Siya raw ang mag-isang nagpalaki… SIGAW NI RUFFA: PADIR NG 2 ANAK, SPERM LANG ANG KONTRIBUSYON!

Next year ay magka-college na ang panganay na anak ni Ruffa Gutierrez na si Lorin Bektas at mag-aaral raw ito sa Amerika. Kaya ngayon pa lang ay nagiging emosyonal na ang aktres kapag naiisip ito.

“Iniisip ko na, na next year, si Lorin, baka mag-aral na abroad,” ani Ruffa nang makatsikahan namin via Zoom last Thursday, “because gusto niya mag-aral abroad, so ngayon pa lang, I’m already feeling separation anxiety, hindi pa nga nangyayari.”

When asked kung napag-usapan din ba nila ng tatay nina Lorin and Venice na si Yilmaz Bektas ang tungkol dito at kung may communication ba sila ng ex-husband, natawa kami sa sagot ni Ruffa.

“With regards to Yilmaz, thank you for your sperm. That’s all he’s ever donated, you know. But I’m the sole provider of Lorin and Venice, and you know, ako ang nagpalaki sa kanila, so I make the decisions. And since wala naman siyang contributions sa pagpapalaki sa kanila, I don’t need to inform him of what happens to the girls,” pahayag ni Ruffa.

Pero kung gusto raw ni Yilmaz na magbigay ng oras, effort, emotional support or kahit financial support pa ay okay naman sa kanya.

Paminsan-minsan ay tumatawag naman daw si Yilmaz pero nauuwi raw lagi sa hindi maganda ang kanilang pag-uusap.

“The issue kasi is he’ll always promise to come and visit, and then, hindi naman siya pumupunta. He wants us to visit Turkey, so sabi ko, ‘I don’t think it’s the right time for us to visit Turkey. If you want, puwede tayong magkita sa Amerika, puwede tayong magkita sa Pilipinas, pero hindi ko puwedeng dalhin ‘yung mga bata sa Turkey especially since they’re not yet of legal age,'” sey niya.

Samantala, masaya naman si Ruffa na kahit pandemya ay sunud-sunod ang kanyang proyekto’t parating nasa locked-in taping. After Love Thy Woman, ginawa niya ang The House Arrest of Us with Daniel Padilla and Kathryn Bernardo na mapapanood na ngayong Sabado (Oct. 24) sa KTX.

This Sunday naman ay magsisimula siya ulit ng bagong serye, this time under TV5 naman, ang Stay In Love with Maris Racal and Kokoy de Santos. They will be in a locked-in taping sa Antipolo for 2 ½ weeks.

“Suking-suki na ako sa locked-in. Hindi ko na tinatanggal ang mga gamit ko from my maleta, from my cooler, naka-ready na lahat,” natatawa niyang sabi.

Pati nga sa swab test ay suking-suki na siya dahil naka-ilang test na raw siya since required talaga ito before and after the locked-in taping.

Mahirap daw at sakripisyo talaga ang magtrabaho under the new normal pero iniisip na lang niya na para siyang OFW na tinitiis ang malayo sa pamilya para kumita ng pera. Sila nga raw ay weeks lang pero ang mga OFWs ay taon ang binibilang para makasama ulit ang pamilya.

“So, kung sila, kaya nilang tiisin ‘yun, bakit hindi ko kayang tiisin na 2 weeks lang akong mawawala para makapagtrabaho ako for my family. So, kahit mahirap, tinitiis kasi kailangan,” aniya.

Nagpakatotoo na, Julia… JOSHUA, KUMANTANG NAMI-MISS NA SI JANELLA

Vinia Vivar / Frankly Speaking

Ayon kay Joshua Garcia, loveless pa rin siya up to now kaya pinalipas niya ang kanyang quarantined life na walang girlfriend at nag-focus na lang daw siya sa sarili. Nagkaroon daw siya ng mas maraming oras para sa sarili niya at maraming naging realizations for himself.

“Para talaga sa sarili ko lahat ‘yung mga na-realize ko during ECQ. Kasi, lalo na ngayon, 'di ba, wala akong love life, wala akong girlfriend, 'di ba? So, mas nakakapag-focus ako sa sarili ko ngayon. Mas more time para sa sarili ko,” ani Joshua sa online interview with DJ Jhai Ho.

Natutuwa nga raw siya dahil ngayon ay mas nagke-care siya sa kanyang kalusugan.

“Kasi dati, parang wala akong pakialam, trabahu-trabaho, sige. Pero ngayon, parang mas kailangan ko ng pahinga, kailangan ko ng vitamins, mas ganu’n na ako ngayon,” he said.

Naitanong kay Joshua kung kumusta na sila ni Janella Salvador na matatandaang nakapareha ng aktor sa The Killer Bride. Sa nasabing serye nagsimulang pumatok ang JoshNella love team at marami nga ang naghihinala na nagkakamabutihan na rin sila in real life.

Ayon kay Joshua ay okay daw sila ni Janella at nami-miss na niya ito.

“Okay kami ni Janella. Actually, miss ko na nga siya kasi ang tagal na naming ‘di nagkikita. Kasi 'di ba, dati, halos araw-araw kaming magkakasama nina Maj (Maja Salvador) sa trabaho. Tapos, biglang hindi na kami nagkita lahat,” ani Joshua.

Huli raw pagkikita nila ni Janella ay nang i-pitch sa kanila ng ABS-CBN ang kanilang next project after The Killer Bride. Pero dahil nga sa sunud-sunod na hindi magagandang kaganapan ay mukhang hindi na ito matutuloy.

“Hindi pa siya sa ngayon. Siguro, hindi siya ‘yung project para sa amin. Siguro, may mas maganda kaming project na dapat gawin,” he said.

Sa ngayon ay wala pang sinabi ang aktor na susunod na project niya kaya inihahanda lang daw niya ang sarili sakaling may ibigay nang trabaho sa kanya.

“Bahay lang ako, hindi ako masyadong lumalabas, para mas safe. Kasi nagre-ready ako, baka pagdating ng shoot, baka ru’n na ako magkasakit, 'di ba? So, huwag naman sana. Pagdating ng shoot, sana, malakas ako, ganu’n.

“Kaya ngayon pa lang, nagre-ready na ako,” sey pa niya.

Kahit naguguluhan pa sa Anti-Terror Bill... BEA: KAILANGANG MARINIG ANG BOSES KO!

Vinia Vivar / Frankly Speaking

Nakiisa rin si Bea Alonzo sa mga tumututol sa Anti-Terrorism Bill.

Gamit ang hashtag na #JunkTerrorBill, isang tanong ang ipinost ng aktres sa kanyang IG account.

“Who is a terrorist?” ang nakasaad sa art card na ipinost niya.

Sa caption ay sinabi ng aktres na marami raw siyang kuwestiyon tungkol sa bill na ito.

“There is so much chaos around the world. I care. I have been trying to educate myself about this bill. I have so many questions in my head, there are many opinions about this; but we need to speak up and let ourselves be heard. I pray for peace and healing,” ang caption ni Bea.