Walang volunteer work — DepEd.. 30 days bakasyon sa titser, aprub

ni Madel Moratillo @News | September 6, 2023

Tiniyak ni Vice President at Education Secretary Sara Duterte na hindi bibigyan ng anumang volunteer work sa panahon ng kanilang 30-day break pagkatapos ng School Year 2023-2024.

Pagtiyak ng Bise Presidente, kasama na ito sa kanilang End of School Year (EOSY) rights sa official school calendar.

Ang EOSY ang kasalukuyang academic year na itinakda mula Hunyo 17 hanggang Agosto 25 ng 2024.

“We made sure that this year’s school calendar, teachers will have 30 straight days of rest during the break without any DepEd activity that requires volunteer work,” pahayag ni Duterte.

Lahat aniya ng aktibidad na may voluntary participation ay itinakda pagkatapos ng nasabing 30-day break.

Nakatakda aniyang maglabas ang DepEd ng memorandum kung saan pagpapaliwanagin ang mga school head at regional directors kung may mga gurong magrereklamo sa panahon ng 30-day break.

Christmas decor sa klasrum, oks — DepEd

ni Madel Moratillo @News | September 2, 2023

Hindi ipagbabawal ng Department of Education ang Christmas decorations sa mga pampublikong paaralan.

Basta ayon kay DepEd Spokesperson Usec. Michael Poa ay hindi permanente ang mga dekorasyon na ito.

Dapat simple lang din aniya ang dekorasyon.

Nagpaalala naman si Poa na bawal ang magpa-contests para sa best Christmas decorations sa mga classrooms.

Ayaw lang aniya nilang maabala at gumastos pa ang mga guro para rito.

Una rito, ipinag-utos ni Vice President at Education Secretary Sara Duterte ang pag-alis ng “unnecessary” na dekorasyon gaya ng visual aids sa pader ng mga klasrum.

12 DepEd at DBM execs, tinuluyan sa overpriced laptops

ni Jeff Tumbado @News Photo | August 26, 2023

Suspendido ang 12 opisyal mula sa Department of Education (DepEd) at Department of Budget and Management (DBM) kaugnay sa pagbili sa overpriced laptops noong panahon ng Duterte administration.

Sa 11-pahinang resolusyon, sinabi mismo ni Ombudsman Samuel Martires na nakakita sila ng sapat na batayan para suspendihin ang mga opisyal dahil sa grave misconduct, serious dishonesty at gross neglect of duty.

Kabilang sa mga sinuspinde at kinasuhan sina DepEd Undersecretary Annalyn Sevilla, dating DepEd undersecretary Alain del Pascua, dating Department of Budget and Management undersecretary Lloyd Christopher Lao, DepEd Assistant Secretary for Administration and Procurement, Salvador Malana III, Director Abram Abanil of the Information and Communications Technology Services, DepEd/Designated Ad Hoc Member, Special Bids and Awards Committee (SBAC-1) for the “Laptop for Teachers” Project, Director Jasonmar Uayan, Officer-in-Charge, Executive Director, Procurement Service-DBM, Ulysees Mora Procurement Management Officer, PS-DBM and Designated Chairperson, SBAC-1, Marwin Amil, Procurement Management Officer I, PS-DBM and Designated Provisional Member, SBAC-1; Alec Ladanga, Executive Assistant IV, Office of Undersecretary Sevilla, DepEd, Marcelo Bragado, Director IV, Procurement Management Service, DepEd, Selwyn Briones, Supervising Administrative Officer, DepEd, at Paul Armand Estrada, Procurement Management Officer V, PS-DBM and Designated Regular Member, SBAC-1.

Sinabi ng anti-graft body na ang suspensyon ay ayon sa Section 27 ng Ombudsman Law.

“This Order is immediately executory,” giit pa ng Ombudsman.

Nag-ugat ang desisyon ng Ombudsman sa reklamong inihain ng Senate blue ribbon committee sa imbestigasyon nila sa naturang kontrobersiya.