Dahil sa Omicron variant.. Sapilitang pagbabakuna kontra-COVID, pinag-aaralan pa — Malacañang

ni Lolet Abania | November 30, 2021

Ipinahayag ng Malacañang ngayong Martes na hindi pa napagdedesisyunan ng gobyerno ang pagpapatupad ng mandatory COVID-19 vaccinations dahil depende pa ito sa magiging resulta ng 3-day nationwide vaccination drive.

“We still continue to discuss that (mandatory COVID-19 vaccinations) inside the [Inter-Agency Task Force],” ani acting Presidential Spokesperson Karlo Nograles.

“As long as we see the consistent, significant turnout during massive vaccinations, where we are seeing one million doses administered in a day and as much as three million doses administered per day due to three day massive vaccination rollout, then, hopefully, there might not be a need for that if a lot of people will get vaccinated,” sabi ni Nograles.

Gayunman, sinabi ni Nograles na ang bagong Omicron variant ng COVID-19 variant ay isa pang rason na posibleng makaimpluwensiya sa kanilang magiging desisyon.

“So, at the end of the day, as President Rodrigo Duterte said, we will balance the police power of the state, and the public health and safety of our people. We continue to weigh the options,” saad ng kalihim.

Subalit ayon kay Nograles, dapat ding pag-aralan ito ng Kongreso na magpasa ng isang batas para sa mandatory COVID-19 vaccinations.

“There needs to be a law for that, and there will be mandatory enforcement if Congress will pass a law and the President signs it. It is up to Congress to pass a law if they feel the need to make it mandatory,” paliwanag ni Nograles.

Samantala, pinag-iisipan naman ni Pangulong Rodrigo Duterte na maging mandatory ang pagbabakuna kontra-COVID-19.

Ang naging pahayag ng Pangulo ay kasunod ng banta ng Omicron COVID-19 variant. “I may agree with the task force (IATF) if they decide to make it mandatory (vaccination). It’s for public health. Now, kung ayaw mo, ‘wag kang lumabas,” sabi ni Pangulong Duterte sa kanyang Talk to the People.

“It’s actually to protect public health... In some countries mandatory na, dito maingay ang human rights,” sabi ni P-Duterte. Ayon pa sa Punong Ehekutibo, maaari niyang pilitin ang mga Pilipino na magpabakuna kontra-COVID-19 dahil sa kanyang police power. “Now under the police power of the state, I can compel you,” giit pa ng Pangulo.

Unang kaso ng Omicron variant sa Japan, naitala

ni Lolet Abania | November 30, 2021

Kinumpirma ng bansang Japan na nakapagtala na sila ng unang kaso ng Omicron variant ng COVID-19, ayon sa report ng Kyodo news agency nitong Martes na batay sa hindi nakilalang government sources.

Agad namang isinara ng Japan ang kanilang borders sa mga foreigners ngayong Martes ng tinatayang isang buwan, isa sa pinakamahigpit na measures na ipinatupad sa buong mundo, para mapigilan ang pagpasok ng Omicron, kung saan na-detect kamakailan sa southern Africa at idineklarang isang “variant of concern” ng World Health Organization (WHO).

Ayon kay Health Minister Shigeyuki Goto nitong Lunes na isang traveler mula sa Namibia ang nagpositibo sa test sa coronavirus na nasa airport, habang kinailangang magsagawa pa rito ng mga tests para malaman kung ito ay mula naman sa bagong variant.

DOH, naghihintay pa sa report ng WHO sa bagong COVID variant

ni Lolet Abania | November 26, 2021

Naghihintay pa ang Department of Health (DOH) ng ipapahayag ng World Health Organization (WHO) hinggil sa bagong coronavirus variant na na-detect sa South Africa na pinaniniwalaang na mas nakahahawa.

Ayon kay DOH director Dr. Beverly Ho ngayong Biyernes, nakatakdang makipagpulong ang WHO ngayong araw at maaaring maglabas ng statement sa hapon o sa Sabado.

“Nagpapa-meeting po ‘yung WHO ngayong araw. Kakalabas lang ng kanilang advisory at malalaman natin later in the day or siguro tomorrow kung ano ‘yung hatol dito,” ani Ho tungkol sa updates ng bagong variant.

Ang B.1.1.529 variant ay nakitaan ng tinatayang 30 mutations kumpara sa dalawa para sa Delta o tatlo para naman sa Beta, at itinuturong dahilan ng pagtaas ng infections sa South Africa.

Ayon sa isang Reuters report, ang daily infections sa South Africa ay tumaas ng mahigit sa 1,200 nitong Miyerkules mula sa 100 noong una ngayong buwan lamang.

Nag-aalala naman ang mga eksperto abroad na ang variant ay maaaring magdulot sa mga bakuna na maging less effective dahil sa taglay nitong spike protein, at kakaiba ito mula sa orihinal na COVID-19, kung saan ang mga bakuna ay nakabase.

Subalit, ayon kay Dr. Edsel Salvana, isang infectious disease expert at miyembro ng DOH-Technical Advisory Group, ang mataas na bilang ng mutations ay hindi nangangahulugan na ang variant ay may mataas na ring transmissibility o resistance sa mga bakuna.

“So while nakakabahala ‘yung presence of certain mutations, hindi automatic na nakakamatay ito o mas natra-transmit o mas bumababa ‘yung epekto ng ating vaccines,” sabi ni Salvana sa Laging Handa briefing.

Tiniyak din ni Salvana sa publiko na ang anti-COVID-19 measures ay nananatiling ipinapatupad sa buong mundo.

“And the fact na na-detect na itong variant na ito at pinag-uusapan na ng WHO, ‘yung UK nga nag-travel ban na sila, it shows na ‘yung ating global genomic surveillance is working,” ani Salvana.

“Hopefully, we can prevent the spread of any new variants that come up,” dagdag pa niya.

Giit pa ni Salvana na ang pagsunod sa minimum health protocols ay nananatiling epektibo laban sa virus, at ang mga COVID-19 vaccines ay nagbibigay pa rin ng proteksiyon laban sa severe COVID-19.

Para sa OCTA Research group, patuloy nilang imo-monitor ang variant na maaaring magdulot ng seryosong isyu.