Sintomas sa mild case, nababawasan... Lagundi at tawa-tawa, aprub sa DOST

ni Lolet Abania | October 17, 2021

Positibong ipinahayag ng Department of Science ang Technology (DOST) na ang lagundi at tawa-tawa ay posibleng adjunct treatment o karagdagang panggamot na makatutulong na mabawasan ang sintomas ng mga may mild COVID-19 cases.

Sa isang interview kay DOST Undersecretary Rowena Guevarra ngayong Linggo, sinabi nitong natapos na ang clinical trial para sa lagundi at ang inisyal na kongklusyon ng study team ay kayang bawasan ng naturang herbal medicine ang sintomas ng mild COVID-19 cases.

“So, na-prove na nila na nale-lessen ‘yung mga symptom using lagundi, lalo na ‘yung pagkawala ng pang-amoy, nakapagbibigay din ito ng overall relief from discomfort due to the symptoms,” ani Guevarra.

Gayundin, para sa trial ng tawa-tawa, nakapagbigay ito ng magagandang feedback mula sa mga respondents na may mild hanggang moderate cases ng COVID-19.

“Of the 172 random COVID-19 positive respondents who took two tawa-tawa 1,950mg capsules three times a day for 10 days, their symptoms disappeared within three to five days,” sabi ni Guevarra.

Nilinaw naman ng kalihim na ang tawa-tawa ay ibinibigay bilang food supplement. Paliwanag pa ni Guevarra, ang lagundi ay isang herbal medicine, habang ang tawa-tawa ay isang herbal supplement. “Magkaiba ‘yun,” sabi pa niya.

Ayon kay Guevarra, ang mga sintomas na nawala simula nang gumamit ng tawa-tawa ay lagnat, chills, masakit na katawan, at ubo.

“’Yung isang respondent, sabi niya, pagka-take niya, ang general well-being niya nag-improve -- pati ‘yung paghinga. ‘Yung isa nagkaroon ng increased appetite, better bowel movement ... tapos na-alleviate ang cough,” sabi pa ni Guevarra.

Sa kabuuan, ang lagundi at tawa-tawa ay nagbunga ng magandang resulta kontra-COVID-19 na may mild at moderate symptoms.

Sinabi rin ni Guevarra na naghahanap na at pinag-aaralan na rin ng DOST ang anti-viral effect ng lagundi para sa pasyenteng mayroong mild at moderate COVID-19 cases na may comorbidities.

Nang tanungin si Guevarra kung ang lagundi at tawa-tawa ay maaari ring gamitin bilang self-medication aniya, “its okay, there’s no harm expected from lagundi and tawa-tawa.”

VCO clinical trials sa PGH, matatapos na — DOST

ni Lolet Abania | September 19, 2021

Inaasahan ng Philippine General Hospital (PGH) sa Manila na makukumpleto na ang kanilang clinical trials hinggil sa paggamit ng virgin coconut oil (VCO) bilang gamot laban sa COVID-19 sa katapusan ng Setyembre, ayon sa Department of Science and Technology (DOST).

Sinabi ni DOST Secretary Fortunato Dela Peña, napapanahon ang naturang development dahil ang bansa ay patuloy na nakararanas ng mga hamon sa pagkuha ng suplay ng tocilizumab, isang medisina ito na ginagamit off-label para gamutin ang mga pasyenteng may COVID-19.

Ayon pa sa kalihim, inaasahan na ring makukumpleto ng DOST ang COVID-19 clinical trials sa iba pang medicinal plants kabilang na ang lagundi at tawa-tawa.

“I think end of September, tapos na itong VCO sa PGH at lagundi trials at tawa-tawa,” ani Dela Peña sa isang interview ngayong Linggo.

“Let’s wait for around two weeks at makakarinig na tayo ng updates,” sabi pa niya.

Sa hiwalay na clinical trial ng DOST sa VCO na isinagawa naman sa Sta. Rosa, Laguna, lumabas na ilan sa mga COVID-19 patients na nakatanggap ng naturang herbal medicine ay mas mabilis na nakarekober kumpara doon sa mga hindi nabigyan ng medisina.

“Iyong VCO, lahat sila gumaling na on the 18th day. ’Yung hindi nabigyan, gumaling din pero on the 23rd day,” sabi ni Dela Peña.

Paliwanag pa ng kalihim na sa PGH, ang mga moderate at severe COVID-19 patients ang participants o kalahok sa ginawang clinical trials ng VCO.

Maliban sa PGH, nagsasagawa na rin ang Valenzuela at Muntinlupa ng clinical trials ng VCO bilang potential treatment para sa mga COVID-19 patients.

Bagyong Kiko: Tropical Cyclone Wind Signals sa iba’t ibang panig ng bansa

ni Jasmin Joy Evangelista | September 11, 2021

Nakataas ang Tropical Cyclone Wind Signals No. 4 sa Batanes at northeastern portion of Babuyan Islands dahil pa rin sa Bagyong #KikoPH.

Nakataas ang Tropical Cyclone Wind Signals (TCWS) No. 4 sa mga sumusunod na lugar:

* Batanes

* northeastern portion of Babuyan Islands (Babuyan Is.)

Tropical Cyclone Wind Signals (TCWS) No. 3:

* northwestern and southeastern portions of Babuyan Islands (Panuitan Is., Calayan Is., Camiguin Is., Pamuktan Is., Didicas Is.)

Tropical Cyclone Wind Signals (TCWS) No. 2:

* northern portion of mainland Cagayan (Santa Ana, Gonzaga, Santa Teresita, Buguey, Sanchez-Mira, Pamplona, Ballesteros, Abulug, Camalaniugan, Aparri, Claveria, Santa Praxedes)

Tropical Cyclone Wind Signals (TCWS) No. 1:

* Cagayan

* the northern portion of Ilocos Norte (Adams, Dumalneg, Bangui, Vintar, Carasi, Nueva Era, Piddig, Solsona, Burgos, Pasuquin, Bacarra, Laoag City, San Nicolas, Sarrat, Dingras, Pagudpud)

* Apayao

* the northern portion of Kalinga (Balbalan, Pinukpuk, City of Tabuk, Rizal)

* the northeastern portion of Abra (Tineg, Lacub, Malibcong)

* the northern portion of Isabela (Divilacan, Ilagan City, Quirino, Quezon, Mallig, Tumauini, Maconacon, San Pablo, Cabagan, Delfin Albano, Santo Tomas, Santa Maria)

Asahan ang patuloy na pag-ulan sa iba’t ibang panig ng bansa.

Pinapayuhan ang lahat na mag-ingat sa posibleng landslide at flash floods.