2K bagong kaso ng COVID

ni Madel Moratillo | May 14, 2023

Nakapagtala ng 2,065 bagong kaso ng COVID-19 sa bansa kahapon Mayo 13.

Sa datos ng Department of Health, umabot na ngayon sa 15,527 ang aktibong kaso ng COVID sa bansa.

Sa kabuuan, umabot na sa 4,113,093 ang tinamaan ng virus sa bansa, pero 4,031,113 rito ang nakarekober na.

May 66,453 naman na kabuuan ang nasawi dahil sa virus.

Ang National Capital Region, Calabarzon, Central Luzon, Western Visayas at Bicol region naman ang top region na may pinakamaraming kaso sa nakalipas na 2 linggo.

Kaso ng COVID Arcturus, 4 na

ni Madel Moratillo | May 13, 2023

Posibleng mayroon na umanong local transmission ng XBB.1.16 o Arcturus variant ng COVID-19 sa bansa.

Sa isang pahayag, sinabi ng Department of Health na ito ay dahil sa wala ng makitang

link ng kaso sa international cases.

Wala rin umanong nakitang history ng exposure sa mga bagong kaso nito.

Sa pinakahuling genome sequencing may 3 pang bagong XBB.1.16 ang natukoy.

Dahil d'yan umabot na sa 4 ang kabuuang kaso nito sa bansa.

Sa biosurveillance report ng DOH, kabilang ang mga ito sa 207 bagong subvariant ng Omicron at iba pang lineages na natukoy sa ginawang sequencing mula Abril 26

hanggang Mayo 6.

Sa 159 na natukoy na XBB kabilang ang 72 na XBB.1.9.1 cases, 35 na XBB.1.5 cases, 13 na XBB.1.9.2 cases, at 4 na XBB.1.16 cases o Arcturus.

May 27 rin na BA.2.3.20, 1 BA.5, 13 na iba pang Omicron sublineages at 1 hindi pa tukoy na lineage

Apela sa gov't. employees.. Mag-face mask, kumain mag-isa vs. COVID

ni Mylene Alfonso | May 9, 2023

Umapela si Manila Mayor Honey Lacuna sa mga residente ng Maynila na ituloy lamang ang pagsusuot ng face mask partikular na sa mga indoor areas at pagsunod sa physical distancing at regular na paghuhugas ng kamay.

Ito ay sa kabila ng deklarasyon ng World Health Organization (WHO) kamakailan sa pagtatapos ng global emergency status para sa COVID-19.

Partikular na binanggit ni Lacuna ang mga nagtatrabaho sa tanggapan ng Manila City Hall, na humaharap sa mga walk-in individuals araw-araw.

“Alam ko po, sabik na sabik kayo sa inyong mga kasamahan pero kung kaya naman n'yo, magsolo muna sa pagkain muli,” sabi ni Lacuna.

Binigyang diin ng alkalde na sa kabila na inalis na ang public health emergency, ang bilang ng taong nahahawa ng COVID sa Maynila ay patuloy ang pagtaas.

Giit pa ng alkalde ang bilang ng mga nahawa ay base lamang sa mga sumailalim sa RT-PCR tests at 'di kasama ang mga nag-antigen tests.

Gayundin, hinimok ni Lacuna ang lahat ng mga kawani na hindi pa nakakumpleto ng kanilang primary at booster shots na magpunta sa city government employes’ clinic (CGEC) at magpaturok na ng bakuna para sa kanilang proteksyon.