FDA: COVID vaccine sa mga kabataang edad 11 pababa, posible bago matapos ang taon

ni Jasmin Joy Evangelista | November 23, 2021

Ipinahayag ng Food and Drug Administration (FDA) na posible nang simulan ang pagbabakuna kontra-COVID-19 sa mga kabataang edad 11 pababa bago matapos ang taon.

"I'm pretty sure Pfizer-BioNtech is going to be there by the end of the year," ani FDA Director-General Eric Domingo sa ginanap na Palace briefing.

"We are also waiting on Sinovac to submit their data [for a COVID-19 vaccine] below 18 years old," dagdag niya.

Tulad ng ginamit sa mga kabataang edad 12-17, Moderna at Pfizer-BioNTech din ang gagamitin sa mga batang edad 11 pababa.

Samantala, sinimulan na rin sa bansa ang pagbibigay ng booster shot sa mga fully vaccinated na mga health workers, senior citizens, and persons with comorbidities, sa nakaraang anim na buwan.

15 milyong indibidwal, target mabakunahan sa National Vaccination Drive

ni Jasmin Joy Evangelista | November 21, 2021

Malaki ang kumpiyansa ng National Task Force (NTF) Against COVID-19 na maaabot ng gobyerno ang target nitong 15 milyong indibidwal na mababakunahan sa tatlong araw na National Vaccination Drive mula Nobyembre 29 hanggang Disyembre 1.

Ayon kay NTF Spokesperson retired Major General Restituto Padilla, naniniwala sila na malakas at mas buhay ang bayanihan spirit sa ating bansa.

Dagdag pa ni Padilla, ang feedback mula sa mga health worker na lalahok sa vaccination drive ay “very encouraging.”

Dapat din aniyang hikayatin ng publiko ang mga hindi nabakunahan, na siyang tutulong sa pagbangon ng ekonomiya ng Pilipinas.

Target ng gobyerno na makapagturok ng five million doses kada araw sa loob ng tatlong araw.

Samantala, hindi bababa sa 29.8 milyong Pilipino na ang fully vaccinated kontra-COVID-19.

‘Pag may full authorization... COVID-19 vaccines sa mga botika, posible na — FDA

ni Lolet Abania | November 18, 2021

Maaari nang maibenta sa mga botika ang maraming COVID-19 vaccines sa unang quarter ng 2022 kapag nabigyan na ito ng full approval ng Food and Drug Administration (FDA).

“My prediction is early next year, by the first quarter, not only Pfizer maybe several of the existing vaccines will get full approval for marketing authorization,” pahayag ni FDA Director General Eric Domingo sa isang interview ngayong Huwebes.

Ayon sa Johns Hopkins Medicine, “full approval is granted when the FDA has amassed enough scientific evidence to support use of the COVID-19 vaccines, showing that the benefits of the vaccine are greater than its risks, and that the vaccines can be manufactured reliably, safely and with consistent quality.”

Sa ngayon, binigyan na ng FDA ng emergency use authorization (EUA) ang siyam na vaccine brands, gaya ng Pfizer-BioNTech (Comirnaty), AstraZeneca, Sinovac (CoronaVac), Gamaleya Institute (Sputnik V), Johnson & Johnson (Janssen), Bharat Biotech (Covaxin), Moderna, Sinopharm, at Novavax (Covovax).

Sa ilalim ng EUA, ang gobyerno lamang ang maaaring mag-procure ng vaccines habang ang mga pribadong kumpanya ay puwedeng bumili sa pamamagitan ng isang tripartite agreement.

Ayon kay Domingo, una nang pinagkalooban ng United States ang Pfizer ng full authorization noong Agosto. Gayunman, hindi pa nag-a-apply ang Pfizer para naman sa full approval ng Pilipinas.

“We did ask them and they said they were completing their documents and requirements... It’s not going to take long but they haven’t applied yet. It’s probably because the company is not yet ready to supply, baka nagko-concentrate sila sa one market at this time,” sabi ni Domingo.

Sinabi pa ni Domingo, binigyan na rin ng FDA ng EUA ang investigational drug na ronapreve para sa COVID-19 treatment, habang isa pang medisina, ang molnupiravir ay maaari namang makuha sa mga ospital na may compassionate use permit.