Para sa president at VP canvassing.. Congress, nagpasa ng panuntunan — Comelec

ni Lolet Abania | May 22, 2022

Asahan na ang Senate at ang House of Representatives na magpapasa ng guidelines para sa kanilang sariling canvassing ng mga certificates of canvass (COC) sa katatapos na 2022 elections kapag nagpatuloy na ang kanilang mga sessions, ayon sa Commission on Elections (Comelec).

Sa isang radio interview ngayong Linggo, sinabi ni Comelec Commissioner George Garcia na ang 172 mula sa 173 COCs na na-canvass na ng Comelec, tumatayo bilang National Board of Canvassers (NBOC), ay maaaring naipasa na sa Congress sa oras ng pagsisimula ng official count ng mga votes para sa pagka-pangulo at pagka-pangalawang pangulo.

“Sa aking palagay, ang una nilang gagawin, ang first agenda nila, siguradong sigurado ‘yung pagpasa ng rules, ‘yung guidelines ng canvassing nila. Hindi po nila siyempre ia-adopt ‘yung rules namin ng canvass at sa pagkakaalam natin, nag-draft na sila ng kanilang rules at for approval bukas ng Senado at saka Mababang Kapulungan,” saad ni Garcia.

Sa ilalim ng 1987 Constitution, ang mga election returns (ER) ng bawat halalan para sa pangulo at bise presidente, na duly certified ng board of canvassers ng kada probinsiya o lungsod, ay kailangang i-transmit ang mga ito sa Congress, direkta sa Senate President.

Nakasaad pa rito, “Upon receipt of the certificates of canvass, the Senate president shall, not later than 30 days after the day of the election, open all the certificates in the presence of the Senate and the House of Representatives in joint public session, and the Congress, upon determination of the authenticity and due execution thereof in the manner provided by law, will canvass the votes.”

Sa Mayo 23, nakatakda naman ang Senate at ang House of Representatives na mag-resume ng kanilang mga sessions.

Matapos nito, ang Congress ay magko-convene na NBOC para simulan ang opisyal na bilangan ng mga boto sa pagka-pangulo at pagka-pangalawang pangulo.

Gayunman, ayon kay Garcia, teknikal na magsisimula ang Congress ng kanilang canvassing sa Martes, mula alas-10:00 ng umaga hanggang alas-10:00 ng gabi.

Samantala, nakatakda ang Comelec na magsagawa ng special elections sa Tubaran, Lanao del Sur – ang nag-iisang lugar na nakatakda namang magsumite ng kanilang COC sa Mayo 24, matapos na mai-report ng failure of elections na unang sinabi ni acting poll spokesperson John Rex Laudiangco.

Kaugnay nito, naghahanda na ang Senado para sa paglilipat sa Batasang Pambansa ng mga COC at ER sa pag-canvass nito at sa napipintong proklamasyon ng mga nagwagi sa presidential at vice presidential race. Bukas nakatakdang dalhin sa Batasang Pambansa ang mga naturang COC at ER, habang ihahanda muna ng mga tauhan ng Office of the Senate Sergeant-at-Arms ang mga ballot boxes na naglalaman ng mga ito.

Ayon kay Senate Sergeant-at-Arms Gen. Rene Samonte, alas-4:00 ng madaling-araw ng Lunes, ililipat sa Kamara ang mga ballot box.

Tutulong naman ang Philippine National Police (PNP) sa kanila para matiyak ang seguridad ng paglilipat ng mga ballot boxes habang isinasakay ang mga ito sa mga trak ng militar.

Proklamasyon ng Senate Magic 12.. P-Du30 at VP Leni, imbitado — Comelec

ni Lolet Abania | May 17, 2022

Inanyayahan ng Commission on Elections (Comelec) ang mga top officials na pinangungunahan ni Pangulong Rodrigo Duterte para sa proklamasyon ng 12 nagwaging senators sa 2022 national elections na nakatakda sa Miyerkules, Mayo 18, ayon kay Comelec Commissioner George Garcia.

“Officially, we have invited the President, Vice President, Senate President, Speaker of the House and the Chief Justice for [the proclamation] tomorrow,” ani Garcia sa isang press conference ngayong Martes.

“In the event that they are available to attend, there might be changes in prior arrangements,” dagdag ni Garcia. Bukod kay Pangulong Duterte, ang iba pang top officials na inimbita ng Comelec ay sina Vice President Leni Robredo, Senate President Vicente Sotto III, House Speaker Lord Allan Velasco at Chief Justice Alexander Gesmundo.

Si Robredo ay kasalukuyang nasa United States kung saan dadalo siya sa New York University graduation ng kanyang pinakabatang anak na babae na si Jillian sa Yankee Stadium sa New York City.

Gayunman, ayon kay Garcia, ang mga naturang top level officials ay walang pang ibinigay na kumpirmasyon ng kanilang pagdalo sa proklamasyon. Batay sa Comelec guidelines, bawat nagwaging senador ay maaaring magbitbit ng limang bisita.

Habang ang dress code para sa mga guests at winning candidates ay Kasuotang Filipino. Hindi naman required para sa mga attendees ang magbigay ng negative antigen o RT-PCR-COVID-19 test results habang ang kailangan lamang ng mga ito ay magprisinta ng kanilang COVID-19 vaccination card.

Base sa partial and official count ng Comelec hanggang nitong Mayo 16, ang aktor na si Robin Padilla ang nangunguna pa rin sa 2022 Senate race.

Narito ang Senate Magic 12:

• Padilla, Robin -- 26,494,737

• Legarda, Loren, - 24,183,946

• Tulfo, Raffy - 23,345,261

• Gatchalian, Sherwin - 20,547,045

• Escudero, Chiz - 20,240,923

• Villar, Mark – 19,402,685

• Cayetano, Allan Peter - 19,262,353

• Zubiri, Juan Miguel – 18,663,253

• Villanueva, Joel - 18,439,806

• Ejercito, JV - 15,803,416

• Hontiveros, Risa - 15,385,566

• Estrada, Jinggoy - 15,071,213

Samantala, ang certificate of canvass na lamang mula sa Lanao del Sur, ang hindi pa nabibilang dahil sa tinatawag na failure of elections sa 14 na barangay sa gitna ng naganap na election violence.

Dahil sa COVID-19 protocols — Comelec.. Proklamasyon ng 12 senador at partylist groups, magkahiwalay

ni Lolet Abania | May 15, 2022

Magkabukod na ipoproklama ang mga nagwaging 12 senador at party-list groups upang panatilihin ang public health standards sa gitna pa rin ng COVID-19 pandemic, ayon sa Commission on Elections (Comelec).

Sa ginanap na press briefing ngayong Linggo, sinabi ni Comelec acting spokesperson Rex Laudiangco na ang poll body, nagsisilbi ring National Board of Canvassers (NBOC), na hiwalay ang proklamasyon ng inisyal na party-list groups na nakaabot sa 2% threshold ng kabuuang bilang ng mga party-list votes.

“In order to maintain minimum public health standards we have to separate ‘yung proclamations ng senators and party-lists. So we really have to separate the party-lists,” ani Laudiangco.

“Then again ‘yung party-list po dahil sa completion ng total party-list votes we are entertaining the possibility of proclaiming top-tier party-list meaning ‘yung matataas po na nakakuha ng boto na hindi na maaaring maapektuhan doon sa distribution and application of the formula nu’ng hindi pa dumarating na partylist votes. Total number of partylist votes is really the basis,” dagdag ng opisyal.

Una nang inihayag ni Laudiangco na ang mga ipoproklamang senador ay mayroong tatlong kasama habang sa mga party-list groups ay limitado sa dalawa.

Ayon sa Comelec, target nilang iproklama ang lahat ng 12 naihalal na senador at partial winning party-list groups para sa Halalan 2022 sa Martes, Mayo 17 o Miyerkules, Mayo 18. Ang aktor na si Robin Padilla ang nangunguna pa rin sa 2022 senatorial elections base sa partial at official canvassing results sa 17 rehiyon at overseas voting na ini-release ng NBOC nitong Biyernes na may 23,908,730 votes.

Tinataya namang siyam na party-list groups ang naka-secure ng seats sa House of Representatives base rin sa partial at official tally ng Comelec nitong Huwebes. Ayon sa NBOC, ang ACT-CIS na may 2,065,408 (5.8270) votes at 1-Rider Partylist na may 988,435 (2.7886) votes ang nangunguna sa party-list race base sa latest partial at official canvassing results nitong Sabado Saturda