COVID cases, tuloy sa paglobo… ‘Pinas, matutulad sa India — Duque

ni Ronalyn Seminiano Reonico | April 30, 2021

Posibleng matulad ang Pilipinas sa India na patuloy ang paglobo ng kaso ng COVID-19 araw-araw kung hindi susunod ang mga Pilipino sa mga ipinatutupad na health protocols at kung hindi mapaiigting ang pandemic response ng pamahalaan, ayon kay Department of Health (DOH) Secretary Francisco Duque III.

Saad ni Duque sa panayam ng ANC ‘Headstart’, “Kapag hindi tayo sumunod doon sa ating minimum public health standards [and] if we do not intensify our COVID-19 pandemic response, like what has happened in India and also in some other countries where the second or third waves are being experienced, that is a big possibility.”

Maaari rin umanong makakuha ng leksiyon o matuto ang mga Pilipino sa sitwasyon ng India at iba pang bansa.

Aniya pa, “This is a lesson we all have to learn from what’s happening in other countries, we cannot dig our heads into the sand and make it appear that we’re doing okay all the time. There’s always ways of doing things better. It’s very dynamic, every day you have to read, every day you have to watch out for what’s happening, what are the best practices, what are the practices that are worth avoiding or making sure we avoid such measures that don’t work.”

Ayon din kay Duque, kailangan ng pagkakaisa ng publiko at pamahalaan upang malabanan ang COVID-19 pandemic.

Saad pa ni Duque, “At the end of the day, we just have to work together and the whole world is in a crisis. Everybody is really reeling from this pandemic. But we must stand in solidarity with each other in this fight against the pandemic. The war against COVID is really on the shoulders of every person so it cannot just be the work of the national government, local government, private sector, etcetera.”

Samantala, ngayong araw ay nakapagtala ang bansa ng 8,748 karagdagang kaso ng COVID-19 at ang kabuuang bilang sa buong bansa ay umabot na sa 1,037,460 cases.

23 sa Hospicio de San Jose, positive sa COVID

PHOTni Lolet Abania | April 29, 2021

Isinailalim sa lockdown ang Hospicio de San Jose sa Manila matapos na 23 sa kanila ang nagpositibo sa COVID-19 ngayong Huwebes.

Ito ang kinumpirma ng isa sa student-volunteers ng institusyon.

Ayon kay Jenebeth Paniterce, 15 health staff members, 6 na matatandang residente at 2 student-volunteers ang infected ng virus nang simulan nila ang COVID-19 testing noong April 15.

Isa sa mga senior citizens ang namatay sa nasabing sakit habang ang tatlo ay dinala sa ospital ngayong Huwebes nang umaga.

Sa ngayon, mayroong 22 active cases na lahat ay naka-isolate na sa dalawang lugar sa orphanage.

Patuloy din ang isinasagawang swab tests ng pamunuan ng Hospicio hanggang sa lahat ng 450 indibidwal sa compound ang makapag-test.

Gayunman, ayon kay Paniterce, hindi pa nila ma-trace kung saan nagsimula ang virus.

Para matiyak ang kaligtasan ng lahat ng nasa Hospicio, hindi pinapayagang lumabas ng Isla de Convalecencia, kung saan matatagpuan ang mga tirahan ng mga residente.

Humingi naman ng tulong na donasyon ang Hospicio de San Jose upang magpatuloy ang kanilang serbisyo sa ampunan.

Mas ninanais nilang mabigyan ng in-kind goods gaya ng de-lata, mga gatas para sa mga sanggol, toddlers at matatanda, infant meals, bigas, tinapay at noodles.

Kinakailangan din nila ang mga hygiene kits kabilang na ang mga diapers, gamot at medical equipment tulad ng personal protective equipment (PPE) at face masks.

Nanawagan na rin sa Facebook ang Archdiocesan Shrine of Santo Niño-Tondo Manila para sa donasyong ibibigay sa Hospicio.

“They are running out of food because nobody is donating to them and the sisters are worried about the children and elders. They are appealing to your kind generosity,” ayon sa post ng simbahan.

Maaari ring direktang ibigay ang mga donations kay Sister Marcelita Catarina D.C. sa Hospicio de San Jose, Ayala Bridge, Quiapo, San Miguel, Manila.

Defense Sec. Lorenzana, positibo sa COVID-19

ni Ronalyn Seminiano Reonico | April 6, 2021

Positibo sa COVID-19 si Defense Secretary Delfin Lorenzana, ayon sa kanyang statement na mababasa sa official Facebook page ng Department of National Defense (DND) ngayong Martes.

Aniya, "The result of my RT-PCR test today, 06 April 2021, came up positive. I will be undergoing isolation, following the quarantine guidelines to avoid infecting others.”

Naipaalam na rin niya umano sa mga nakasalamuha niya ang kanyang sitwasyon at inabisuhang sumailalim din sa isolation at magpa-COVID-19 test.

Aniya, “Those who have been exposed to me have been informed. They have been advised to isolate and get tested for COVID-19 as well.”

Siniguro naman ng DND na tuloy pa rin ang kanilang operasyon at magsasagawa rin sila ng skeleton workforce.

Nanawagan din si Lorenzana sa publiko na makiisa at sumunod sa mga ipinatutupad na health protocols upang maiwasan ang patuloy na paglobo ng kaso ng COVID-19 sa bansa.

Saad pa ni Lorenzana, “I would like to remind everyone that the threat of the virus is as real as ever, more so now due to the new variants. Let us all cooperate and abide by the prescribed health protocols to help in curbing the spread of COVID-19.”