70-75% botante ngayong BSKE — Comelec

ni Angela Fernando - Trainee @News | October 30, 2023

Inaasahang 70-75% na botante ang dudumog ngayon para sa eleksyon ng barangay at Sangguniang Kabataan na mas mataas na 71% na naitalang bumoto nu'ng 2018.

Saad ni poll chairman George Garcia, panalo na kung makakuha ng 75% sa 92-milyong botante ngayong halalan.

Nagpahayag din siya ng tuwa sa mga botanteng maagang nagpunta sa kanilang presinto mapa seniors o PWD man ang mga ito.

Dagdag niya, tama ang naging desisyon ng Comelec na simulan ang botohan ng 5am-7am,

Sa kasalukuyan, isinusulong ng Comelec ang maagang botohan para sa 2025 elections upang mas maging maayos ang takbo ng halalan.

Bilanggo, bumoto ngayong BSKE

ni Angela Fernando - Trainee @News | October 30, 2023

Bumoto ang ilang mga bilanggo para sa Barangay at Sangguniang Kabataan Elections ngayong Lunes.

Inihayag ng kalihim ng Interior and Local Government na si Benhur Abalos na may umaabot sa 31, 125 na bilanggo ang boboto ngayong araw, Oktubre 30.

Dagdag niya, karapatan ng kahit na sino ang makaboto sa ilalim ng konstitusyon ng bansa at nakabantay naman ang DILG katulong ng Comelec upang masiguro ang kapayapaan hanggang matapos ang eleksyon.

Nagbaba naman ng utos si Abalos sa direktor ng Bureau of Jail Management and Penology na si Ruel Rivera upang siguraduhing maayos at malinis ang magiging botohan sa mga nakatakdang presinto ng mga bilanggo.

May mahigit sa 29,100 ang boboto sa loob ng mga presinto sa mga kulungan ngayong halalan at may 1,992 namang bilanggo ang sasamahan ng mga opisyal sa kanilang mga nakatalagang presinto.

Sobrang daming poll watchers, isumbong —DILG

ni Eli San Miguel - Trainee @News | October 29, 2023

Hinikayat ng Department of the Interior and Local Government ang publiko na mag-ulat ng malalaking bilang ng mga poll watcher sa Barangay and Sangguniang Kabataan Elections, dahil maaaring nagpapahiwatig ito ng potensyal na vote-buying.

Sa isang pahayag na inilabas bago ang halalan sa barangay, sinabi ni Interior Secretary Benhur Abalos na dapat mag-atas lamang ang mga kandidato ng dalawang watcher na magsisilbi nang salitan sa bawat polling center upang maiwasan ang mga alegasyon ng vote-buying.

"Hinihiling ko sa publiko na maging mapagmatyag at mag-ulat sa Comelec o DILG kung may mapansin silang presinto na umaapaw sa mga poll watchers. Iimbestigahan natin 'yan nang maigi at gagawan ng kaukulang aksyon," sabi ni Abalos sa isang pahayag.

Ayon sa Resolution 10946 ng Commission on Elections, maaaring may hinihinalang vote-buying kung nag-atas ang isang kandidato ng higit sa dalawang watcher bawat presinto.

Kapag napatunayang nagkasala ng vote-buying ang isang kandidato, maaaring makaharap ng pagkabilanggo na aabot sa anim na taon at habambuhay na pagdiskwalipika mula sa pagtakbo sa anumang pampublikong posisyon.