Claire dela Fuente at anak, nagpositibo sa COVID-19

ni Ronalyn Seminiano Reonico | March 30, 2021

Nagpositibo sa COVID-19 ang yumaong OPM icon na si Claire dela Fuente ngayong araw, ayon sa kanyang anak na si Gregorio “Gigo” De Guzman.

Pahayag ni Gigo sa kanyang Instagram video, “This wasn’t supposed to be out and opened yet but now that it is out and hindi namin makontrol, I will just address it here now.

“Yes, it’s true that my mom, Claire dela Fuenta, died early this morning at 7 AM from cardiac arrest from… over her anxiety kasi na-confirm nga na meron siyang COVID.”

Sinabi rin ni Gigo na na-disappoint sila na kumalat kaagad ang balita.

Aniya, “Medyo na-disappoint kami, medyo nagalit kami that this was leaked to the media nang ‘di oras without our consent.”

Inamin din ni Gigo na positibo rin siya sa COVID-19.

Aniya, “I am COVID positive kasabay ng mom ko but I am asymptomatic.”

Saad pa ni Gigo, “What pains me is that kahit na positive ako, I couldn’t stay with her at samahan siya roon kasi mag-isa lang siya roon sa tent, sa labas ng ospital.

“Ayaw niyang sabihin sa akin na ganu’n pala ‘yung kondisyon niya.”

Ayon din kay Gigo, ang mga kamag-anak nila ang nag-aayos para sa libing ng mga labi ni Claire.

9,296 bagong kaso ng COVID-19

ni Lolet Abania | March 30, 2021

Umabot na sa kabuuang 741,181 ang kaso ng COVID-19 sa bansa matapos na makapagtala ngayong Martes ang Department of Health (DOH) ng 9,296 bagong kaso ng na-infect ng virus.

Ito na ang ikalimang sunod na araw na nakapagtala ng mahigit sa 9,000 bagong kaso ng coronavirus.

Ayon sa DOH, pumalo naman ang bilang ng active cases sa bansa ng 124,680, pinakamataas na nai-record ngayong taon.

Sa nasabing bilang, 96% dito ay nakararanas ng mild symptoms, 2.3% ay asymptomatic habang 0.7% ay severe at 0.6% ay nasa critical condition.

Pumalo naman ang kabuuang bilang ng mga nakarekober sa 603,310 matapos na 103 ang bagong gumaling mula sa virus.

Mayroon namang 5 bagong nasawi kaya umakyat na sa 13,191 ang kabuuang bilang ng mga namatay dahil sa COVID-19.

Ted Failon, positibo sa COVID-19

ni Lolet Abania | March 30, 2021

NAGPOSITIBO sa test sa COVID-19 ang broadcast journalist na si Ted Failon.

Sa isang statement ngayong Martes, inamin ni Failon na nalaman niya noong Linggo nang gabi na isa sa kanyang mga co-workers ay nagpositibo sa test sa coronavirus, at dahil nagkaroon siya ng close contact dito ay nagpa-test na rin siya.

“As soon as I heard the news, I immediately put myself in self-isolation and decided to have myself tested the morning of March 29th,” ani Failon.

Nalaman naman ni Failon na infected na siya ng virus nitong Lunes nang gabi lang.

“I am asymptomatic and I will follow the advice to self-isolate and be placed on home quarantine. All my close contacts have been informed of my situation for their appropriate action,” saad pa ni Failon.

Ayon sa broadcaster, ang nangyari sa kanya ay paalala sa lahat na kahit pa mahigpit na sumusunod sa health protocols, may posibilidad pa rin na tamaan ng nasabing virus.

“This is why now more than ever, we need to be extra cautious and take all necessary precautions to ensure our safety and the safety of our families,” ayon pa kay Failon.