COVID-19 vaccines, tagilid sa rotational brownout

ni Mary Gutierrez Almirañez | June 1, 2021

Pinaaalalahanan ng Department of Energy (DOE) ang mga local at national officials na panatilihin ang pakikipagkoordinasyon sa Inter-Agency Task Force (IATF) hinggil sa mga nakaimbak na COVID-19 vaccines sa bawat cold storage facilities dahil sa nagaganap na rotational brownout sa Luzon.

Ayon kay DOE Undersecretary William Fuentebella, "Dapat patuloy 'yung coordination natin sa IATF sa ating mga opisyales — local and national officials — para masigurado na protektado 'yung ating mga storage facilities for our vaccines."

Sa ngayon ay nag-umpisa na ang 2-hour rotational brownout sa Luzon Grid simula kaninang alas-10 nang umaga at matatapos mamayang alas-5 nang hapon.

Susundan iyon mamayang alas-6 nang hapon hanggang alas-10 nang gabi, dahil sa umano'y manipis na suplay ng kuryente.

Ayon pa sa National Grid Corporation of the Philippines (NGCP), mahigit 10 planta ang palyado kaya kapos ang supply ng kuryente sa buong Luzon.

Pinapayuhan naman ni Fuentebella ang mga namamahala sa bawat cold storage facilities na gumawa ng triple backup system upang hindi masira ang COVID-19 vaccines dahil sa nangyayaring brownout.

DOE, BOC at BIR, joint forces vs mga ilegal at puslit na gasolina

ni Mary Gutierrez Almirañez | May 28, 2021

Dumalo sa virtual signing event ang Department of Energy (DOE), Bureau of Customs (BOC), at Bureau of Internal Revenue (BIR) upang lagdaan ang memorandum of agreement (MOA), kung saan napagkasunduan nila ang pagpapalitan ng impormasyon upang mapuksa ang mga naipupuslit na ilegal sa bansa, partikular na ang smuggled fuels sa pamamagitan ng Information Exchange and Reconciliation.

Sabi pa ni BOC Commissioner Rey Leonardo Guerrero, “Through this Memorandum of Agreement, the BOC looks forward to building a better, more transparent partnership with the DOE and the BIR, moving towards the common vision of curbing oil smuggling and ensuring proper assessment of taxes through regular information exchange.”

Giit naman ni DOE Secretary Alfonso Cusi, “Together, we must arrive at an aligned and comprehensive solution to this pervasive problem, which, I believe, begins with reconciling and consolidating the data and reports of the DOE, the BOC, and the BIR.”

Sa ngayon ay inaasahang magiging epektibo ang pagtutulungan ng tatlong departamento upang maaksiyunan ang mga naipupuslit na ilegal sa bansa.