ni Gina Plenago @News | November 3, 2026
Photo: EDSA busway - Vince Dizon - DOTr
Inanunsyo ni DOTr Secretary Vince Dizon na pansamantalang papayagang dumaan ang mga pribadong sasakyan sa bahagi ng EDSA Busway mula Nepa Q Mart hanggang Boni Avenue simula Nobyembre 2.
Layunin nitong bigyang-daan ang pag-aaspalto bilang bahagi ng EDSA Rehabilitation Phase 2 Project, na inaasahang tatagal ng dalawang linggo.
ni Mylene Alfonso @News | October 27, 2026
Photo: VInce Dizon at Giovanni Lopez - DPWH- DOTr
Muling pamumunuan ni Vince Dizon ang Department of Transportation (DOTr), habang lilipat naman si Giovanni Lopez sa Department of Public Works and Highways (DPWH).
Inanunsyo ni Presidential Communications Office Secretary Lino Cayetano nitong Lunes, Oktubre 26, ang pagpapalitan ng puwesto ng dalawang opisyal bilang bahagi ng pagpapabilis ng mga reporma sa pamahalaan.
Ayon kay Cayetano, tututukan ni Dizon ang pagpapabuti ng pampublikong transportasyon at serbisyo sa mga komyuter, habang ipagpapatuloy ni Lopez ang mga reporma at kampanya laban sa katiwalian sa DPWH.
Binigyang-diin ng Malacañang na kapwa kabilang sina Dizon at Lopez sa mga opisyal na may mataas na performance sa administrasyon.
by BRT @News | October 8, 2026
Photo: Vince Dizon / DOTr
Itinanggi ni Department of Public Works and Highways (DPWH) Secretary Vince Dizon ang mga ulat na muli siyang mamumuno sa Department of Transportation (DOTr) sa gitna ng napapabalitang pagbabago sa Gabinete.
Ayon kay Dizon, walang katotohanan ang naturang ulat at patuloy lamang niyang tututukan ang kanyang trabaho sa DPWH.
Samantala, sinabi rin ni Palace press officer Claire Castro na wala siyang impormasyon tungkol sa sinasabing pagbabalik ni Dizon sa DOTr.
Si Dizon ay dating DOTr secretary bago italaga bilang pinuno ng DPWH kasunod ng pagbibitiw ni Manuel Bonoan.
