Omicron subvariant BA.4, pasok na sa ‘Pinas — DOH

ni Lolet Abania | May 21, 2022

Ipinahayag ng Department of Health (DOH) ngayong Sabado na naka-detect na sa bansa ng Omicron subvariant BA.4, na isang Pilipino na nag-travel mula sa Middle East noong nakaraang Mayo 4.

Sa isang statement, ayon sa DOH ang lalaki ay dumating sa bansa noong Mayo 4 at ang kanyang positive test result para sa subvariant ay mula sa isang specimen na nakolekta noong Mayo 8. “He was asymptomatic,” saad ng DOH.

“[The] DOH has been coordinating with the concerned LGUs (local government units) since confirmation of the case to rapidly implement detection and isolation activities as part of the PDITR response,” dagdag ng ahensiya.

Hindi agad maibigay ang mga detalye ng pasyente hinggil sa kanyang travel history, kung ang naturang Pinoy ay returning tourist o worker, at kung saan sumailalim sa quarantine ang indibidwal.

Ayon sa DOH, klinasipika ng European Centre for Disease Prevention and Control (ECDC), ang Omicron BA.4 bilang isang variant of concern (VOC), kaya maaaring mabilis itong kumalat o anila, “cause worse illness.”

“BA.4’s faster transmission is likely because of its ability to evade immune protection induced by prior infection and/or vaccination, particularly if this has waned over time. While the ECDC has not observed any change in severity for BA.4 compared to other Omicron subvariants, we must be careful because faster transmission will lead to a spike in cases that could overwhelm our hospitals and clinics,” ani DOH.

Mahigpit namang ipinaalala ng DOH sa mga LGUs, “to proactively seek the unvaccinated and those eligible for boosters, and to make it convenient to get a jab.”

Mariing ipinayo rin ng ahensiya sa publiko na magpabakuna na kontra COVID-19 at agad nang tanggapin ang mga booster shots, at ipagpatuloy ang pagsunod sa mga health protocols.

Gayunman, base sa pag-aaral, maaaring hindi ito maging sanhi ng severe COVID-19 symptoms kumpara sa ibang Omicron subvariants subalit may posibilidad na potensiyal na dumami ulit ang nasa ospital dahil sa kanyang transmissibility.

11 dayuhang turista sa Puerto Princesa, nakarekober na sa Omicron subvariant BA.2.12.1

ni Lolet Abania | May 20, 2022

Nakarekober na ang 11 dayuhang turista matapos na tamaan ng mas nakahahawang Omicron subvariant BA.2.12.1 sa Puerto Princesa City at nakabalik na sa kanilang mga bansa.

Ayon kay Dr. Dean Palanca, head ng Incident Management Team sa Puerto Princesa, ang mga foreign travelers ay nakaalis na ng Pilipinas noon pang unang linggo ng Mayo.

“Sila ay na-discharge na po natin at lahat sila ay umuwi na sa kanilang countries,” pahayag ni Palanca sa isang interview ng TeleRadyo ngayong Biyernes. Aniya, nakaranas lamang ang mga pasyente ng mild symptoms ng naturang sakit.

Matatandaang inanunsiyo ng Department of Health (DOH) noong nakaraang linggo na may na-detect ng mga kaso ng Omicron BA.2.12.1 mula sa isang mini cruise line sa Puerto Princesa. Nasa 11 foreign tourists at isang local ang nagpositibo sa test para sa BA.2.12.1 subvariant noong Abril 29.

Ayon naman sa DOH, ang cruise line ay nag-docked lamang sa Puerto Princesa upang sunduin ang mga turista para sa isang diving trip sa Tubbataha Reef.

“Kaya nga po parati naming sinasabi na wala po ditong dapat ipangamba kung may mga turista o travelers na papasok ng Puerto Princesa kasi wala naman pong sinasabi nating nagkahawaan dito mismo sa kalupaan ng Puerto Princesa,” saad ni Palanca.

Sinabi rin ng opisyal na lahat ng naging close contacts ng mga pasyente ay nagnegatibo sa test sa COVID-19. Ang BA.2.12.1, isang sublineage ng BA.2, ay na-detect na sa 23 mga bansa, kung saan ito ay binubuo ng karamihan ng COVID-19 cases sa United States.

3 tinamaan ng Omicron subvariant BA.2.12.1 sa Iloilo City, nakarekober na — mayor

ni Lolet Abania | May 19, 2022

Lahat ng tatlong pasyente na tinamaan ng Omicron subvariant BA.2.12.1 sa Iloilo City ay nakarekober na, ayon kay Mayor Jerry Treñas ngayong Huwebes.

“The Omicron subvariant [cases] all have travel history and they came from abroad and we have tested all the close contacts and they also tested negative,” saad ni Treñas sa interview ng ANC.

Binanggit naman ni Treñas na matagal ang kanilang ipinaghintay para sa naturang COVID-19 test results.

“These persons with Omicron subvariants came in last March and the results of the genome sequencing only came in this month. So it’s taking so long,” sabi ng alkalde.

Sa kabila ng presensiya ng mas nakahahawang Omicron subvariant, ayon kay Treñas sa ngayon, wala namang nai-report na surge ng COVID-19 cases sa lugar.

“Cases are low not only in Iloilo City but in the whole region. I think vaccination has really help a lot,” ani pa ni Treñas. Ayon pa kay Treñas, ang city government ay may sapat na doses para sa mga magpapabakuna ng kanilang booster shots.