top of page
Search

284 K plus, nakakumpleto na ng COVID-19 vaccine

  • BULGAR
  • May 3, 2021

ni Ronalyn Seminiano Reonico | May 3, 2021



Umabot na sa 284,553 indibidwal sa Pilipinas ang nakakumpleto ng COVID-19 vaccination ngayong Mayo, ayon sa Department of Health (DOH).


Ayon kay Health Undersecretary Maria Rosario Vergeire, 270,785 sa mga nakakumpleto na ng bakuna ay mga health workers, 3,083 naman ang mga senior citizens at 10,685 ang mga may comorbidities.


Samantala, 1,650,318 katao naman ang nakatanggap ng first dose ng AstraZeneca o Sinovac COVID-19 vaccine kung saan 278,183 ang mga senior citizens, 275,924 ang mga may comorbidities, at 1,718 ang essential workers.


Saad pa ni Vergeire, “There were 1,094,493 frontline healthcare workers in the Philippines or 70.9% of the more than 1.5 million masterlisted [for] priority group A1 population had been vaccinated as of May 1.”


Nilinaw naman ng DOH na wala pang naiuulat sa bansa na pumanaw dahil sa COVID-19 vaccine.


Paalala naman ni Vergeire sa mga nabakunahan na, “We still advise our citizens who are vaccinated to comply still with the minimum public health protocols. Tandaan po natin, hindi po assurance na [kapag] kayo ay nabakunahan ay hindi na po kayo magkakasakit.”


Target ng pamahalaan na mabakunahan laban sa COVID-19 ang 70 million katao sa bansa ngayong taon.


 
 

922,898, nabakunahan na kontra COVID-19

  • BULGAR
  • Apr 8, 2021

ni Mary Gutierrez Almirañez | April 8, 2021




Umabot na sa 922,898 ang nabakunahan kontra COVID-19 na kabilang sa A priority list, batay sa huling datos ng Department of Health nitong Miyerkules, Abril 8.


Ayon pa sa DOH, mahigit 872,213 na ang nabakunahan ng unang dose, habang 50,685 naman ang naturukan ng pangalawang dose.


Matatandaang nagsimula ang vaccination rollout sa bansa noong ika-1 ng Marso, kung saan naunang dumating ang 600,000 doses ng Sinovac mula sa China at sinundan naman ng AstraZeneca galing COVAX facility. Nasundan pa ito ng ilang dose mula sa dalawang nasabing brand na bakuna. Samantala, inaasahan namang darating na rin ngayong Abril ang bakuna ng Pfizer sa bansa.


Sa ngayon ay tinatayang 2,525,600 doses ng bakuna na ang nai-deliver sa bansa at mahigit 77% o 1,936,600 doses na nito ang naipamahagi sa mga ospital. Sa kabuuan ay 2,670 vaccination sites ang nagsasagawa ng rollout.


Magmula naman nang maubos ang suplay ng AstraZeneca sa bansa ay pinayagan na ng Department of Health (DOH) at Food and Drug Administration (FDA) na iturok ang Sinovac sa mga senior citizens upang magpatuloy ang rollout.


 
 

Pagbabakuna sa comorbidities, start na sa Maynila

  • BULGAR
  • Mar 30, 2021

ni Mary Gutierrez Almirañez | March 30, 2021




Sisimulan na ang pagbabakuna kontra COVID-19 sa mga edad 18 hanggang 59-anyos na indibidwal na may comorbidities tulad ng chronic respiratory, kidney o liver disease, hypertension, cardiovascular disease, diabetes at tuberculosis sa Maynila simula bukas, Marso 31, ayon kay Mayor Isko Moreno.


Kaugnay ito sa karagdagang suplay ng Sinovac COVID-19 vaccines na inilaan ng lokal na pamahalaan sa lungsod kaya maaari na nilang simulan ang pagbabakuna sa mga nasa A3 priority list.


Nauna nang isinagawa ang online pre-registration sa https://bit.ly/3tUBHpw at para sa mga hindi nakapagparehistro ay maaari nang ihanda ang katibayan ng kanilang medical condition katulad ng medical certificate, prescription o reseta at hospital records.


Samantala, sa mga senior citizen na hirap bumangon at lumakad ay puwede silang magpapunta ng kamag-anak sa pinakamalapit na vaccination site upang mag-request ng home service.


Sa ngayon ay sinimulan na ring iturok ang pangalawang dose ng Sinovac sa mga healthcare workers na nabakunahan nu’ng nakalipas na 28 days.


Sa huling tala ng Manila Health Department, 17,809 na ang administered doses sa lungsod kasama ang mga frontliners at senior citizens. Maaari na ring makapagparehistro ang ibang residente sa ibinigay na link ng mga sumusunod na LGU:

• Caloocan: https://bit.ly/3fpGueD

• Mandaluyong: https://bit.ly/31qsyZD

• Muntinlupa: https://bit.ly/2NYFeUr

• Paranaque: https://bit.ly/31sEMko

• San Juan: https://bit.ly/39Bi7ri

• Quezon City: https://bit.ly/3suTPpV

• Valenzuela: https://bit.ly/39oYmCK


 
 
RECOMMENDED
bottom of page