Davao Oriental, niyanig ng magnitude 5.4 na lindol

ni Ronalyn Seminiano Reonico | July 18, 2021

Niyanig ng magnitude 5.4 na lindol ang Governor Generoso, Davao Oriental ngayong Linggo nang umaga, ayon sa PHIVOLCS.

Unang naitala ang lindol kaninang alas-8:09 bilang magnitude 4.7 ngunit itinaas ito sa magnitude 5.4 na may lalim na 42 kilometers at ayon sa PHIVOLCS, inaasahang may magaganap na mga aftershocks.

Samantala, naramdaman din ang Intensity V sa Governor Generoso, Davao Oriental; Intensity IV sa Mati City, Davao Oriental; Intensity III sa Tampakan at Tupi, South Cotabato; Intensity II sa Davao City; General Santos City; Kidapawan City; Kiamba, Sarangani; at Intensity I sa Arakan, Cotabato.

Naitala rin ng PHIVOLCS ang Instrumental Intensity II sa General Santos City; Kidapawan City; Kiamba, Sarangani. Bukod sa posibleng aftershocks, nagbabala rin ang PHIVOLCS sa posibleng maitalang pinsala dahil sa lindol.

Davao Occidental, niyanig ng magnitude 6.2 na lindol

ni Ronalyn Seminiano Reonico | July 10, 2021

Niyanig ng magnitude 6.2 na lindol ang Davao Occidental ngayong Sabado, alas-8:43 nang umaga, ayon sa tala ng Philippine Institute of Volcanology and Seismology (PHIVOLCS).

Ayon sa PHIVOLCS, may lalim na 088 kilometers at wala namang inaasahang pinsala sa naturang lindol.

Samantala, nagbabala ang PHIVOLCS sa posibleng aftershocks.

Surigao del Sur, niyanig ng magnitude 5 na lindol

ni Lolet Abania | June 27, 2021

Niyanig ng magnitude 5 na lindol ang Surigao del Sur na nasa 14 kilometro timog-silangan sa bayan ng Cagwait ngayong Linggo nang hapon, ayon sa ulat ng Philippine Institute of Volcanology and Seismology (PHIVOLCS).

Naramdaman ang lindol bandang alas-3:14 nang hapon na tectonic in origin at may lalim na 26-kilometro.

Nakapagtala naman ng Intensity III sa Bislig City. Ang pagyanig ay nagtala rin ng Instrumental Intensity II sa Surigao City; Gingoog City, Misamis Oriental; at Abuyog, Leyte, habang Instrumental Intensity I sa Cagayan de Oro City.

Walang namang naiulat na napinsala matapos ang lindol.

Gayunman, pinapayuhan ng PHIVOLCS ang publiko na mag-ingat sa posibleng mga aftershocks.