'Tara, Laro' inilunsad ng MLBB Philippines

ni Rey Joble @E-Sports | March 17, 2024

Inilunsad ng Mobile Legends: Bang Bang Philippines ang 'Tara, Laro', isang kampanya bilang paggunita sa taunang Allstar na nagsimulang buksan noong Biyernes hanggang Abril ng taong ito.

Ang caravan ay iikot sa iba't-ibang dako ng Pilipinas kung saan bibisitahin ng MLBB Philippines ang Cavite, Laguna, Batangas, Rizal at Quezon (CALABARZON) at ipunin ang mga MLBB gamers at ibahagi sa kanilang ang mag nakatutuwang programa kung saan nakatuon rito ang pagkakaisa, teamwork at magandang relasyon ng mga magkakasama sa team at magkakatunggali.

"For many of us, MLBB has been an instrument to make memories with friends, bond with family, or relax with work colleagues. Despite the game bringing out our competitive nature, it still serves as a platform that connects us with our loved ones and also provides entertainment to burn off stresses," ang sabi ni Bella Zhang, Moonton Games Campaign Manager ng Allstar  Philippines.

"With 'Tara, Laro' we hope to see our MLBB gamers in the activities that we prepared for them so they can create a closer and healthier bond," dagdag ni Zhang.

Sa unang bahagi ng kampanya, ilulunsad ng MLBB Philippines ang Allstar PH music video na "Tara Laro" sa Marso 22, 2024.

Kinanta ito ng popular na aktres na si "Pambansang Fiance" kasama ang mag TikTok influencers na sina Prince Adrian Dagdag at Sean Panganiban, ang masayang indak ng musikang ito ay naglalayong ipatupad ang pakikipagkaibigan at positibong komunidad sa larangan ng Filipino MLBB gaming.

Samantala, ang tatlong parte ng video series ay ilulunsad para sa mga kinakaharap ng MLBB gamers at kung paano ito magsisilbing gabay para mapanatili ang matibay na relasyon ng pamilya, pamumuno at pakikipagkaibigan. Ang unang nakakatuwang episode ay ilalabas sa Marso 25 sa mga iba't-ibang MLBB official channels.

Bagong Jpop group, ipakikilala sa MLBB

ni Rey Joble @E-Sports | March 16, 2024

Papailanglang ang pinakabagong grupo sa Mobile Legends: Bangbang – ang Sparkle.

Binubuo ng mga pangunahing miyembro ng grupo sa pangunguna nina Estes sa Keyboard, Frederinn sa Drums, at Melissa bilang premyadong bokalista at gitarista, binuo ang tatlo base sa kanilang naturang hilig sa musika. Pero ano nga bang klaseng musika ang ating inaasahan?

Tunghayan ang kanilang unang pagsalang sa ALLSTAR Rave Live sa Marso 30. Simula ngayong araw, Marso 16, ang mga manlalaro ay puwedeng makakuha ng Allstar tokens sa pagkumpleto ng kanilang arawang asignatura at makakolekta ng mga rewards galing sa Allstart shop, kabilang dito ang Allstar Graffitti, Allstar Avatar Border, Allstar Gifts, mga permanenteng sapatos at iba pa.

Ang naturang shop ay bubuksan mula ngayong araw hanggang 30 ng Abril kung saan mabibili ang Allstar  Skin Estes simula 21 ng Marso at Allstar Fredrinn na ilalabas sa 28 ng Marso. Mabibili ito na may 30% discount sa unang tatlong Linggo.

Si Sparkle Melissa ay lalabas na may dalawang skins – and Classic Album version na may 349 na diamonds at ang Collector's Album na may 599 at maaari na itong mabili mula Marso 16. Maari ring makuha ang special battlefield emote at action ni Meslissa hanggang Abril. 

Team Spirit ibabandera ang Deus Vult sa MLBB C'ships

ni Rey Joble @E-Sports | March 10, 2024

Babandera ang Team Spirit bilang isang premyadong organisasyon na sasalang sa papalapit na Mobile Legends: Bang Bang Continental Championships Season 3 na gaganapin sa Marso 30.

Inanunsiyo ito ng Moonton Games and Fissure, ang organizers ng torneo kung saan papagitna sa Team Spirit, bitbit ang mga kasali sa Deus Vult, na nagkampeon sa Season 2 ng MCC at isa sa apat na nangungunang koponan sa M5 World Championship.

Ang Team Spirit ay kilala bilang sa mga pangunahing organisasyon ng esports sa Silangang Europa at gitnang Asya (EECA).

Pumukaw ng atensiyon ang Deus Vult sa M5 World Championship kung saan pinangunahan ang kanilang kampanya ni  "Kid Bomba." 

Ang kanilang magandang pagtatapos ay nakalikha ng ingay, dahilan para kuhain sila ng Team Spirit na pinapirma ang mga naturang players gaya nina Stanislav "SAWO" Reshnyak, Anton "HIKO" Pak, Kemiran "Sunset Lover" Kochkarov, Mathaios "Kid Bomba" Chatzilakos at Sergei "Marl" Finashev.

Ayon kay Adalyat Mamedov, Esports and  Commercial Lead, EECA ng  Moonton Games, bukas palad nilang tinatanggap ang Team Spirit para mas maging prestihiyoso at mas glamoroso ang naturang kompetisyon.

"As one of the world's esports juggernauts, we expect them to raise the league's competitive quality and entertainment value to the next level. Coupled with their world-beating talent equipped with teen spirit, they are set for an impactful first season."

Hangad naman ni Team Sprit chief executive officer Nikita Cheshir Chukalin na mas pagbutihin pa ang kanilang kampanya at mapanatili ang kanilang estado bilang pinakamahusay na team sa rehiyon.

Magandang hamon naman para sa Team Spirit, ayon kay Nikita, ang pagsali sa Mobile Legends: Bang Bang kung saan makikita kung gaano kataas pa ang kanilang potensiyal sa bagong larangan na kanilang sasalihan.