Kahit Alert Level 4... Manila Bay, dinagsa ng mga nagsu-swimming

ni Lolet Abania | October 3, 2021

Dinagsa ng mga init-init na mga indibidwal habang sarap na sarap ang mga ito na nagtatalunan sa tubig ng Manila Bay ngayong Linggo.

Hindi alintana ng mga ito, bata man o matanda na mag-swimming habang ang iba naman ay nagpapahinga sa breakwater ng Manila Bay sa kahabaan ng Macapagal Boulevard malapit sa Senate sa Pasay City sa kabila na nasa ilalim pa rin ng Alert Level 4 ang National Capital Region (NCR).

Una nang pinayagan ng Inter-Agency Task Force on COVID-19 ang mga indibidwal na isagawa ang outdoor exercises para sa lahat ng edad, may comorbidities at anuman ang vaccination status, subalit kailangan pa rin ang pagsunod sa minimum public health standards at pagsusuot ng face masks, gayundin ang pagkakaroon ng physical distancing.

Samantala, mahigit sa 100 katao ang natiketan ng pulisya matapos na mahuling nagsu-swimming sa Manila Bay, sa may Diokno Boulevard sa Pasay City. Sa ulat, naisyuhan ng tiket ang mga ito dahil sa paglabag sa COVID-19 health protocols.

Gamot ng Merck vs COVID-19, mabisa raw kahit sa ibang variant tulad ng Delta

ni Jasmin Joy Evangelista | October 3, 2021

Mabisa raw laban sa lahat ng variant ng COVID-19, kabilang ang mas nakahahawang Delta variant, ang gamot na "molnupiravir" ng pharmaceutical firm na Merck.

Batay daw sa pag-aaral ng Merck, mas epektibo ang gamot kapag naibigay ito kaagad sa pasyente sa simula pa lang na mahawahan.

Target ng gamot ang enzyme na ginagamit ng virus para magparami.

Sa ulat ng Reuters, naibaba raw ng molnupiravir ng hanggang 50 porsiyento ang tsansa na maospital ang pasyente, at maging ang mamamatay para sa mga pasyenteng severe case.

"This is going to change the dialogue around how to manage COVID-19," ayon kay Robert Davis, chief executive officer ng Merck.

Plano ng Merck at partner nitong Ridgeback Biotherapeutics na humingi ng US emergency use authorization para sa gamot sa lalong madaling panahon.

Magsusumite rin sila ng aplikasyon sa iba't ibang bansa, at kung papayagan, ang molnupiravir ang magiging unang oral antiviral medication para sa COVID-19.

Sa clinical trial, pinainom ng naturang gamot ang mga kasaling pasyente tuwing ika-12 oras sa loob ng limang araw.

"Antiviral treatments that can be taken at home to keep people with COVID-19 out of the hospital are critically needed,” sabi ni Wendy Holman, CEO ng Ridgeback.

Gayunman, hindi binanggit ng kompanya kung mayroong side effect ang molnupiravir.

Tutok COVID-19 sa 'Pinas ngayong October 2, 2021

by BULGAR ONLINE | October 2, 2021

Para sa update, manatiling nakatutok: bulgaronline.com/tutok-covid19