Maagang pagbubuntis, HIV dumadami — DepEd... Paggamit ng condom, itinuturo na sa Grade 8

ni Mervin Reyes @News | September 8, 2026

Photo: DepEd Sec. Sonny Angara - DepEd PH / File representation

Itinuturo na ng Department of Education (DepEd) ang aktuwal na paggamit ng contraceptives, kabilang ang tamang paggamit ng condom, simula Grade 8, ayon kay Education Secretary Sonny Angara nitong Lunes.

Inilahad ito ni Angara sa House Committee on Appropriations hearing sa panukalang 2027 budget ng DepEd matapos tanungin ni Akbayan Rep. Perci Cendaña kung kabilang sa reproductive health education ang tamang paggamit ng condom, lalo na sa gitna ng tumataas na kaso ng adolescent pregnancy at HIV sa bansa.

Sinabi ni Angara na bahagi ng curriculum ang responsible reproductive health at mga paraan upang maiwasan ang hindi planadong pagbubuntis.

“Definitely, that’s a requirement of the reproductive health law, Your Honor. So I just have to check what age it’s being taught with our curriculum personnel. But definitely, ways to avoid unwanted pregnancies, responsible reproductive health, these are all parts of our curriculum and things we need to impart to our young people,” aniya.

Nilinaw niya na bagama’t maagang itinuturo ang tungkol sa body parts, ang aktuwal na paggamit ng contraceptives ay nasa Grade 8.

Nationwide safety drill, 'di tuloy — DepEd

by Mervin Reyes @News | August 25, 2026

Photo: File / DepEd PH

Ipinagpaliban ng Department of Education (DepEd) ang nationwide safety drill para sa “active attack incidents” na nakatakda sa Agosto 25 sa mga pampubliko at pribadong elementary at secondary schools.

Ayon sa DepEd, ililipat ang drill sa unang linggo ng Setyembre 2026 dahil sa masamang panahon at kanselasyon ng face-to-face classes sa ilang lugar. 

Sinabi ng DepEd na gagamitin ang dagdag na panahon upang maiayon ang aktibidad sa rekomendasyon ng mga eksperto sa weather, disaster preparedness, child protection at psychosocial support.

2,424 klasrum, wasak sa habagat — DepEd

ni Mervin Reyes @News | August 10, 2026

Photo: FP

Umabot sa 2,424 silid-aralan ang napinsala dahil sa malalakas na pag-ulan na dala ng Habagat, ayon sa Department of Education (DepEd).

Batay sa paunang assessment ng DepEd Disaster Risk Reduction and Management Service (DRRMS), 403 silid-aralan ang lubusang nasira, habang 505 ang nagtamo ng malaking pinsala at 1,516 naman ang bahagyang napinsala.

Sinabi ng DepEd na patuloy na bina-validate ng mga Regional at Schools Division Office ang datos upang matukoy ang mga lugar na dapat unahin sa agarang pagpapadala ng emergency cleanup personnel.

Ayon kay Education Secretary Sonny Angara, pinabibilis ng DepEd at Department of Labor and Employment (DOLE) ang rehabilitation ng mga pampublikong paaralang napinsala.