ni Madel Moratillo | May 18, 2023
Nakapagtala ng 1,503 bagong kaso ng COVID-19 kahapon, Mayo 17.
Mas mataas ito sa 1,088 na naitala nitong Mayo 6.
Sa datos ng Department of Health may 1,218 namang naitalang nakarekober sa sakit.
Wala namang naitalang bagong nasawi.
Sa kabuuan, ang aktibong kaso ng COVID sa bansa ngayon ay 15,514.
Ayon sa OCTA Research Group, ang positivity rate sa bansa ngayon ay 23.8%.
ni Madel Moratillo | May 14, 2023
Nakapagtala ng 2,065 bagong kaso ng COVID-19 sa bansa kahapon Mayo 13.
Sa datos ng Department of Health, umabot na ngayon sa 15,527 ang aktibong kaso ng COVID sa bansa.
Sa kabuuan, umabot na sa 4,113,093 ang tinamaan ng virus sa bansa, pero 4,031,113 rito ang nakarekober na.
May 66,453 naman na kabuuan ang nasawi dahil sa virus.
Ang National Capital Region, Calabarzon, Central Luzon, Western Visayas at Bicol region naman ang top region na may pinakamaraming kaso sa nakalipas na 2 linggo.
ni Madel Moratillo | May 9, 2023
Nakapagtala ng 9,465 bagong kaso ng COVID-19 sa bansa nitong nakalipas na linggo.
Sa datos ng Department of Health, mula May 1 hanggang 7, umabot sa 1,352 ang average na arawang kaso ng COVID sa bansa.
Mas mataas ito ng 112% kung ikukumpara sa naitala noong Abril 24 hanggang 30.
May 50 namang naitalang bagong kaso ng severe at kritikal habang may 9 na nadagdag sa nasawi. Sa 9 na namatay, ang 1 rito ay nitong Abril, 2 noong Marso, at ang iba ay sa ibang buwan ng 2022.
