China, binuweltahan ang US sa isyu sa WPS

ni Ronalyn Seminiano Reonico | March 23, 2021

Bumuwelta ang Chinese Embassy, Manila sa United States kaugnay ng pagsuporta nito sa Pilipinas sa West Philippine Sea matapos mamataan ang diumano’y 220 maritime militia vessels ng China sa Julian Felipe Reef noong March 7.

Sa official Twitter account ng Chinese Embassy Manila, mababasa ang tweet ng isang news site na: “US Embassy on Chinese ships at Juan Felipe Reef (Whitsun): Chinese boats have been mooring in this area for many months in ever increasing numbers, regardless of the weather.

We stand with the Philippines, our oldest treaty ally in Asia.”

Pahayag naman ng Chinese Embassy, “The United States is not a party to the South China Sea issue. Fanning flames and provoking confrontation in the region will only serve the selfish interests of individual country and undermine the regional peace and stability.”

Saad pa ng embahada, "Both China and the Philippines are sovereign and independent countries. We have the will, wisdom and ability to properly handle relevant issues through bilateral channels.” Una nang pinabulaanan ng China na "maritime militia" ang mga naturang vessels at nanatili lamang daw ang mga barko sa reef dahil sa “rough sea condition.” Samantala, umaasa ang Malacañang na madadaan sa usapan ang isyu ng bansa sa China.

1.4 M Sinovac vaccine ng China, parating na

ni Lolet Abania | March 16, 2021

Makakatanggap muli ang bansa ng 1.4 milyong doses ng COVID-19 vaccine mula sa Chinese firm na Sinovac Biotech ngayong buwan, ayon kay Vaccine Czar Secretary Carlito Galvez, Jr..

Ayon kay Galvez, kabilang sa mga nasabing doses ang dagdag 400,000 na donasyon ng Chinese government habang ang 1 milyong doses naman ang kinukuha ng pamahalaan.

“Ang exact timeline is ‘yung 400,000 po, baka dumating this coming March. ‘Yun po ang tentative date natin,” ani Galvez sa isang briefing ngayong Martes, kung saan nabanggit din niya na posibleng mai-deliver ito sa March 24.

“‘Yung 1 million na procurement natin, ng Department of Health, ay darating sa [March] 28,” dagdag ng opisyal. Matatandaang natanggap ng Pilipinas ang unang shipment ng COVID-19 vaccines mula sa Sinovac Biotech noong huling linggo ng Pebrero.

Agad na sinimulan ng gobyerno ang COVID-19 vaccination program para sa 600,000 Sinovac doses na donasyon ng Chinese government noong March 1. Nitong March 14, nasa kabuuang 199,704 doses na ang na-administer sa mga health workers at frontliners sa bansa.

Flights sa China, kanselado dahil sa sandstorm

ni Ronalyn Seminiano Reonico | March 15, 2021

Matinding sandstorm ang tumama sa northern portion ng China ngayong Lunes nang umaga dahilan upang ikansela ang daan-daang flights.

Itinaas ng China Meteorological Administration ang yellow alert dahil sa sandstorm na kumalat mula sa Inner Mongolia papunta sa mga probinsiyang Gansu, Shanxi at Hebei na malalapit sa Beijing.

Ikinansela rin ang pagsasagawa ng mga sports at events sa mga paaralan dahil sa insidente.

Normal na umano sa China ang makaranas ng sandstorm tuwing springtime dahil sa ihip ng hangin mula sa western deserts at ang massive tree planting sa ilang lugar ay nakatulong upang mabawasan ang malalang sandstorms ngunit ang pagdami ng mga industriya at pagpapalawak sa lungsod ay nakaapekto rito.

Ayon sa National Meteorological Center, maaapektuhan ng sandstorm ang 12 probinsiya at rehiyon mula sa Xinjiang hanggang sa Heilongjiang.

Pahayag pa ng National Meteorological Center, “This is the most intense sandstorm weather our country has seen in 10 years, as well as it covering the broadest area.”