Barko ng China sa WPS, nabawasan na

ni Angela Fernando - Trainee @News | December 6, 2023

Malaki ang ibinababa ng bilang ng mga barkong pandagat ng China sa Julian Felipe Reef, ayon sa pahayag ng militar ngayong Miyerkules.

Ito ay matapos ihayag ng isang mataas na mambabatas na magpadala ng mas maraming barko ng Philippine Navy upang pigilan ang presensya ng nasabing bansa sa West Philippine Sea.

Saad ni Philippine Navy Vice Admiral Alberto Carlos ng Western Command, ang bilang ng mga sasakyang pandagat ng China na nasa lugar ay malaki ang ibinaba mula sa 135 na dami nito kamakailan.

Dagdag niya, kasalukuyan pang tinitingnan ang lokasyon ng mga sasakyang pandagat.

Aniya, kasama sa standard operating procedure ng 'Pinas pagdating sa mga vessel ng China ang paglabas ng mga radio challenge at pagsusuri sa presensya ng mga ito.

Ayon pa kay Carlos, laging nandoon ang Philippine Navy at ang Philippine Coast Guard sa tuwing nakikita nila ang pagtaas sa presensya ng mga sasakyang pandagat ng dayuhang bansa sa teritoryo ng WPS.

Sa kabilang banda, nagpahayag si House Deputy Minority Leader France Castro ng pagkadismaya dahil sa pagpasok ng China sa bahagi ng bansa sa kabila ng ipinapakitang pagtutol at mga diplomatikong protesta ng mga Pinoy at sinabing hindi gumagana ang existing procedures na sinasabi ng Philippine Navy.

Expressway bridge sa China, bumagsak; 4 patay, 8 sugatan

ni Jasmin Joy Evangelista | December 20, 2021

Patay ang apat na katao habang walo ang sugatan matapos mag-collapse ang parte ng isang expressway bridge ramp sa Ezhou City sa central Hubei province ng China, ayon sa Xinhua news agency.

Bumagsak ang naturang tulay sa expressway kung saan tumaob ang tatlong truck at nabagsakan ang isang kotse.

“Work was being carried out on the bridge when the incident occurred,” ayon sa report.

Spacecraft ng China, nakarating na sa Mars

ni Ronalyn Seminiano Reonico | May 15, 2021

Matagumpay na lumapag sa Mars ngayong Sabado nang umaga ang uncrewed Chinese spacecraft, ayon sa state news agency na Xinhua.

Sa paglapag ng Tianwen-1 spacecraft sa isang site sa Southern Utopia Plain, saad ng Xinhua, nakapag-iwan ito ng “Chinese footprint on Mars for the first time.”

Ayon sa China Space News, ang proseso ng pag-landing ay binuo ng “nine minutes of terror” dahil sa biglaang pagbilis at pagbagal ng module.

Ang isang solar-powered rover naman na tinawag na Zhurong ay magsisiyasat sa landing site at magsasagawa ng inspeksiyon. Ang Zhurong ay may 6 scientific instruments kabilang na ang high-resolution topography camera.

Pag-aaralan ng rover ang ibabaw ng lupa ng Mars kabilang na ang atmosphere nito. Sisiyasatin din ng Zhurong kung mayroong senyales ng ancient life sa Red Planet kabilang na ang mga sub-surface water at yelo gamit ang ground-penetrating radar.

Samantala, ang unang bansa na nakarating sa Red Planet ay ang United States.