pilipino.” Ang dalawang video ay makikita sa Youtube at sa opisyal na social media page ng AP Party-list. https://www.youtube.com/watch?v=FHAqU3Ie-m

Panawagan ni Coco Martin sa mga manonood na samahan siya sa kanyang bagong biyahe kasama ang bagong partylist, “Dito na tayo sa biyaheng aasenso ang lahat ng Pilipino… AP Partylist #AkoyPilipino, number 164 sa balota.”

Maging updated, sa karagdagang impormasyon, bisitahin: www.fb.watch/bnvpau0MFE/

Emergency polling place, ilalaan sa mga senior, PWDs at buntis — Comelec

ni Lolet Abania | February 23, 2022

Naglabas na ang Commission on Elections (Comelec) ng kanilang pangkalahatang panuntunan sa proseso ng pagboto ng mga persons with disability (PWD), senior citizens, at iyong heavily-pregnant o malaki nang nagbubuntis para sa 2022 elections.

Batay sa Resolution 10761, maglalagay ng mga Emergency Accessible Polling Places (EAPPs) sa mga voting centers at piling lugar na nakalaan para sa mga PWDs, senior citizens, at heavily-pregnant na mga botante.

Ang EAPP ay isang silid o makeshift/temporary polling place na nakalatag sa unang palapag o sa ground floor ng isang voting center o sa labas nito subalit may kalapitan sa botohan, kung saan ang PWD, senior citizen at heavily pregnant voters ay makakaboto sa Election Day.

“The Commission shall ensure that the voting procedures in the EAPP, including the facilities and materials therein are appropriate, accessible and easy to understand and use, and that reasonable accommodation shall be granted to persons with disabilities, senior citizens and heavily pregnant voters in order that they may fully exercise their right to suffrage,” paliwanag ng Comelec.

Ayon sa Comelec, ang isang EAPP ay dapat na itayo sa mga lugar na mayroong isa hanggang pitong barangay, dalawa para sa walo hanggang 14 barangay, at tatlo para sa 15 at pataas na mga barangay.

“All EAPPs must have an ample space capable of accommodating at least 10 PWD, SC, and/or heavily pregnant voters, including wheelchair-users and assistors, at any given time,” pahayag pa ng komisyon.

Sinabi rin ng Comelec na mahalagang accessible ang EAPPs sa mga naturang botante, na dapat mayroon ditong mga rampa, malalaking print signages at mga directional signs naman sa entrance ng voting precinct patungo sa EAPP, madaling makitang mga washroom, at Filipino Sign Language Interpreter kung kakayanin pa nito.

Ayon pa sa poll body, ang isang PWD, senior citizen o heavily-pregnant ay maaaring bumoto sa EAPP o sa polling precinct kung saang presinto siya naka-assign.

Ang pagboto sa EAPP ay magsisimula ng alas-6:00 ng umaga hanggang alas-5:00 ng hapon habang ang pagboto sa mga satellite EAPPs ay mula naman ng alas-6:00 ng umaga hanggang alas-2:00 ng hapon.

Paggamit ng copyrighted songs sa elections campaign, dapat may lisensiya — FILSCAP

ni Lolet Abania | February 21, 2022

Ipinaalala ng Filipino Society of Composers, Authors, and Publishers (FILSCAP) na ang mga elections campaigns na pinatutugtog sa publiko na mga copyrighted songs, ito man ay live o recorded, sa panahon ng campaign rallies o sorties ay nangangailangan ng license mula sa copyright owner.

Sa isang statement, binanggit ng FILSCAP ang tungkol sa Section 177.6 ng Intellectual Property Code of the Philippines.

“This would include the playing of background music before or during the event, and the playing of entertainment music (e.g., during a song or dance performance) as they are considered ‘public performance’ under Sec. 171.6 of the IP Code. This rule equally applies to local and foreign copyrighted songs,” batay sa statement ng grupo.

Ayon pa sa FILSCAP, ang tinatawag na public performance license ay iba sa modification o adaptation license, na kailangang i-secured kung ang mga lyrics ng isang copyrighted song ay binago.

“It is also different from the ‘reproduction license’ (also called mechanical/synchronization license) that needs to be secured if a copyrighted song is recorded (e.g., incorporation of a song in a campaign video) pursuant to Sec. 177.1 of the IP Code,” dagdag pa ng FILSCAP.

Sa kasalukuyan, ang FILSCAP ang tanging organisasyon na accredited ng Intellectual Property Office of the Philippines sa lisensiya, bukod sa iba pa, hinggil sa public performance sa bansa ng mga copyrighted local at foreign songs.