Healthcare workers na 'di pa nababakunahan, wanted sa DOH

ni Mary Gutierrez Almirañez | March 26, 2021

Hinahanap ng Department of Health (DOH) ang mga healthcare workers na wala sa masterlist at hindi pa nagpapabakuna kontra COVID-19, partikular na ang mga freelancers at nagtatrabaho sa pribadong pasilidad upang makumpletong bakunahan ang target na 1.8 milyong healthcare workers, ayon kay DOH Undersecretary Maria Rosario Vergeire ngayong umaga, Marso 26.

Aniya, "Hindi pa rin natin sila nahahanap dahil nga po maraming mga healthcare workers ngayon dealing with COVID are not affiliated in any of the institutions or facilities that we have right now…

This QSL, Quick Substitution List, ang sabi pa natin sa protocol, kung hindi po natin mahahanap ‘yung ating ibang mga ospital like private hospital, free-standing clinics during the time na mag-quick substitute kayo, puwede naman ‘yung mga tao du’n sa temporary treatment and monitoring facility, ‘yun pong mga healthcare workers na nagko-contract trace, ‘yun pong healthcare workers na nagre-research o kaya nasa laboratoryo o ‘di kaya ‘yung mga nasa private nursing home.

These are the choices from A.1 to A.7.” Batay sa huling tala ng DOH, tinatayang 508,000 frontline health workers na ang nabakunahan ng unang dose kontra COVID-19, kung saan 279,870 sa naturukan ay taga-Metro Manila, habang 110,760 naman ay taga-Central Visayas at mahigit 94,560 sa Calabarzon.

“Ngayon, isa pa po naming ipinapaalala dahil nga sinabi na po ng WHO, that we should prioritize the healthcare workers now. If we violate, this may compromise ‘yung further natin na supply in the future,” paliwanag pa ni Vergeire.

Matatandaang 9 na alkalde na ang inisyuhan ng show cause order matapos nilang magpabakuna, gayung hindi pa sila prayoridad mabakunahan. Kabilang na rin sa binakunahan sa Parañaque City ang aktor na si Mark Anthony Fernandez na umano’y kuwalipikado sa Quick Substitution List (QSL) dahil mayroon itong comorbidities.

Buntis na positibo sa COVID at naturukan ng, oks pa ring magpasuso

ni Lolet Abania | March 25, 2021

Maaari pa ring ipagpatuloy ng mga nanay ang kanilang pagpapa-breastfeed sa kanilang mga sanggol kahit pa nagpositibo sila sa test sa COVID-19 o mayroong mild symptoms, ayon sa isang doktor na miyembro ng Healthcare Professionals Alliance Against COVID-19.

Ayon kay Dr. Mianne Silvestre, kinakailangan lamang ng isang Covid -positive at symptomatic na ina na magsagawa ng mga preventive measures gaya ng pagsusuot ng face mask, madalas na paghuhugas ng kamay, pag-disinfect ng mga nasa paligid niya, at iwasan ang umubo o ubuhan ang anumang parte ng katawan lalo na ang bahaging nahahawakan ang kanyang sanggol.

“Yes, even if you’re COVID-positive or have mild symptoms, puwede pa rin talaga and dapat actually i-breastfeed ‘yung baby and for the same reason na baka nata-transmit ‘yung antibody sa baby, all the more na ‘wag dapat hiwalayin po,” ani Silvestre sa isang briefing ngayong Huwebes.

“Breast milk itself has not been demonstrated to transmit the virus… The transmission is still the same as us, respiratory, aerosols, and droplets,” dagdag pa ng doktora.

Binanggit din ni Silvestre ang tungkol sa ilang statements ng mga eksperto na ang mga buntis at breastfeeding women ay maaaring magpabakuna ng COVID-19 vaccine matapos na kumonsulta sa kanilang mga doctor.

Batay sa inilabas na pahayag ng Philippine Pediatric Society, ang lahat ng COVID-19 vaccines ay maaaring ibigay sa mga nagpapasusong ina matapos na makausap ang kanilang mga doktor, at hindi kailangang ihinto o iwasan ang pagpapa-breastfeed makaraang mabakunahan.

“There is very early evidence suggesting a large potential benefit of a vaccinated mother who breastfeeds passing on antibodies against the COVID-19 virus to her infant,” ani Silvestre.

“Whether or not the level of antibodies in breast milk is sufficient to actually protect the baby against Covid, we still don’t know. This is very preliminary,” sabi pa niya.

Samantala, mahigit sa 500,000 mamamayan na ang nakatanggap ng first dose ng COVID-19 vaccine hanggang nitong Marso 23.

Bago ang mahihirap… Gobernador, alkalde at barangay captain, uunahin na ring bakunahan

ni Mary Gutierrez Almirañez | March 25, 2021

Prayoridad na ring mabakunahan kontra COVID-19 ang mga gobernador, alkalde at barangay captain katulad ng frontliners at uniformed personnel, ayon kay Department of the Interior and Local Government (DILG) Undersecretary Epimaco Densing III ngayong araw, Marso 25.

Aniya, “Sila po ay considered nang A4. Noong Huwebes po, ako mismo ang nagrekomenda sa IATF through the Recovery Cluster sa IATF na iangat sila from B3 to A4. All 1,715 governors and mayors, and 42,046 barangay captains, inaprubahan po natin na iangat po ang kanilang classification.”

Batay sa kategorya ng pamahalaan, kapag natapos bakunahan ang frontline health workers na nasa A1 classification ay susundan iyon ng mga indigent senior citizens na nasa A2.

Samantala, kabilang naman sa A3 classification ang mga natitirang senior citizens at indibidwal na may comorbidities. Kasunod nito ang A4 classification kung saan kabilang ang mga gobernador, alkalde at barangay captain.

Kumbaga, mauuna silang bakunahan bago ang mga mahihirap na populasyong nasa A5 classification at ibang nasa B classifications.

Nauna na ring iniulat na nag-isyu ang DILG ng show cause order laban sa 5 alkalde na sumingit umano sa vaccination rollout, gayung hindi naman sila prayoridad.