Presyo ng bigas, 'di dapat lalampas ng P48/kilo — DA

ni Angela Fernando - Trainee @News | November 14, 2023

Nagbigay ng pahayag ang tagapagsalita ng Department of Agriculture na si Asec. Arnel de Mesa at sinabing ang presyo ng mga locally milled rice ay hindi dapat lalampas ng P48 bawat kilo.

Aniya, ang kasalukuyang presyo ng regular na bigas ay nasa P41/kilo habang ang well-milled na bigas ay nasa P45/kilo habang patuloy ang panahon ng ani sa bansa.

Ito ay matapos lumobo ang presyo ng bigas dahil sa kakulangan ng suplay.

Matatandaang nagbabala ang Philippine Rice Research Institute (PhilRice) na nasasayang ang halagang P7.2-bilyong bigas taun-taon sa bansa.

DA chief Laurel, ‘di nakatapos ng pag-aaral

ni Eli San Miguel - Trainee @News | November 13, 2023

Inamin ni Department of Agriculture Secretary Francisco Tiu ngayong Lunes na hindi siya nakatapos ng pag-aaral sa kolehiyo.

Batay sa profile ni Laurel online, iniulat ng ilang news organizations na nagtapos ng computer science sa UST ang bagong DA chief.

Naglabas ng paglilinaw si Laurel matapos iulat ng Varsitarian, ang opisyal na pahayagan ng University of Santo Tomas, na hindi siya nagpatuloy sa anumang undergraduate studies sa UST.

“Let me clear the air about my educational background given news reports that claim I am an alumnus of the University of Santo Tomas, or any other institution of higher learning. That is not true,” pahayag ni Laurel.

“I never finished my education because I became a father at 19. I needed to work to support my eldest child. My father impressed upon me that my responsibility as a father comes first,” dagdag niya.

Ipinaliwanag naman ni Laurel na nais niyang makakuha ng degree ngunit ang trabaho at responsibilidad sa pamilya ang pumigil sa kanya. Sa halip, tumulong siya sa pagtataguyod ng pangunahing kumpanya ng kanilang pamilya, ang Frabelle.

“Like many, I dreamt of wearing a toga and receiving a diploma. But that wasn’t meant to be. The sea became my university, experiences in life taught me the value of perseverance, my children gave me the courage and inspiration to get to where I am now, and the good fortune I have today, I enjoy through God’s grace,” aniya.

Intel group vs. korup sa DA — Sec. Laurel

ni Eli San Miguel - Trainee @News | November 7, 2023

Itatatag ang isang intelligence group na may tungkuling labanan ang katiwalian sa Department of Agriculture (DA).

“I will be creating my own intelligence group… Well, one of the directives of the President is if may dumi diyan, bring it up,” tugon ni Sec. Francisco Laurel, nang tanungin kung paano haharapin ang katiwalian sa ahensya.

Lalabanan din umano niya ang mga smuggler at hoarder, na itinuturing niyang kaaway ng mga magsasaka at mga mamimili.

Matatandaang, ilang opisyal ng DA sinuspindi habang nasa ilalim ng imbestigasyon dahil sa alegasyon ng katiwalian.

Noong Agosto, inatasan ni Ombudsman Samuel Martires ang pansamantalang suspensyon ng limang opisyal ng kagawaran ng agrikultura na may mga kasong "grave misconduct, gross neglect of duty, and conduct prejudicial to the best interest of service."