Batangas, niyanig ng 5.3-magnitude na lindol

ni Lolet Abania | December 13, 2021

Niyanig ng magnitude 5.3 na lindol ang lalawigan ng Batangas ngayong Lunes ng hapon, ayon sa PHIVOLCS.

Batay sa PHIVOLCS, naitala ang lindol bandang alas-5:12 ng hapon, na nasa 24 kilometro timog-kanluran ng Calatagan, Batangas habang may lalim itong 99 kilometro at tectonic in origin.

Naramdaman din ang pagyanig na nakapagtala ng Intensity 3 sa Quezon City at Intensity 2 naman sa San Felipe, Zambales.

Gayundin, naitala ang Instrumental Intensity 1 sa Quezon City, Tagaytay City, Batangas City at Calatagan. Ayon pa sa PHIVOLCS, asahan na ang posibleng mga aftershocks matapos ang lindol.

Sarangani Island, niyanig ng 6.1 magnitude na lindol

ni Lolet Abania | December 5, 2021

Niyanig ng magnitude 6.1 na lindol ang bahagi ng baybayin ng Sarangani Island, Davao Occidental ngayong Linggo ng umaga.

Ayon sa Philippine Institute of Volcanology and Seismology (PHIVOLCS), naitala ang lindol bandang alas-7:47 ng umaga ngayong Linggo.

Ang epicenter nito ay matatagpuan sa layong 04.06°N, 128.15°E - 336 km S 62° east ng Sarangani Island sa Davao Occidental.

Sa ulat ng PHIVOLCS, ang lindol ay may lalim na 173 km habang tectonic in origin.

Naitala ang Intensity II na naramdaman sa Jose Abad Santos sa Davao Occidental, at sa Cateel, Davao Oriental.

Sinabi pa ng ahensiya, wala namang pinsala na inaasahan subalit posibleng magkaroon ng mga aftershocks.

Davao Oriental: 4.8 magnitude na lindol, naitala

ni Lolet Abania | October 26, 2021

Niyanig ng 4.8 magnitude na lindol ang munisipalidad ng Caraga sa Davao Oriental, ngayong Martes ng hapon, ayon sa Philippine Institute of Volcanology and Seismology (Phivolcs).

Batay sa ulat ng Phivolcs, naitala ang lindol ng alas-1:51 ng hapon ng Martes at tectonic in origin habang may lalim na 32 kilometro.

Ayon sa Phivolcs, wala namang inaasahang aftershocks habang walang ring naitalang pinsala sa lugar.