F2F classes sa lahat ng paaralan, asahan sa Hunyo 2022 — DepEd

ni Lolet Abania | May 30, 2022

Inaasahan ng Department of Education (DepEd) na lahat ng mga paaralan sa bansa ay magbabalik na sa face-to-face classes sa Hunyo ng kasalukuyang taon, sa gitna ng pandemya ng COVID-19.

Sa Laging Handa public briefing ngayong Lunes, sinabi ni DepEd Secretary Leonor Briones na ang mga regional offices ay bumubuo ng kakaibang approaches at modalities base sa magiging assessment ng Department of Health (DOH) at mga lokal na pamahalaan sa kanilang lugar.

“By June, which is already a few days away from now, sa next academic school year, ini-expect natin na fully 100% na talaga ‘yung pag-implement natin ng face-to-face classes,” sabi ni Briones.

Ayon kay Briones, hanggang nitong Mayo 26, mahigit sa 34,000 o 73% ng pampublikong paaralan ay handa na para sa face-to-face classes. Aniya pa, pinayuhan na rin ng DepEd ang mga pribadong paaralan na magsagawa na ng in-person classes.

Binanggit na rin ng DOH, noong nakaraang linggo na ang F2F classes, anila ay “healthier” at makapagbibigay ng maraming benepisyo.

“Face-to-face attendance in school will allow children to develop their cognitive and social skills experientially,” saad ng DOH. “F2F promotes physical and mental health and well-being. This is based on the latest scientific evidence,” dagdag ng DOH.

Rasyong gatas, kontaminado umano.. 100 estudyante, nadale — DepEd

ni Lolet Abania | May 21, 2022

Iniimbestigahan na ng Department of Education (DepEd) sa ngayon ang hinihinalang food-borne diseases na nakuha ng mga estudyante dahil sa kontaminado umanong gatas na ipinamahagi sa mga paaralan sa Negros Oriental.

“The Department of Education (DepEd) is investigating a suspected food-borne illnesses involving elementary students in Sta. Catalina, Negros Oriental, due to alleged contaminated milk distributed in schools in the area under the School-Based Feeding Program (SBFP),” batay sa statement ng DepEd na nai-post sa Facebook.

Ayon sa DepEd, nakikipag-ugnayan na sila sa local government unit (LGU) ng Sta. Catalina, Negros Oriental, gayundin sa National Dairy Authority (NDA), at mga concerned agencies para sa imbestigasyon at analysis ng mga samples ng gatas.

Sa ulat, nasa tinatayang 100 estudyante sa Sta. Catalina, Negros Oriental ang naospital matapos na uminom ng fresh milk na nirarasyon mula sa DepEd. Base sa inisyal na imbestigasyon ng pulisya, sinabi ng district supervisor ng munisipalidad na ang mga biktima ay nagsusuka habang isinugod ang ilan sa kanila sa ospital ilang oras matapos na maubos inumin ang gatas mula sa Negros Oriental School Division Office.

Gayunman, walang nai-report na nasawi sa insidente, ayon sa DepEd. “Based on the field report, majority of the affected learners experienced mild illnesses, including dehydration and nausea. They were treated in nearby hospitals and were discharged later on,” pahayag ng DepEd.

“Nonetheless, DepEd has facilitated the provision of immediate medical assistance to affected individuals and will continue to monitor their health status,” dagdag ng ahensiya.

Paliwanag ng DepEd, ang SBFP ay isa sa kanilang pangunahing inisyatibo at layong matugunan nito ang nararanasang gutom ng mga estudyante habang hinihikayat silang mag-enroll at mag-aral. Layon din ng programa na makapag-ambag sa pagpapabuti ng nutritional status ng mga estudyante, alinsunod sa Republic Act No. 11037 o ang

Masustansyang Pagkain para sa Batang Pilipino Act. “DepEd, through the Bureau of Learner Support Services-School Health Division and concerned field offices, is committed to continue assisting the learners and their families. We will likewise look into possible actions against those responsible entities or individuals,” saad ng DepEd.

“The health and safety of our learners remain the utmost priority of the Department, and we will ensure that measures will be instituted to prevent occurrence of similar incidents,” sabi pa ng ahensiya.

756,083 poll workers, magsisilbi sa Election Day – DepEd

ni Lolet Abania | May 6, 2022

May kabuuang 756,083 poll workers ang itatalaga para magsilbi at mag-monitor hinggil sa nalalapit na May 9 elections, ayon sa Department of Education (DepEd) ngayong Biyernes.

Sa isang press conference, sinabi ni DepEd Undersecretary Alain Pascua na tinatayang 90% ng 647,812 ng kabuuang bilang ng mga poll workers ay kawani o personnel mula sa DepEd.

“The total poll workers that will be mobilized and deputized by the Comelec (Commission on Elections) is about 756,083 poll workers. And among that, the DepEd poll workers will account to about 90% — 647,812,” ani Pascua.

Ayon kay Pascua, sa DepEd personnel, nasa 319,317 ang electoral boards (EB); 200,627 EB support staff; 38,989 DepEd supervisor officials; (DESO); 87,162 DESO support staff; at 1,717 board of canvassers.

Sinabi rin ni Pascua na ang mga poll workers ay deputized ng Comelec.

Binanggit naman ni Pascua na bumuo ang DepEd ng isang hiwalay na grupo, ang DepEd Election Task Force, kung saan nakatuon ito sa mga concerns ng mga guro at paaralan sa gitna ng eleksyon. Ayon sa opisyal, ang nasabing task force ay hindi pinakikilos ng Comelec kundi ng DepEd.

Aniya pa, ang DepEd Election Task Force ay mayroong limang grupo sa bawat rehiyon at division. Ang operasyon ng mga ito ay magsisimula sa Mayo 8 hanggang 10.

Samantala, binigyang-diin ng Comelec na tanging mga trained teachers lamang ang hahawak ng vote counting machines (VCMs) sa araw ng eleksyon, matapos na lumabas ang mga reports kaugnay sa ilang personnel sa Cotabato City na pinalitan ng mga hindi sinanay na mga guro.

Ayon kay Comelec Commissioner George Garcia, nakikipag-ugnayan na sila sa mga awtoridad sa lugar at tinututukan ang naging problema.

Ipinunto naman ni Garcia na ang mga VCM handlers ay dapat na mayroong certification mula sa Department of Science and Technology (DOST).

“Paninindigan ng Comelec kung ano ang nakalagay sa ating guidelines na dapat ay makakapaglingkod lamang na mga miyembro ng electoral boards ay yung mga na-train namin sa napakahabang araw,” ani Garcia sa isang televised briefing.