DOH: Iwas paputok.. Salubungin ang Bagong Taon nang masigla at kumpleto!

by Info - @Brand Zone | December 7, 2022

Mental health services, tututukan ng DOH

ni Lolet Abania | November 10, 2022

Nangako ang Department of Health (DOH) na pagbubutihin pa nila ang kanilang mga serbisyo kaugnay sa mental health sa bansa sa pamamagitan ng pagpapalawig ng mga access sa katulad na paglilingkod at pagpapalakas ng mga community-based mental care programs.

Ayon kay DOH officer-in-charge Maria Rosario Vergeire, stigma at diskriminasyon ang nagiging hadlang sa mga Pilipino para kanilang i-avail ang kailangang mental health services.

“Recognizing these challenges, we have adopted a non-specialized approach to bring mental health services closer to the communities, ensuring that mental health care is available for all life stages in various settings and levels of care,” pahayag ni Vergeire sa isang statement ngayong Huwebes.

Nanawagan naman si Vergeire sa iba pang mga sektor na tulungang maalis ang stigma na ito na bumabalot sa mental health sa bansa.

Nitong Miyerkules, binisita nina Vergeire at iba pang mga health officials ang National Center for Mental Health (NCMH) sa Mandaluyong City para i-check ang mga pasyente at kanilang mga pasilidad, at medical equipment.

Sa kanilang pag-iikot, nakita nilang nagsasagawa ang mga pasyente ng mga produktibong aktibidad gaya ng pagtatahi ng bed sheets at bags, pagtatanim ng mga crops, at paglikha ng mga accessories tulad ng mga bracelet at necklace.

Bukod sa general adult psychiatry, ang NCMH ay mayroon ding child and adolescent psychiatry, forensic psychiatry, women and children protection, at crisis management services.

Ayon kay NCMH medical center chief Dr. Noel Reyes, layon ng psychiatric hospital na ihanda ang mga service users na makarekober at mamuhay bilang isang fully functioning na miyembro ng lipunan.

“We want to remove the impression that patients with mental illnesses are non-recoverable and isolated — here in NCMH we work to help our service users recover and further imbed them with the foundation and resources they need for a full return to their family, friends, and the community,” saad ni Reyes sa isang statement.

Gayundin, nangako ang DOH na kanilang susuportahan ang mas maraming mental health facilities sa buong bansa bilang bahagi ng kanilang pagsisikap na madagdagan ang accessibility ng mga healthcare services.

Binanggit din ni Vergeire ang kahalagahan ng pagpapaunlad ng research agenda hinggil sa mental health at ang pangangailangan sa dagdag na pondo para sa training ng mga mental health care professionals.

Wala pang naitalagang kalihim.. DOH nasa status quo

ni Lolet Abania | July 2, 2022

Ipinahayag ng Department of Health (DOH) ngayong Sabado na walang magiging pagbabago sa polisiya at COVID-19 response ng bansa sa ahensiya sa kabila ng kawalan ng itinalagang kalihim nito.

Sa ngayon, wala pang na-appoint si Pangulong Ferdinand “Bongbong” Marcos, Jr. na magiging health chief na siyang mangangasiwa sa COVID-19 response ng bansa, sa gitna ng mga potensiyal ng mas nakahahawang variants ng coronavirus at ng tinatawag na waning population immunity mula sa virus.

“Our current pandemic response protocols continue to be implemented. Everything is status quo until new directives from our new President come in,” pahayag ng DOH sa mga tanong ng reporters.

“The country’s COVID-19 response actions, along with actions for all other non-COVID health matters, continue through senior DOH officials supervising specific bureaus, offices and units. We await and are ready for the announcement of the next Secretary of Health,” batay sa statement ng DOH.

Sa unang memorandum circular ng Marcos administration nitong Biyernes, ayon sa Malacañang, “government agencies where the new President has yet to appoint a secretary or head would be led by an officer-in-charge. That person should be the highest ranking official in the agency.”

Gayunman, wala pang binanggit ang DOH na kanilang magiging OIC. Una nang sinabi ni dating DOH Undersecretary Myrna Cabotaje na si DOH spokesperson Maria Rosario Vergeire ay isa sa mga opisyal na mananatili sa ahensiya sa ilalim ng bagong administrasyon.

Si Vergeire, isang undersecretary at career executive service officer (CESO) II, ay siya ring head ng National Vaccination Operations Center (NVOC).

Ayon naman sa press secretary ni P-BBM, ang opisina ng Pangulo ay patuloy na nagsasagawa ng screening ng mga pangalan at pipiliin para humawak sa isa sa mga pinaka-crucial na trabaho habang nakararanas pa rin ng krisis sa kalusugan ang bansa.

“Sinusuri pa po nila, as you know, nagtalaga tayo ng application process at tsaka mayroong proseso para sa pag-e-evaluate... Hindi puwedeng madiliin ‘yung proseso,” paliwanag ni Secretary Trixie Cruz-Angeles.

Kaugnay nito, isang grupo ng mga private hospitals ang nagrekomenda sa government adviser na si Dr. Ted Herbosa bilang susunod na DOH secretary.