Antipolo Cathedral, idedeklarang "international shrine" sa 2024

ni Eli San Miguel - Trainee @News | November 29, 2023

Idedeklara ang Antipolo Cathedral bilang isang "international shrine" sa isang misa na gaganapin sa Enero ng susunod na taon, ayon sa Catholic Bishops' Conference of the Philippines (CBCP) ngayong Miyerkules.

Ayon sa CBCP, nakatakdang gawin ang Solemn Declaration of the International Shrine of Our Lady of Peace and Good Voyage sa ika-26 ng Enero 2024 at pangungunahan ito ni Papal Nuncio Archbishop Charles Brown.

Magaganap din ang pagdiriwang sa gabi ng ika-127 plenary assembly ng Catholic Bishops' Conference of the Philippines sa Maynila, at inaasahan na ilan sa mga obispo ang makikilahok sa pagdedeklara, base sa CBCP.

Binigyang-diin din ng CBCP na nagtatakda ang deklarasyon ng Antipolo Cathedral bilang unang "international shrine" sa Pilipinas, ikatlo sa Asya, at ika-11 sa buong mundo.

Pari, nabakunahan na, patay pa rin sa COVID-19

ni Lolet Abania | July 25, 2021

Isinailalim ang San Roque Cathedral sa Caloocan City sa pansamantalang lockdown matapos na isang guest priest ang namatay nitong Sabado nang umaga.

Ayon kay Catholic Bishops’ Conference of the Philippines president-elect at Diocese of Kalookan Bishop Pablo Virgilio David, si Fr. Manuel Jadraque Jr. (“Fr. Mawe”) ng Mission Society of the Philippines ay nagpositibo sa test sa COVID-19 sa ginawang post-mortem swab testing sa kanya.

“We regret to inform you that the Caloocan City Government’s Covid Command Center has ordered the temporary lockdown of the San Roque Cathedral starting tomorrow, Sunday, July 25, which is supposed to be our celebration of the World Day for Grandparents and the Elderly People,” batay sa liham ni Bishop David.

Gayunman, sinabi ni David na ang dalawang misa ngayong Linggo ay nagsagawa ng “sine populo” (walang kongregasyon), isang alas-9:00 ng umaga at alas-5:00 ng hapon, kung saan pareho itong naka-live stream online gamit ang Facebook page ng Diocese of Kalookan. Ayon sa obispo, sumakay si Fr. Mawe sa tricycle sa Monumento para makarating sa cathedral nu'ng Sabado nang umaga. Subalit pagdating sa lugar, aniya,

“He was found unresponsive and very pale inside the tricycle.” Isinugod agad si Fr. Mawe sa ospital subalit idineklarang dead-on-arrival. Sinabi pa ni Bishop David, si Fr. Mawe, 58, ay fully vaccinated na at inakala nilang ito ay “napakalusog.”

Hiniling naman ng obispo sa city government ng Caloocan na mabigyan sila ng specimen sample mula sa yumaong pari para makapagsagawa ng genome testing at madetermina kung anong coronavirus variant ang tumama kay Fr. Mawe.

Misa, kapag itinuloy… Simbahan, ipapasara!

ni Ronalyn Seminiano Reonico | March 23, 2021

Magsasagawa ng religious service ang Archdiocese of Manila simula sa Miyerkules na lilimitahan lamang sa 10% ng church capacity, ngunit pinalagan ito ng Malacañang dahil paglabag umano ito sa ipinapatupad na guidelines kaugnay ng mass gatherings sa mga lugar na nasa ilalim ng general community quarantine (GCQ).

Sa Facebook post ng Archdiocese of Manila Office of Communications para sa pastoral instruction sa Holy Week, mababasa ang pahayag ni Apostolic Administrator of Manila Bishop Broderick Pabillo na: “We will not have any religious activity outside of our churches such as senakulo, pabasa, processions, motorcades, and Visita Iglesia. “But within our churches starting March 24, we will have our religious worship within 10% of our maximum church capacity.

“Let the worshippers be spread apart within our churches, using the health protocols that we have been so consistently implementing.”

Naunang ipinagbawal ng Inter-Agency Task Force (IATF) for the Management of Emerging Infectious Diseases ang pagtitipun-tipon kabilang na ang religious gatherings sa mga GCQ areas kabilang ang Metro Manila hanggang sa April 4 dahil sa patuloy na pagtaas ng kaso ng COVID-19 sa bansa.

Ayon naman kay Presidential Spokesperson Harry Roque, ang planong pagbubukas ng simbahan ay "would be contrary po to the decision of the IATF.”

Aniya pa, "We ask Bishop Pabillo not to encourage disregard of IATF rules. Ito naman po ay para sa kabutihan ng lahat.”

Kung sakaling ituloy ng simbahan ang planong pagbubukas, saad ni Roque, "In the exercise of police powers, we can order the churches closed.

"Huwag sana pong dumating doon, Bishop Pabillo. Wala po tayong makakamit na kahit anong objective if you will defy and you will force the state to close the doors of the church.”