Singapore babakunahan na kontra-COVID-19 ang mga batang 5 hanggang 11-anyos

ni Jasmin Joy Evangelista | December 12, 2021

Sisimulan na ng Singapore ang pagbibigay ng bakuna sa mga batang edad 5 hanggang 11, ayon sa health ministry nito.

Nasa 87% na ng 5.5 milyon populasyon ang bakunado sa naturang Southeast Asian city-state.

Ayon sa Singapore health ministry, gagawin pa rin ang vaccination na may gabay ng mga magulang at may sapat na clearance para sa mga batang may dinaranas na sakit.

Ang dosage ng bakuna para sa mga batang edad 5 hanggang 11 ay one-third lamang ng ginagamit sa mga mas nakatatanda, tulad sa United States.

Sa ngayon ay Pfizer-BioNTech "Comirnaty" pa lamang ang bakunang aprubado para sa iturok aa mga bata sa Singapore.

Mas maraming encoders, mas mabilis at mas maayos na proseso ng VaxCertPH — DICT

ni Jasmin Joy Evangelista | December 10, 2021

Humihiling ang Department of Information and Communication Technology (DICT) sa lahat ng lokal na pamahalaan na magtalaga pa ng maraming encoder para agad na mailagay ang impormasyon para sa mas mabilis na proseso sa pagkuha ng VaxCertPH.

“Patuloy po ang panawagan namin sa mga LGUs na in as much as naglalaan sila ng mga sapat na tao sa mga vaccination, and we are thankful for that, kailangan kasama sa vaccination team ang encoders sa dulo at kailangan ma encode agad on that day or even on the following day nang sa ganun yung mga nagrerequest ng mga vaccination certificate ay makukuha nila,” pahayag ni DICT Undersecretary Manny Caintic.

Aniya pa, mahalaga na tama ang mga impormasyong ie-encode lalo na kung may Jr. o Sr. sa pangalan.

Marami naman daw mga lungsod sa National Captal Region ang maganda ang performance at nakakasunod nang maayos sa pag-encode sa database ngunit ang Quezon City ay kailangan pang maghabol sa pag-e-encode ng mga impormasyon.

“Ang vax cert important siya lalo na sa international travel kasi kinikilala na siya. Sa local, may ilang mga probinsiya gusto na rin na yang pruweba like in the province of Bohol, which is really admirable,” ani Caintic.

Samantala, bagaman may mga lugar na sa bansa na nais gawing travel requirement ang vax cert, iginiit ni Caintic na sapat na ang vaccination card bilang katunayan ng pagkakabakuna.

38.1 M Pinoy fully vaccinated na kontra-COVID-19

ni Lolet Abania | December 7, 2021

Umabot na sa kabuuang 38.1 milyong indibidwal mula sa naunang 37 milyon na nai-report ang fully vaccinated na kontra-COVID-19, batay sa datos na ipinakita ng Department of Health (DOH) ngayong Martes.

Sa ikalawang bahagi ng Talk to the People, sinabi ni DOH Secretary Francisco Duque III na mahigit sa 38.1 milyong indibidwal o 49.48% ang fully vaccinated laban sa COVID-19 hanggang nitong Disyembre 5.

Bahagyang mas mataas ito sa 37.3 milyong fully vaccinated na indibidwal hanggang nitong Disyembre 2 na unang ini-report ni acting Presidential Spokesperson Karlo Nograles.

Ang kabuuang bilang ng mga indibidwal na nakatanggap naman ng first dose ay tumaas na naging 56.7 milyon mula sa unang 52.4 milyon indibidwal na nabakunahan.

“’Yun pong ating 56.7 million sa first doses administered, nalampasan po natin ang ating target. Target po natin by the end of November is actually 54 million doses,” sabi ni Duque.

Nais ng gobyerno na maging fully vaccinated ang 54 milyong indibidwal hanggang sa matapos ang taon.

“Naniniwala po kami ni Secretary (Carlito) Galvez, Secretary Vince Dizon, ang atin pong chair ng National Vaccine Operations Center, na kaya po natin maabot ang ating 54 million completed jab rate by the end of the year,” ani Duque.

Hanggang nitong Disyembre 5, nakapag-administer na ang bansa ng mahigit sa 91 milyon doses ng COVID-19 vaccine.