Vaccination sa mga empleyadong nagtatrabaho on-site, mandatory na — Roque

ni Jasmin Joy Evangelista | November 12, 2021

Mandatory na ang pagbabakuna sa mga empleyadong nagtatrabaho on-site sa mga pampubliko at pribadong sektor simula Disyembre 1, ayon kay Presidential Spokesperson Harry Roque.

Ayon kay Roque, ito ay inaprubahan ng Inter-Agency Task Force for the Management of Emerging Infectious Diseases (IATF) sa kanilang pagpupulong nitong Huwebes.

"In areas where there are sufficient supplies of Covid-19 vaccines, Covid-19 vaccination of eligible employees tasked to do on-site work shall be required by all establishments and employers in the public and private sector," pahayag ni Roque.

"However, eligible employees who remain to be unvaccinated may not be terminated but they shall be required to undergo regular RT-PCR (reverse transcription polymerase chain reaction) testing, or antigen tests, at their own expense,” dagdag niya.

Sinabi pa ni Roque na ito ay inaprubahan "to increase demand for Covid-19 vaccination".

"Public transportation services in the road, rail, maritime, and aviation sectors shall likewise require all their eligible workers to be fully vaccinated as a condition to continue their operations," paliwanag ng Spokesperson.

Dagdag pa niya na ang mga public at private establishments "may validly refuse entry and/or deny service to individuals who remain to be unvaccinated, or are merely partially vaccinated, despite being eligible for vaccination."

"Frontline and emergency services, on the other hand, shall continue to render assistance to all persons, regardless of vaccination status," aniya.

With and without comorbidity… Halos 25K minors sa QC bakunado na ng 1st dose COVID vaccine

ni Jasmin Joy Evangelista | November 7, 2021

Nasa 24,994 na mga minors with and without comorbidity ang nabakunahan na ng first dose kontra COVID-19 sa Quezon City, as of November 6, 2021.

Batay sa datos ng QC government, umabot na sa 1,791,522 o 105.38% ng target adult population ang maituturing na fully-vaccinated, kabilang na rito ang bilang ng mga naturukan ng single-dose vaccine na Janssen.

Nasa 1,931,031 residente at workers naman sa QC ang nabakunahan na ng isang dose ng vaccine.

Patuloy naman ang panghihikayat ng lokal na pamahalaan sa mga mamamayan ng Quezon City na magparehistro sa QC Vax Easy upang makatanggap ng schedule ng pagbabakuna.

Higit 800K doses ng Pfizer dumating na sa bansa

ni Jasmin Joy Evangelista | November 6, 2021

Tuluy-tuloy ang dating ng bakuna sa bansa.

Dumating na ang 866,970 doses ng Pfizer COVID-19 vaccine na binili ng gobyerno, nitong Biyernes nang gabi.

Ayon sa National Task Force Against COVID-19, ngayong araw ay may darating pang karagdagang doses ng Pfizer vaccine.

Lubos ang pasasalamat ni Assistant Secretary Wilben Mayor, head ng sub-task group on current operations ng NTF, sa United States government para sa tulong at suportang ibinigay nito para makabili ang Pilipinas ng naturang mga bakuna.

Ang mga bakunang ito ay nakatakdang gamitin para sa mga batang edad 12 hanggang 17 sa iba’t ibang rehiyon ng bansa.

Inaasahang patuloy na tataas ang bilang ng mga menor de edad na mababakunahan kontra-COVID-19 sa mga susunod pang araw.