3 bilateral deals, target maiuwi ni PBBM mula Cambodia — DFA

by Info @News | September 6, 2025

Photo: PBBM - Bongbong Marcos / FB

Inaasahang maiuuwi ni Pangulong Ferdinand “Bongbong” Marcos Jr. ang tatlong bilateral deals na mapagkakasunduan ng Pilipinas at Cambodia sa isasagawang state visit ng Pangulo mula Setyembre 7 hanggang 9, ayon sa Department of Foreign Affairs (DFA).

Laman ng naturang agreements ang magiging kooperasyon ng dalawang bansa sa usaping higher education, air services, at pagsugpo sa transnational crime at human trafficking.

Ayon naman kay DFA spokesperson Angelica Escalona, layon ng state visit ni PBBM na palawigin ang economic cooperation at makuha ang suporta ng Cambodia para sa chairmanship ng ‘Pinas sa Association of Southeast Asian Nations (ASEAN) sa 2026.

“The visit is expected to result in agreements and initiatives that will expand cooperation and bring tangible benefits to both Filipinos and Cambodians. It will further affirm the Philippines' dedication to advancing its bilateral interests and connectivity with Cambodia,” aniya.

41 Pinoy at 7 Palestino mula Gaza, dumating na ng 'Pinas

ni Angela Fernando - Trainee @News | November 13, 2023

Matagumpay na nakarating sa 'Pinas nitong Linggo ng gabi ang 41 Pinoy at 7 pamilyang Palestino na mga residente ng Gaza.

Permanenteng mamamayan ng Gaza Strip ang mga dumating at kasama sa 56 na na-evacuate at ligtas na nakatawid sa Egypt nu'ng Nobyembre 11, ayon kay Undersecretary for Administration Antonio Morales ng Department of Foreign Affairs.

Dagdag niya, 14 sa mga dapat uuwi ng bansa ay bumalik ng Gaza dahil 9 sa kanilang pamilyang Palestino ang hindi pinayagang makatawid ng mga guwardiya ng border.

Nagpahayag din si Morales ng pasasalamat sa mga embassy na tumulong sa pagpapauwi sa mga Pinoy.

Umaasang makakauwi bukas ang iba pang batch ng mga Pilipino sa bansa.

Mga Pinoy sa Sudan, ililikas na

ni Gina Pleñago | April 22, 2023

Sisimulan na ng Department of Foreign Affairs (DFA) ang land evacuation ng mga Filipino na naiipit sa kaguluhan sa Sudan sa susunod na linggo.

Ipinaliwanag ni DFA Undersecretary for Migrant Workers Affairs Eduardo de Vega, na hindi madali ang paglilikas sa mga Pinoy sa Sudan dahil hindi magagamit ang airport bunga ng bakbakan ng Sudanese Armed Forces at Paramilitary Rapid Support Forces.

Maaari umanong makipag-ugnayan sa kanila ang mga Pinoy sa Sudan sa Philippine Embassy officials via +20 122 743 6472 at via PHinEgypt Facebook messenger account.

Ang pinakamalapit na Philippine Embassy sa Sudan ay nasa Egypt pero mayroong honorary consulate ang Pilipinas sa Sudan na handang magbigay ng tulong sa mga Pinoy doon tulad ng groceries at iba pa nilang kailangan.

Una rito, kinumpirma ng DFA na isang Pinoy ang nasugatan dahil sa kaguluhan doon.

Maayos na ang kalagayan ng naturang Pinoy.

Tinatayang 350 katao na ang nasawi sa kaguluhan sa Sudan, habang nanawagan ang United Nations sa dalawang naglalabang grupo na magpatupad ng three-day ceasefire kaugnay na rin ng paggunita sa pagtatapos ng Ramadan o pagtatapos ng pag-aayuno ng mga Muslim, at para mailikas ang mga sibilyan.

Nagsimula ang kaguluhan sa Sudan nitong Sabado, sa pagitan ng dalawang military generals na nagsagawa ng kudeta at umagaw ng liderato ng bansa noong 2021.

Ang isang grupo ay pinamumunuan ni Army chief Abdel Fattah al-Burhan, habang ang kabilang grupo ay hawak ng kanyang dating deputy na si Mohamed Hamdan Daglo.