Biyahe sa Baguio, lilimitahan

ni Ronalyn Seminiano Reonico | July 31, 2021

Pansamantalang ipinagbawal ang “non-essential travels” sa Baguio City nang isang linggo simula ngayong Sabado dahil sa banta ng COVID-19 Delta variant.

Isinailalim sa general community quarantine (GCQ) ang Baguio City ngunit saad ng lokal na pamahalaan, “But as early as now, we must take the initiative to enhance our COVID-19 management strategy to preempt, if not minimize, this new health threat to our community.”

Samantala, paalala naman ni City Mayor Benjamin Magalong, maaaring mabago ang naturang advisory base sa magiging desisyon ng Inter-Agency Task Force (IATF).

Saad pa ni Magalong, “I appeal for patience and cooperation from the public for this sudden change in policy as this is the appropriate action that is necessary for the situation at hand.”

Nanawagan din si Magalong sa mga residente ng Baguio City na limitahan lamang ang pagbiyahe.

Aniya pa, “Should there be instances where travel outside is absolutely necessary, let us always practice minimum public health protocols at all times, in consideration of our family members and loved ones waiting for us at home.”

8 patay sa Delta variant sa iba't ibang probinsiya

ni Lolet Abania | July 30, 2021

Inianunsiyo ng Department of Health na anim sa walong Delta variant na nasawi ay mga local cases.

Ayon kay DOH Undersecretary Maria Rosario Vergeire, ang mga namatay sa Delta variant na kanilang naitala ay mula sa San Nicolas, Ilocos Norte (1), Balanga, Bataan (1), Pandan, Antique (1), Cordova, Cebu (2), Pandacan, Manila (1).

Ang dalawa pang nasawi sa Delta variant ay mga returning overseas Filipinos (ROFs).

Sinabi ni Vergeire na ang mga namatay ay nasa edad 27 hanggang 78, kung saan 5 sa kanila ay lalaki.

Tatlo naman sa mga ito ay nakumpirmang hindi pa nababakunahan kontra-COVID-19 habang ang 5 ay isinailalim sa beripikasyon.

“We are continuously validating and verifying,” ani Vergeire sa briefing ngayong Biyernes.

Samantala, binanggit ng kalihim na pinag-aaralan na ng mga awtoridad ang posibleng community transmission ng mas nakahahawang Delta variant.

Aniya, ang community transmission ay pagkakaugnay ng mga kaso subalit hindi pa nila ito ma-identify.

“Sa ngayon, nakikita pa natin ang pagkaka-link ng mga kasong ito sa isa’t isa… pero siyempre, gusto pa rin nating maghanda dahil hindi po natin masasabi sa ngayon dahil hindi naman natin tine-test lahat ng merong sakit na positive sa COVID-19,” sabi ni Vergeire.

“We just need to act as if there is already this type of transmission happening in the country para mas maging cautious tayong lahat, meron tayong extra precaution. But for now, we cannot declare that because we need evidence for us to say that there is really community transmission of the Delta variant,” dagdag ng kalihim.

Sa ngayon, nakapagtala na ng 216 Delta cases sa bansa.

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.