Iran nakapagtala ng unang kaso ng Omicron variant

ni Jasmin Joy Evangelista | December 20, 2021

Kinumpirma ng health ministry ng bansang Iran ang pagkakaroon nito ng unang kaso ng Omicron COVID-19 variant.

Ayon kay Deputy Health Minister Kamal Heidari, ang naturang infected person ay isang middle-age Iranian man na kababalik lamang sa Iran mula sa United Arab Emirates.

"The necessary measures were taken to quarantine this person who lives in Tehran and those who were in contact with him," pahayag ni Heidari. "This is the first case of Omicron [coronavirus] variant that has been identified in Iran."

Umabot na sa 131,083 katao ang namatay sa Islamic republic dahil sa COVID-19, ayon sa health ministry.

Samantala, sa 85 milyong populasyon ng Iran ay mahigit 50 million na ang nakatanggap ng dalawang dose ng coronavirus vaccine.

Pito, negatibo sa test sa COVID-19... 8 close contacts ng 2 Omicron cases, tukoy na — DOH

ni Lolet Abania | December 16, 2021

Natukoy na ng Department of Health (DOH) ang walong naging close contacts ng unang naitalang dalawang kaso ng Omicron variant sa bansa, kung saan pito sa kanila ay nagnegatibo sa test sa COVID-19.

Ayon kay DOH Undersecretary Maria Rosario Vergeire, ang isa ay naging close contact ng 48-anyos na returning overseas Filipino (ROF) na mula sa Japan habang ang pito ay naging close contacts naman ng 37-anyos na Nigerian national na galing sa Nigeria.

Ang nakasalamuha ng ROF ay negatibo ang resulta ng test noong Disyembre 4.

“So you might be wondering why there is only one close contact for our 48-year-old male from Japan. It’s because he was seated in a business class and it was just one passenger with him in this business class section,” paliwanag ni Vergeire sa media briefing ngayong Huwebes.

Anim sa pitong nakasalamuha naman ng Nigerian national ay nagnegatibo sa test at nakumpleto na nila ang kanilang mandatory quarantine. Habang ang test results ng natitirang naging close contact nito ay bineberipika pa.

“So again, the reason why there are just seven close contacts because the foreign national sat at the very end of the place. So we only counted those in front of him and on his side,” sabi ni Vergeire.

Sinabi rin ni Vergeire na ang pagtukoy ng mga naging close contacts ay pagbilang ng apat upuan sa bawat direksyon mula sa positive case.

“Ngayon para naman sa close contact, ang ating epidemiologic identification of close contacts when you are in a plane is to count four seats in front of you, four seats on your left, four seats on your right, and four seats sa likod mo,” ani Vergeire.

Samantala, ang mga samples ng dalawang Omicron cases ay kokolektahin ngayong araw para ulitin ang kanilang RT-PCR test.

Mula sa 2 int’l travelers.. Omicron variant, pasok na sa ‘Pinas

ni Lolet Abania | December 15, 2021

Nakapagtala na ang Department of Health (DOH) ng kaso ng Omicron variant ng COVID-19 sa bansa matapos na ma-detect ito mula sa dalawang international travelers.

Ayon sa DOH, ang isang kaso ay returning overseas Filipino (ROF) na dumating sa bansa mula sa Japan noong Disyembre 1 via Philippine Airlines flight number PR 0427.

Habang ang isa pa ay isang Nigerian national na dumating sa Pilipinas mula sa Nigeria noong Nobyembre 30 via Oman Air flight number WY 843.

Sa isang mensahe sa mga reporters, sinabi ni DOH Undersecretary Maria Rosario Vergeire, isa sa kanila ay fully vaccinated kontra-COVID-19 habang ang isa ay hindi.

Sinabi ng ahensiya na parehong sumasailalim na sa isolation sa isang pasilidad na mina-manage ng Bureau of Quarantine ang mga pasyente.

Paliwanag ng DOH, ang dalawang kaso ay na-detect mula sa latest run na na-sequence mula sa 48 samples, kabilang na ang 21 returning overseas Filipinos (ROFs), isang foreign national, at 26 local cases mula sa mga lugar na may case clusters.

Ang sample ng ROF ay nakolekta noong Disyembre 5. Siya ay nagpositibo sa test sa COVID-19 noong Disyembre 7 habang na-admit sa isang pasilidad sa parehong araw.

“He is currently asymptomatic but had symptoms of colds and cough upon arrival,” ani DOH.

Ang sample naman ng Nigerian national ay nakolekta noong Disyembre 6, habang ang positive result nito ay nailabas noong Disyembre 7. Siya ay asymptomatic na isinailalim sa quarantine sa pareho ring araw.

“The DOH is determining possible close contacts among co-passengers during the flights of these two cases,” pahayag ng DOH sa isang statement.

Ayon sa DOH, bineberipika na rin nila ang mga test results at health status ng lahat ng pasahero ng mga flights upang madetermina kung may iba pang kumpirmadong kaso o kung mayroong naka-develop ng sintomas matapos na dumating sa bansa.

Pinapayuhan naman ang mga travelers mula sa mga flights na makipag-ugnayan sa DOH sa pamamagitan ng DOH COVID-19 Hotlines sa (02) 8942 6843 o 1555, o sa kanilang mga local government units (LGUs) para i-report ang kanilang status.

“With the detection of the imported cases of Omicron variant, the Department also urges everyone to adhere to the minimum public standards,” sabi ng DOH.

“Moreover, this holiday season, the public should avoid holding mass gatherings to curb the transmission of COVID-19. The DOH also urges those unvaccinated to get vaccinated,” dagdag pa ng ahensiya.