Target na kita ngayong taon, hihigitan — DBCC

Filni Angela Fernando - Trainee @News | November 4, 2023

Inaasahan ng mga ekonomista ng pamahalaan ng Pilipinas na kokolekta ang bansa ng mas higit sa P3.73 trilyon na target na kita ngayong 2023.

Sinasabing aabot sa P3.84-trilyon hanggang P3.90-trilyon ang kabuuang kita ngayong taon na higit na mas mataas sa target na kita ng ekonomiya ng bansa.

Pahayag ng Development Budget Coordination Committee (DBCC), tumaas ng 6.8% ang kinolokteng kita sa loob ng unang siyam na buwan ng 2023 kumpara sa nagdaang taon.

Tumaas din ng tatlong porsyento ang kita sa unang siyam na buwan ng taon na may koneksyon sa mas mataas na koleksyon ng Bureau of Customs (BOC) at sa mga kitang hindi galing sa buwis na pumalo sa P152.57-bilyon.

Ayon sa DBCC, ang kita sa mga programa ng taong ito ay 15.7% na mas mataas sa magkasunod na medium-term fiscal framework (MTFF) at sa antas na inaasahan ng 184th DBCC na 15.3% at 15.2%.

Kasalukuyang nagpapatupad ang BOC ng mga repormang naglalayong mapabilis at mapabuti ang pagkolekta ng buwis at ang mas epektibong pangangasiwa sa buwis ng bayan.

₱49.75-bilyon budget, para sa mga ospital at kalusugan — DBM

ni Angela Fernando - Trainee @News | October 26, 2023

Kasama sa isinusulong na ₱5.768-trilyong pambansang budget para sa 2024 ang ₱49.75-bilyong pondo para sa mga ospital at sa kalusugan, ayon sa Department of Budget and Management (DBM).

Halos ₱50-bilyon ang inilaan sa ilalim ng 2024 National Expenditure Program (NEP) upang pondohan ang pagsasaayos ng mga ospital.

Mas mataas ng ₱1.31-bilyon kaysa sa ₱48.44-bilyon na itinalaga nu’ng 2023 General Appropriations Act (GAA), hahatiin ang pondo para sa 68 na ospital, kasama ang pagpapaayos ng mga specialty center.

Pondo sa health insurance ng mga estudyante, target ng gobyerno – DOH

ni Lolet Abania | April 22, 2022

Gumagawa na ng paraan ang Philippine Health Insurance Corporation (PhilHealth) at ang Department of Budget and Management (DBM) para makakuha ng pondo sa insurance policy na kailangan ng mga estudyanteng nasa kolehiyo na lalahok sa in-person classes, ayon sa Department of Health.

Sinabi ni DOH Secretary Francisco Duque III, na ang mga estudyante naman na below 21-anyos ay awtomatikong dependents ng kanilang mga magulang na silang mga miyembro ng PhilHealth.

“Problema, iyong 21 years and above. Iyon ang hinahanapan ng PhilHealth at saka ng DBM ng pondo para ma-enroll sila,” saad ni Duque sa isang televised briefing ngayong Biyernes.

“Hinanapan nga ng PhilHealth ng pondo para mailista, maisama sila sa National Health Insurance Program. Hindi na po sila dependents ng kanila pong mga magulang... iyan din naman ang mandato sa ilalim ng Universal Healthcare Law na lahat ng Pilipino ay maging miyembro ng PhilHealth,” dagdag ng opisyal.

Una nang sinabi ni PhilHealth spokesperson Dr. Shirley Domingo na ang mga estudyante na 21-anyos at pataas ay maaaring makipag-ugnayan sa kanilang mga paaralan o sa mga PhilHealth offices para mag-apply ng insurance.

Gayunman, ayon sa National Union of Students of the Philippines, hindi lahat ng estudyante ay kayang makakuha ng health insurance, kung saan hinimok nila ang gobyerno na pondohan ang naturang programa.