‘Wolverine’ star Hugh Jackman, may COVID-19

ni Lolet Abania | December 29, 2021

Ipinahayag ni ‘Wolverine’ star Hugh Jackman na nagpositibo siya sa test sa COVID-19.

“I just wanted you to hear from me that I tested positive this morning for COVID,” post ng Australian actor na si Jackman sa kanyang IG ngayong Miyerkules.

“As soon as I am cleared I’ll be back on stage,” sabi pa ni Jackman, kung saan inamin niyang nakaranas siya ng mild symptoms tulad ng sipon, pangangati ng lalamunan at runny nose.

Sa ngayon, naka-isolate na ang aktor at nagpapagaling.

“Stay safe, be healthy, be kind,” sabi pa ni Jackman.

‘Pag sumirit ang COVID-19... Alert level, posibleng itaas – Malacañang

ni Lolet Abania | December 29, 2021

Ipinahayag ng Malacañang ngayong Miyerkules na maaaring itaas ng gobyerno ang ipinatutupad na alert level anumang oras kung kinakailangan sa gitna ng pagtaas ng COVID-19 positivity rate sa National Capital Region (NCR).

Ito ang naging tugon ni acting presidential spokesperson Karlo Nograles matapos na mai-report ng OCTA Research Group na ang COVID-19 positivity rate sa Metro Manila ay tumaas ng mahigit sa 5% hanggang nitong Lunes, Disyembre 27, habang aniya, ang mas nakahahawang Omicron variant ang posibleng dahilan nito kaysa sa pagdami ng mga lumalabas na mga indibidwal ngayong Christmas season.

“We will make an announcement soon, if not within the day, perhaps tomorrow, for the alert level for January 1 to 15. But I would like to remind the public that while it is for January 1 to 15, hindi po bawal mag-increase later ang alert level in provinces, highly urbanized cities, kung kinakailangan without even completing 15 days,” sabi ni Nograles.

“That is provided under the IATF (Inter-Agency Task Force) guidelines. If the IATF sees a spike, the alert level can be accelerated immediately if it is what is needed,” dagdag pa ng opisyal.

Matatandaang ang bansa ay isinailalim sa Alert Level 2 sa buong buwan ng Disyembre.

Sa ilalim ng Alert Level 2, ikalawa sa pinakamababa sa bagong alert level system ng bansa, may mga ilang establisimyento at aktibidad ang pinapayagan na sa 50% capacity indoors para sa fully vaccinated adults (at minors, kahit hindi pa nababakunahan) at 70% capacity outdoors.

“Let us not waste our previous efforts. Let us get vaccinated, wear face mask, as well as observe hygiene and social distancing,” giit ni Nograles.

Una nang sinabi ng Malacañang na ang mga local government units (LGUs) ang dapat na mag-impose ng granular o small-scale lockdown sakaling magkaroon ng surge ng COVID-19 cases sa kanilang lugar.

“Granular lockdown has never been out of the equation. The LGUs can impose granular lockdown if they see clustering of COVID-19 cases,” saad pa ni Nograles.

Samantala, sa ngayon nakapagtala na ang bansa ng apat na kaso ng Omicron variant ng COVID-19.

Habang tinatayang 48 milyong Pilipino ang fully vaccinated na kontra-COVID-19, subalit hindi pa ito umabot sa target ng gobyerno na ma-fully vaccinate ang 54 milyong Pinoy bago matapos ang taon.

TUTOK COVID-19

by BULGAR ONLINE | December 29, 2021

Para sa update, manatiling nakatutok: bulgaronline.com/tutok-covid19