Bukod-tanging naniniwala sa kilusan... Kampanya ng MILF kay Robredo, malaking tulong — Hataman

ni Zel Fernandez | April 25, 2022

Usapan ngayon ang sinasabing malaking tulong umano na magagawa ng endorsement mula sa United Bangsamoro Justice Party, ang political party ng Moro Islamic Liberation Front, sa presidential bid ni VP Leni Robredo ngayong 2022 elections.

Ayon kay Basilan Rep. at Deputy Speaker Mujiv Hataman, tanging si Robredo lamang ang kasalukuyang kandidato sa pagka-pangulo na kumikilala sa pinagdaanan ng mga Moro sa nagdaang kasaysayan.

Aniya, bilang isang kilusang nagsusulong ng karapatan ng Bangsamoro, naniniwala rin umano ang deputy speaker na tama ang desisyon ng MILF sa pagpili ng kandidatong sumusuporta at naniniwala rin sa karapatan ng mga Moro sa self-governance at self-determination.

Giit nito, ang suporta ng United Bangsamoro Justice Party at MILF ay makatutulong nang malaki hindi lamang sa pangangampanya ni Robredo sa Bangsamoro Autonomous Region in Muslim Mindanao (BARMM) kundi maging sa buong Mindanao.

Pahayag ni Hataman, “The UBJP and MILF’s support is indeed a big boost to VP Leni’s campaign not only in BARMM but in the whole of Mindanao. But we must not be complacent, there is more to be done. We must double our efforts if we wish to elect a leader who will ensure there is good governance in public service.”

Debates, stop! Presidential at VP interviews na lang – Comelec

ni Lolet Abania | April 25, 2022

Hindi na isasagawa ng Commission on Elections (Comelec) ang vice presidential at presidential town hall debates, kung saan kanilang ini-reschedule sa Abril 30 at Mayo 1. Sa halip, ayon sa Comelec ay magkakaroon na lamang ng panel interview sa bawat kandidato dahil anila sa tinatawag na, “inevitable scheduling conflicts".

“The Kapisanan ng mga Brodkaster ng Pilipinas (KBP), has announced that the concluding event of the PiliPinas Debates 2022 Series will no longer be Vice-Presidential and Presidential Town Hall Debates,” saad ni Comelec Commissioner George Garcia sa isang mensahe sa mga reporters ngayong Lunes.

“In consideration of the inevitable scheduling conflicts as the candidates approach the homestretch of the campaign period, and as advised by the KBP, the COMELEC will now be adopting a Single Candidate/Team - Panel Interview format,” dagdag niya.

Sinabi ni Garcia na ang interviews sa mga kandidato ay ipapalabas mula Mayo 2 hanggang 6.

“All will be entitled to a 1 hr panel interview,” ani Garcia na dagdag niya, ang mga kandidato ay maaaring dumalo nang virtual o face-to-face.

Binanggit naman ni Garcia sa isang panayam na ang gagawing interview ay puwedeng one-on-one o may “partner” o “tandem".

Ayon pa sa opisyal, mag-iisyu rin ang Comelec ng advisory kaugnay sa naturang event.

Ang KBP na ang magiging partner ng Comelec sa event, dahil ito sa isyung kinasangkutan ng Impact Hub Manila, ang kanilang dating partner sa naunang presidential at vice presidential debates.

Unang naitakda ang town hall debates — ang pinal na mga debate bago ang May 9 elections — na gaganapin sana noong Abril 23 at 24. Subalit, iniurong ito nang Abril 30 at Mayo 1 sa gitna ng mga reports na ang Impact Hub Manila ay nabigong makapagbayad nang buo sa Sofitel Garden Plaza, ang official venue ng mga debates, para sa mga natapos nang mga debate.

Hamon kay VP Leni… “Deny n’yo na hindi n’yo kami pinaaatras” — Isko

ni Zel Fernandez | April 21, 2022

Kulang isang buwan bago ang 2022 National Elections, lalo pang umiinit ang iringan sa pagitan ng mga presidential candidates na kasalukuyang sentro sina Mayor Isko Domagoso at VP Leni Robredo.

Matapos ang isyu ng mga patutsada umano kay aspiring president VP Robredo na mag-withdraw na lamang ng kanyang kandidatura, isang hamon naman ang binitiwan ng kakumpetensiya nito sa pagka-pangulo na si Mayor Isko, na itanggi kung hindi rin nila pinaaatras sa pagtakbo sa posisyon ang ibang mga kandidato.

“I challenge the honorable Vice-President Leni Robredo, deny… deny n’yo na hindi n’yo kami pinaaatras. Ang tanong ko, bakit, kayo lang ba ang may karapatang tumakbo?” ani Domagoso.

Sinagot naman ni presidential candidate VP Robredo ang pasaring sa kanya na umatras sa laban sa pagka-pangulo. Ani Robredo, maghanap na lang sila ng ibang kandidato na papatol sa kanila.

Ayon naman kay Atty. Barry Gutierrez, spokesperson ni VP Leni Robredo, “mula simula, ang tutok ni VP Leni at ng buong kampanya ay manalo sa eleksiyon. Walang nagbago dito”.