Nagtablang kandidato, dinaan sa palabunutan

Fni Angela Fernando - Trainee @News | November 1, 2023

Tinukoy ng ilang barangay gamit ang palabunutan at toss coin ang mga kandidatong may patas na bilang na botante para malaman ang panalo sa Barangay and Sangguniang Kabataan Elections (BSKE).

Inihayag ang nanalo sa pagka-konsehal batay sa coin toss sa isang barangay sa Maynila.

May ilan ding brgy. gaya sa Lagangilang town ang kinilala ang panalo gamit ang lots, na siya namang pinayagan ng Commission on Elections (Comelec).

Ayon sa abogadong si Emil Marañon III, ang toss coin ay hindi suportado ng Omnibus Election Code ngunit pasok ito kung ang lahat ay kinikilala ang resulta.

Ang ganitong pamamaraan ay dati nang ginamit para matukoy ang panalo sa mga kandidatong nagtabla sa halalan.

Karahasan kaugnay sa BSKE, pumalo sa 237 — PNP

Fni Angela Fernando - Trainee @News | October 31, 2023

Ayon sa Philippine National Police (PNP), umabot sa 237 ang kabuuang bilang ng karahasang may kinalaman sa Barangay and Sangguniang Kabataan Elections (BSKE) ngayon.

Sabi ng PNP spokesperson Police Colonel na si Jean Fajardo, 35 sa mga ito ay konektado sa nangyaring eleksyon at 99 naman sa mga ito ay hindi, meron namang 103 na insidente sa kasalukuyan ang iniimbestigahan pa kung may kaugnayan sa BSKE.

Karamihan sa mga kumpirmadong insidente ng karahasan ay galing sa Bangsamoro at may kinalaman sa pamamaril.

Dagdag ni Fajardo, may 40 insidente ng karahasan ang iniulat nu'ng araw ng halalan na nagresulta sa anim na pagkasawi at 25 na sugatan.

Magpapatuloy ang PNP sa pagbibigay ng seguridad hanggang sa maiproklama ang mga nanalong kandidato kahit tapos na ang araw ng eleksyon.

Merong 12.5% na pagbaba sa bilang ng mga nai-validate na insidente ng halalan mula 40 pababa sa 35 na kaso nu'ng 2018 at tumaas naman ng 29.63% mula sa 27 na kasong naitala nu'ng 2022.

20, arestado sa liquor ban

ni Eli San Miguel - Trainee @News | October 31, 2023

Naaresto ang 20 katao sa Macapagal Boulevard sa Pasay City dahil sa paglabag sa liquor ban para sa Barangay and Sangguniang Kabataan Elections, ayon sa pulisya.

Sasailaim ang mga naaresto sa inquest proceedings ngayong Martes.

Ayon kay Police Col. Froilan Uy, hepe ng pulisya ng Pasay, nakatanggap sila ng ulat na may isang bar na nag-aalok ng alak at iba pang inuming may alak kahit na ipinatutupad ang liquor ban.

Agad na pumunta ang mga tauhan ng pulisya kasama ang isang miyembro ng Commission on Elections electoral board, sa nasabing bar upang tiyakin ang ulat. Ito ang nagdulot ng pag-aresto sa mga customer at staff.

"Nakabukas ang ilaw pagdating namin, may tarpaulin pa na nakalagay na October 29-30, bawal ang Pilipino at foreigner lang ang puwede. Nagkamali siguro sila sa pagkakaintindi dito sa ating Comelec resolution na nagdedeklara sa 29-30 na liquor ban," ayon kay Uy.

Kabuuang 13 dayuhan ang naaresto kasama ang 7 empleyadong Pilipino sa bar. Hindi sila nagbigay ng pahayag hinggil sa pagkakaaresto.