Mas mahigpit na pagbabantay sa kilos ng China

ni Mylene Alfonso @News | October 19, 2026

Photo: Chinese Ambassador Jing Quan - Chinese Embassy Manila

Nanawagan si Dr. Jose Antonio Goitia ng masusing pagbabantay sa mga pagkilos ng Tsina sa West Philippine Sea kasunod ng pahayag ni Chinese Ambassador Jing Quan na madaling mananalo ang Beijing kung gagamit ito ng puwersa laban sa Pilipinas.

Itinuring ni Pangulong Ferdinand Marcos Jr. na tila banta ang pahayag, habang inilarawan naman ito ng Department of Foreign Affairs (DFA) bilang hindi direktang banta ng paggamit ng puwersa.

Binanggit din ni Goitia ang mga ulat tungkol sa barkong pandigma ng Tsina na namataan malapit sa Ambulong at Diwaran noong Oktubre 14, gayundin ang presensiya umano ng Chinese maritime militia malapit sa Panatag Shoal.

Kinuwestiyon din niya ang pagtawag sa Pilipinas bilang “troublemaker” at nanawagang linawin ang hindi pa kumpirmadong mga ulat tungkol sa umano'y “Operation Rising Dragon.”

Iginiit ni Goitia, na dapat patuloy na ipagtanggol ng Pilipinas ang soberanya nito at gamitin ang ASEAN Summit sa Nobyembre upang palakasin ang suporta sa mga karapatan ng bansa sa karagatan.

Palasyo sa pakikipagpulong ni Baste sa Chinese envoy: Ginagawa niya, consequence niya

by Info @News | January 28, 2026

Photo: FB / Sebastian ‘Baste’ Duterte at Chinese Ambassador to Philippines Jing Quan - City Information Office Davao City

‘Buntot niya, hila niya’

Ito ang naging pahayag ni Palace Press Officer at Presidential Communications Office (PCO) Usec. Claire Castro sa pakikipagpulong ni Davao City Mayor Sebastian ‘Baste’ Duterte kay Chinese Ambassador to Philippines Jing Quan nitong Lunes, Enero 26.

Sa kabila ito ng maiinit na sagutan ng Embahada ng China at ng ilang opisyal ng Pilipinas, partikular na sa Senado.

Aniya, “Kung ano man po ang ginagawa niya, consequence niya. Wala pong magagawa ang Pangulo sa kung ano man pong ginagawa ng anumang mayor provided na hindi ito labag sa batas.”

Gayunpaman, wala umanong reaksyon ang Pangulo at Palasyo tungkol dito.

Ayaw umalis... 220 barko sa Julian Felipe Reef, fishing vessels lang — China

ni Ronalyn Seminiano Reonico | April 4, 2021

Binuweltahan ng Chinese Embassy sa Manila ang naging panawagan ni Defense Secretary Delfin Lorenzana na pagpapaalis sa diumano'y maritime militia vessels ng China sa Julian Felipe Reef na bahagi ng West Philippine Sea at giit pa ng embahada, parte ito umano ng Nansha Islands.

Ang Julian Felipe Reef ay tinatawag na Niu'e Jiao sa Beijing. Iginiit din ng China na hindi militia vessels ang mga naturang barko kundi fishing vessels.

Pahayag ng embahada, "The Niu'e Jiao is part of China's Nansha Islands. The waters around Niu’e Jiao has been a traditional fishing ground for Chinese fishermen for many years. The Chinese fishermen have been fishing in the waters for their livelihood every year.

"It is completely normal for Chinese fishing vessels to fish in the waters and take shelter near the reef during rough sea conditions. Nobody has the right to make wanton remarks on such activities. "China is committed to safeguarding peace and stability in the waters and we hope that authorities concerned would make constructive efforts and avoid any unprofessional remarks which may further fan irrational emotions.”

Samantala, nauna nang iniulat ng awtoridad sa Philippine Coast Guard (PCG) ang namataang 220 vessels sa Julian Felipe Reef noong March 7 na pinaniniwalaan ng awtoridad na maritime militia vessels. Ngunit, pinabulaanan kaagad ito ng Chinese Embassy at anila, nananatili lamang daw ang mga barko sa reef dahil sa “rough sea condition.”

Pahayag naman ni Lorenzana sa social media, “The Chinese Ambassador to the PH has a lot of explaining to do. There are still 44 Chinese vessels that are in Julian Felipe Reef. “I am no fool. The weather has been good so far, so they have no reason to stay there. These vessels should be on their way out. Umalis na kayo riyan.”