Rayosdelsol, unang Pinoy import sa Mobile Legends

ni MC - @Sports | July 5, 2022

Gumawa ng malaking kasaysayan si Kairi “Kairi” Rayosdelsol matapos maging unang E-Sport Pinoy import ng Mobile Legend (ML).

Sa kanyang paglipat mula sa Onic PH patungo sa Onic Esports, iniukit ni Kairi ang kanyang IGN sa mga talaan ng kasaysayan ng MPL nang siya ang naging unang import na Pinoy para sa dayuhang Mobile Legends squad.

Ang jungler (nawawala ang kanyang signature shock ng blonde hair) ay ipinakilala sa isang press conference na pinangunahan ng Onic Indonesia, kasama si coach Denver “Yeb” Miranda.

Habang si Kairi ang unang Pinoy pro player na nakuha ng isang Indonesian team, hindi kakaiba ang kaso ni Yeb. Dati, nagkaroon ng stint si Coach Francis “Duckeyyy” Glindro sa Evos Legends bago bumalik sa Pilipinas para alagaan ang Bren Esports sa kanilang ginintuang edad.

Magkahalo naman ang naging reaksyon ng mga netize kaugnay sa isyu.

Samantala, nagbabalik laro si Michele Gumabao para sa Creamline sa pagsabak ng koponan sa 2022 Premier Volleyball League (PVL) Invitational Conference.

Nagbalik sa paglalaro sa Cool Smashers si Gumabao matapos ang bigong pagkandidato nito sa isang pwesto sa House of Representatives na may party list na Mothers for Change (Mocha).

Nakapasok ang 29-anyos na opposite hitter sa Open Conference. Huli siyang naglaro para sa Creamline noong 2021 Open Conference sa Bacarra kung saan bumagsak ang Cool Smashers kay Chery Tiggo sa finals.

Aristorenas, dagdag sa Team Sibol ng FIFA Online sa SEA Games

ni Anthony E. Servinio - @Sports | February 23, 2022

Dadalhin ni dating Philippine Azkals Jorrel Zachary Aristorenas ang nalalaman sa Football sa cyberspace bilang bahagi ng Team Sibol sa Southeast Asian Games sa Vietnam. Napili ang 27 anyos na midfielder na maglaro ng FIFA Online 4 kasama sina Rad Novales at Aljhon Canas matapos ang masinsinang tryout.

Nagpakita ng husay si Aristorenas at nag-kampeon sa pinakaunang PFF eTrophy noong Abril, 2021. Dahil dito, siya at ang isa pang dating national player na si Renard Yu ang kumatawan sa Pilipinas sa FIFAe Nations Online Qualifiers.

Bago gumawa ng pangalan sa eSports, kasama si Aristorenas sa United City Football Club na nagwagi ng 2020 Philippines Football League (PFL). Nakapaglaro rin siya sa Loyola, Meralco Manila, Ceres Negros, Davao Aguilas at Global sa PFL at sa dating United Football League (UFL).

Ang FIFA Online 4 ay isa sa mga paglalabanang titulo kasama ang League of Legends at CrossFire na gagamit ng computer. Gagamit ng mobile para sa Mobile Legends: Bang Bang, Garena Free Fire, PUBG Mobile, Arena of Valor at League of Legends: Wild Rift kung saan may kabuuang 10 gold medal ang naghihintay.

Noong 2019 SEA Games sa Pilipinas, nakuha ng Sibol ang tatlo sa anim na ginto sa Dota 2, Starcraft II at Mobile Legends: Bang Bang. Nagwagi rin ng pilak at tanso sa Tekken 7 subalit hindi lalaruin sa Vietnam ang lahat mga nasabing titulo maliban sa Mobile Legends.

Samantala, nabawasan ng isa pang manlalaro ang United City sa pagpirma ni OJ Porteria sa Kirivong Sok Sen Chey ng Cambodia Premier League. Bumalik si Porteria sa UCFC galing sa Ratchaburi Mitr Phol ng Thai League One para sa 2021 AFC Champions League subalit hindi nakalaro.

ESports: Blacklist Int'l kakatawan sa SEAG MLBB

ni Gerard Arce - @Sports | February 03, 2022

Kakatawanin ng M3 World champions Blacklist International ang Pilipinas bilang parte ng Sibol national team sa E-sport event na Mobile Legends: Bang Bang sa 31st Southeast Asian Games matapos pataubin ang Nexplay EVOS sa qualifying tournament.

Ipinamalas ng Blacklist ang matibay na eksperyensya at magandang plays para ilatag ang 4-1 panalo sa rookie-laden team na Nexplay sa pangunguna nina Johnmar “OhMyV33nus” Villaluna, Salic “Hadji” Imam, Danerie James “Wise” Del Rosario, Howard “Owl” Gonzales, at Kyle Dominic “DOMINIC” Sotto, habang mahusay na pagpili at desisyon ng mga coaches na sina Kristoffer “Bon Chan” Ricaplaza at Aniel “Master the Basics” Jiandani. Hindi nakasali ang mga regular members na sina MLBB World champion MVP Keil “OHEB” Soriano at EXP-laner Edward “EDWARD” Jay Dapadap dahil pinagbawalan pang makasali ang wala pang edad 18.

Noong 2019 SEAG sa bansa ay binuo ang Sibol national team nina Angelo Arcangel, Jeniel Bata-anon, Allan Castromayor Jr., Karl Nepomuceno, Carlito Ribo, Jason Torculas, at Kenneth Villa na nagwagi ng ginto nang talunin ang Indonesia sa final round.

Gayunpaman, kahit na nanaig ang two-time MPL champion ay aminadong nahirapan ang grupo lalo pa’t malaki umano ang na-improve ng Nexplay EVOS sa mga rookie nitong sina Raniel “URESHIII” Logronio, Mariusz “Donut” Tan at Kenneth “CADENZA” Castro.