Facebook 'E-rally' page bubuksan ng Comelec sa Pebrero

ni Jasmin Joy Evangelista | January 16, 2022

Bubuksan ng Commission on Elections sa Pebrero ang "E-rally" page sa Facebook na layong bigyan ng patas na pagkakataon ang mga kandidato na mailahad ang kanilang plataporma at maabot ang mga botante.

Ito rin ay maghahatid ng libreng livestreaming ng e-rallies ng mga national candidate sa 2022 National and Local Elections.

Ang Campaign S • A • F • E • COMELEC e-Rally Channel sa Facebook ay magbibigay ng e-rally airtime sa lahat ng kakandidato sa pagka-pangulo, bise presidente at senador, at maging ang party-list organization.

“The Commission will issue the pertinent guidelines on how the candidates and party list organizations can participate in the e-Rally channel,” pahayag ni Comelec Spokesperson James Jimenez.

“This platform can help ensure that even those candidates who have less in followers can still have more in views and exposure, so to speak,” dagdag niya.

Sisimulan sa February 8, 2022 ang livestreaming ng e-rallies kada gabi sa official social media accounts ng Comelec.

Maglalabas ang COMELEC ng schedule ng e-rally timeslots sa bawat elective position:

Presidential – 10 minuto – 3 slots/gabi

Vice-Presidential – 10 minuto – 3 slots/gabi

Senatorial – 3 minuto – 5 slots/gabi

Party-List Organization – 3 minuto – 5 slots/gabi

Political Parties – 10 minuto – 3 slots/gabi

Narito ang link ng Facebook Page:

https://www.facebook.com/COMELECeRallyChannel

Enero 17, start ng printing ng ballots... Pinal na listahan ng 2022 elections aspirants sa Jan. 15

ni Lolet Abania | January 12, 2022

Ipinahayag ng Commission on Elections (Comelec) na asahan nang ilalabas ang pinal na listahan ng mga kandidato sa 2022 national at local elections sa Enero 15, habang ang printing ng official ballots ay posibleng simulan sa Enero 17.

Ito ang sinabi ni Comelec spokesperson James Jimenez sa isang virtual press conference ngayong Miyerkules.

“Ang estimate natin, matatapos ang final ballot faces by January 15 which means ‘yun na ang final list of candidates and we hope that we will be able to start printing by January 17,” paliwanag ni Jimenez.

Naghahanda na rin ang Comelec para sa tinatawag na walk through sa mga opisyal mula sa National Printing Office.

Sa ngayon, nakapagtala ang poll body ng 10 presidential aspirants, siyam na vice presidential bets, at 64 senatorial aspirants sa kanilang latest tentative list ng mga kandidato sa 2022 elections.

Comelec tinanggal sa listahan ang isang presidential aspirant

ni Jasmin Joy Evangelista | January 12, 2022

Mula 11 ay 10 na lang ang nasa listahan ng Commission on Elections (Comelec) sa pagka-pangulo habang nananatili naming 9 ang vice presidential candidates.

Tinanggal sa listahan si Gerald Arcega. Ang mga natitirang qualified presidentiables ay sina (alphabetical order):

• Abella, Ernie

• De Guzman, Leody

• Domagoso, Isko Moreno

• Gonzales, Norberto

• Lacson, Ping

• Mangondato, Faisal

• Marcos, Bongbong

• Montemayor, Jose Jr.

• Pacquiao, Manny Pacman

• Robredo, Leni

Narito naman ang vice presidential aspirants (in alphabetical order):

• Atienza, Lito

• Bello, Walden

• David, Rizalito

• Duterte, Sara

• Lopez, Manny SD

• Ong, Doc Willie

• Pangilinan, Kiko

• Serapio, Carlos

• Sotto, Vicente

Ang senatorial candidates ay nananatiling 64.

Ang election period ay nagsimula na para sa national polls, na gaganapin sa May 9, 2022.