Manipulasyon sa kaso ng COVID-19, itinanggi ng OCTA Research

ni Mary Gutierrez Almirañez | March 17, 2021

Itinanggi ng OCTA Research Group na manipulado ng pamahalaan ang kaso ng COVID-19 sa bansa sapagkat may mga datos na makapagpapatunay sa bilang ng mga nagpopositibo at kung saan napupunta ang mga bakuna, ayon kay OCTA Research Group Fellow and UP Mathematics Professor Dr. Guido David sa ginanap na Pandesal forum kaninang umaga, Marso 17, sa Kamuning Bakery.

Aniya, ang mga inilalabas na datos ng Department of Health (DOH) ay may basehan at nakadepende rin sa science ang bawat aksiyon na ginagawa ng pamahalaan.

May mga record kung saan nakalista ang bawat pangalan, edad at lokasyon ng mga pasyenteng positibo sa virus. Iginiit din niyang batay sa statistics, kada 100% sa naitalang kaso ay mayroong 2% death at infected rate na iniulat, na nangangahulugang mabilis ang hawahan sa bawat nagpopositibo o 'yung .5% reproduction rate.

Ayon pa sa survey, mahigit 90% ng mga mamamayan ang nagsusuot ng face mask, habang 80% naman ang nagsusuot ng face shield. Bagama’t wala pang ebidensiya galing sa Philippine Genome Center na ang posibleng dahilan ng mabilis na hawahan ay ang mga bagong variant ng COVID-19, gayunman, patuloy pa ring pinapayuhan ang publiko na sumunod sa ipinapatupad na health protocols.

Dagdag pa niya, ligtas at pinag-aralang mabuti ng mga eksperto ang lahat ng bakuna kontra COVID-19 kaya hindi dapat mangamba ang publiko, partikular na ang mga healthcare workers na prayoridad sa bakuna.

Aniya, ginagawa ng pamahalaan ang lahat ng paraan upang labanan ang pandemya.

Posible ring irekomenda ang mga artista bilang endorser ng mga bakuna upang tumaas ang kumpiyansa ng publiko at maging epektibo ang kampanya ng rollout. Sa ngayon ay ilang lungsod na ang sumasailalim sa localized enhanced community quarantine at unified na rin ang curfew sa buong Metro Manila dulot ng mabilis na pagtaas ng kaso ng COVID-19, kung saan kabilang ang mga menor de edad at senior citizens sa mga pinagbabawalang lumabas ng bahay.

Sa pagpapatuloy nito, inirekomenda rin na idagdag ang vitamins sa mga relief pack na ipinapamigay sa bawat naka-lockdown na komunidad upang mapataas ang immune system ng mga mamamayan sa halip na puro delata at instant noodles.

Sabi pa ni Dr. David, “This is really something that we need to deal with. Hopefully, the vaccines rollout quickly because we need to get the vaccines. We need to get people vaccinated… We have to remind them that this is important for our economic recovery. Hindi tayo makaka-recover if a lot of people are not vaccinated.”

“This vaccination, we do this not just for ourselves, we do this for our friends, for our family, for our countrymen. This is something that the selfless act. Support the vaccines. We can even also call it heroic act for our country. Kung magkakani-kanya tayo, we will never get anywhere. We see this naman, countries that developed quickly, they move together. They are very united. This is what we need. We need to work together. We need to be united and to be solid. We need to move together. Hindi tayo kani-kanya. Everything will not improve based on our own decision,” pagtatapos niya.

Mas nakakahawang Brazilian variant ng COVID-19 sa Pinas, itinanggi ng DOH

ni Mary Gutierrez Almirañez | March 11, 2021

Kinumpirma ng Department of Health na hindi pa nakakapasok ang Brazilian variant ng COVID-19 sa bansa, taliwas sa unang pahayag ng Quezon City Epidemiology and Surveillance Unit kahapon, Marso 10.

Paglilinaw pa ni DOH Undersecretary Maria Rosario Vergeire, "Wala pa po tayong Brazilian variant. The Brazilian lineage must have been misinterpreted as a Brazilian variant."

Batay sa ulat, ang Brazil P.1 variants ang kinatatakutang variant ng COVID-19 sapagkat nagdudulot ito ng reinfection sa mga taong gumaling na mula sa virus at ito rin ang itinuturong dahilan sa pagkakaroon ng widespread infection ng COVID-19 sa Manaus, Brazil.

Gayunpaman, iginiit ng DOH na hindi dapat mangamba ang mga mamamayan dahil hindi iyon ang variant of concern na nakita sa Quezon City. Anila, "We would like to clarify that we have not detected the Brazilian variant of concern in the 3,420 samples we have sequenced as of this date. We would also like to clarify that a common variant identified among our sequenced samples was of Brazilian origin B.1.1.28 but not a variant of concern."

Kaagad namang binawi ng Quezon City Epidemiology and Surveillance Unit ang naging pahayag. Kaugnay nito, nilinaw ni Mayor Joy Belmonte na malaki ang kinalaman ng mga bagong variant sa paglobo ng COVID-19 sa Quezon City, kung saan 13 ang positibo sa U.K variant, habang apat naman sa South African variant at tinatayang mahigit 100 katao ang tinatamaan ng Coronavirus kada araw sa lungsod.

Aniya, “Malaki ang kinalaman ng presensiya ng mga variants na ito sa biglang pagkalat ng sakit na ito at 'yung mabilis na pagkahawa. 'Yun talaga for me is the sign that we are dealing with something that we have not dealt with before. Tingin ko, serious na po ang situation namin dito sa Quezon City. Medyo alarming na po. Medyo disturbing na po.”

Sa ngayon ay 12 na lugar sa 11 barangays ng Quezon City ang isinasailalim sa 14-day special concern lockdown kabilang ang mga sumusunod:

• Ilang lugar sa Durian Street, Barangay Pasong Tamo simula noong February 25;

• L. Pascual Street, Barangay Baesa simula noong February 26;

• De Los Santos Compound, Heavenly Drive, Barangay San Agustin simula noong March 1;

• No. 46 K-9th Street, Barangay West Kamias expanded hanggang No. 46-50, K-9th Street, Barangay West Kamias simula noong March 3 at 8;

• 49 & 51 E Rodriguez Sr. Ave., Barangay Doña Josefa simula noong March 4;

• Paul Street at Thaddeus Street, Jordan Park Homes Subdivision, Doña Carmen, Barangay Commonwealth simula noong March 4;

• No. 237 Apo Street, Barangay Maharlika simula noong March 4;

• No. 64 14th Avenue, Barangay Socorro simula noong March 6;

• No. 64-B Agno Extension, Barangay Tatalon simula noong March 7;

• No. 90 Gonzales Compound, Barangay Balon Bato simula noong March 8;

• No. 2A – 4 K-6th, Barangay West Kamias simula noong March 8; at

• Portion of Sitio 5, Jose Abad Santos, Barangay Sta. Lucia simula March 9.

6 positibo sa bagong South African variant ng COVID-19, nasa 'Pinas

ni Mary Gutierrez Almirañez | March 2, 2021

Anim ang positibo sa kauna-unahang South African variant ng COVID-19 sa bansa, ayon sa kumpirmasyon ng Department of Health ngayong umaga, Marso 2.

Batay sa ulat, dalawa sa nagpositibo ay mga balikbayan at ang 3 ay residente sa Pasay City. Samantala, inaalam pa ang pinanggalingang lokasyon ng isa.

Nakarekober na mula sa bagong variant ang 40-anyos na lalaking taga-Pasay habang nagpapagaling pa ang dalawa.

Nakolekta ang mga samples nila noong Enero 27 hanggang Pebrero 13.

Kaugnay nito, umabot na sa 87 ang kabuuang bilang ng UK variant COVID-19 sa bansa kung saan 30 ang nadagdag.