ni Madel Moratillo | May 30, 2023
Umabot sa 11,667 ang naitalang bagong kaso ng COVID-19 sa bansa nitong nakaraang linggo.
Sa datos ng Department of Health, mula Mayo 22 hanggang 28, ang average na kaso ng virus infection ay 1,667. Pero mas mababa ito ng 6% kung ikukumpara sa naitala noong
Mayo 15 hanggang 21.
Nakapagtala naman ng dagdag na 105 bagong kaso ng severe at kritikal habang wala namang naidagdag na bagong kaso ng nasawi.
ni Madel Moratillo | May 29, 2023
Nakapagtala ng 1,855 bagong kaso ng COVID-19 sa bansa kahapon, Mayo 28.
Bahagya itong mas mataas kaysa 1,795 kaso na naitala noong Sabado, Mayo 27.
Ang aktibong kaso ng virus sa bansa ay umabot na sa 16,002.
Sa datos ng Department of Health, pumalo na sa 4,139,295 ang kabuuang kaso ng COVID na naitala sa bansa.
Umabot naman sa 4,056,827 ang kabuuang nakarekober.
May 66,466 naman ang kabuuang bilang ng nasawi.
ni Madel Moratillo | May 26, 2023
Nakapagtala na ng 28 kaso ng Omicron subvariant na XBB.1.16 o mas kilala sa tawag na Arcturus ang Department of Health dito sa bansa.
Sa biosurveillance report ng DOH, may 17 bagong kaso ng Arcturus silang natukoy.
Kasama ito sa 199 kaso ng XBB variant na natukoy sa pinakahuling genome sequencing.
Ayon sa DOH, lahat ng XBB na ito ay local cases at natukoy sa halos lahat ng rehiyon sa bansa maliban sa Eastern Visayas, Zamboanga Peninsula, Northern Mindanao, Caraga at BARMM.
May natukoy ding isang kaso ng XBC variant na mula naman sa Davao region.
