P1.2 B halaga ng shabu, winasak ng PDEA

ni Lolet Abania | June 23, 2021

Higit sa 912 kilograms na aabot sa mahigit P1.295 bilyong halaga ng iba't ibang klase ng droga ang winasak ng Philippine Drug Enforcement Agency (PDEA) sa Trece Martires City, Cavite, ngayong Miyerkules.

Sa isang pahayag ng PDEA, ang mga drug evidence ay sinira sa pamamagitan ng thermal decomposition na nasa pasilidad ng Integrated Waste Management, Inc. (IWMI). Ayon sa PDEA, ang thermal decomposition o thermolysis ang siyang sisira sa lahat ng chemical compounds dahil sa init na mayroon ito.

Sa temperaturang 1,000 degrees centigrade, lahat ng mapanganib na droga na dadaan dito ay tuluyang made-decompose o mawawasak.

Kabilang sa mga mapanganib na droga na kanilang sinira ay methamphetamine hydrochloride o shabu, toluene, marijuana, cocaine, ecstasy at iba pa. Sa report ng PDEA Laboratory Service, inilabas ang halaga ng bawat ilegal na droga na kanilang sinira:

• 133,134.40 grams of shabu, with an estimated street value of P905,313,916.00

• 102,330 ml of liquid shabu worth P208,753,200.00

• 10.10 grams of toluene worth P1,066.16

• 504,198.96 grams of marijuana worth P60,503,863.34

• 3,585.40 grams of cocaine worth P19,002,638.55

• 4,131.34 grams of MDMA worth P28,319,696.77

• 209,584.30 grams of pseudoephedrine worth P72,432,334.08

• 122.48 grams of ephedrine worth P612,400.00

• 30.26 grams of diazepam worth P2,345.15

• 65.93 grams of nitrazepam worth P1,401.10

• 30.23 grams of alprazolam worth P642.39

• 49.69 grams of methylephedrine worth P79,504

• 4.50 grams of ketamine worth P27,346.50

• 350 ml of GBL

• 6,090.50 grams of opium

• 0.42 grams of methylphenidate

• 50,000 grams of expired medicines

Pinuri naman ni PDEA Director General Wilkins Villanueva ang iba't ibang Regional Trial Courts branches dahil sa walang humpay nilang pag-prosecute at disposisyon sa mga drug cases, kung saan nagresulta ito sa agarang pagsira nila ng mga drug evidence.

“We want to assure the public that all seized illegal drugs under the custody of PDEA will all be destroyed, thus allaying fears of recycling,” ani Villanueva.

Sinabi pa ng PDEA, ang ginawang pagsira sa mapanganib na droga ay bilang pagsunod sa guidelines na nakasaad sa Section 21, Article II ng Comprehensive Dangerous Drugs Act of 2002, at Dangerous Drugs Board Regulation No. 1, Series of 2002. Dumalo rin sa naturang ceremony ang mga opisyal ng lokal na pamahalaan, Philippine National Police, Department of Justice, Department of the Interior and Local Government, non-government organizations, at mga miyembro ng media.

P1.2 M marijuana at P1 M shabu, nasabat sa Benguet at Bohol

ni Mary Gutierrez Almirañez | June 4, 2021

Limang magkakahiwalay na plantasyon sa Benguet ang sinuyod ng mga awtoridad, kung saan 6,300 tanim ng marijuana o nagkakahalagang P1.2 million ang sinira ng Philippine National Police (PNP) at Philippine Drug Enforcement Agency (PDEA) nitong Huwebes, ayon kay PNP Chief Police General Guillermo Eleazar.

Sabi pa ni Eleazar, "As part of Cleanliness in the Community aspect of our Internal Cleanliness Policy, our marijuana eradication operation nationwide will continue.”

Samantala, mahigit 150 gramo o nagkakahalagang P1,020,000 shabu naman ang nasabat ng PNP at PDEA sa Tagbilaran City, Bohol mula sa 51-anyos na si Palawan Macaorog.

“The Philippine National Police will continue to strengthen its operational capacity to step-up the campaign against illegal drugs in the country under our Intensified Cleanliness Policy,” giit pa ni Eleazar.

Dagdag niya, “We will never lower our guard against the drug syndicates, rather we will reinforce our coordination with our partner agencies especially with the Philippine Drug Enforcement Agency that has been at the forefront of this war on drugs.”

P68 M shabu, nakumpiska; 2 suspek, patay

ni Ronalyn Seminiano Reonico | May 24, 2021

Patay ang dalawang drug suspects sa isinagawang joint operation ng Philippine National Police (PNP) at Philippine Drug Enforcement Agency (PDEA) kung saan nakumpiska ang 10 kilo ng shabu na nagkakahalagang P68 million noong Linggo nang gabi sa Katarungan Village 1, Muntinlupa City.

Ayon sa ulat nina Police Brigadier General Remus B. Medina, Director PNP Drug Enforcement Group (PDEG) at PNP Chief Police General Guillermo Lorenzo T. Eleazar, ang anti-illegal drug operations na pinangunahan ng Special Operation Unit 16 (NCR) kasama ang Police Regional Office 6 Regional Intelligence Division, PDEA NCR, NCRPO-RID-RSOG-RDEU, Muntinlupa City Police Station, NCR Southern Police District at Bureau of Customs CIIS ay nauwi sa engkuwentro.

Kinilala ng awtoridad ang mga suspek na sina Jordan Sabandal Abrigo at Jayvee De Guzman na parehong nasawi sa operasyon.

Kabilang umano sa mga narekober ng awtoridad ay ang tatlong plastic ng Chinese teabags na may lamang 10 kilograms ng white crystalline substance na hinihinalang shabu na nagkakahalagang P68 million, isang black Nissan Cefiro na walang plate number, at two loaded cal.45 pistols.

Samantala, ayon sa imbestigasyon, miyembro ng sindikatong Divinagracia Drug Group ang dalawang suspek.

Saad pa ng PNP, “Investigation further revealed that the two drug suspects are members of the Divinagracia Drug Group led by Michael Divinagracia and a certain Jhonson, a Chinese national currently serving sentence at New Bilibid Prison.”

Pahayag pa ni Eleazar, “The said drug syndicate also operate in different areas of Visayas and Mindanao using cargo trucks travelling via RORO (roll on, roll off) from Batangas Port and received by their Muslim cohorts in the area.”