21 runners, patay sa 100 km marathon sa China

ni Ronalyn Seminiano Reonico | May 23, 2021

Patay ang 21 runners na dumalo sa 100-kilometer mountain race sa China matapos salubungin ng hailstones, ice rains at malakas na hangin sa high-altitude track ang mga ito.

Ang naturang race ay ginawa sa Yellow River Stone Forest malapit sa Baiyin City, northwestern ng Gansu province bandang 1 PM noong Sabado. Pahayag ni Baiyin City Mayor Zhang Xuchen, “At around noon, the high-altitude section of the race between 20 and 31 kilometers was suddenly affected by disastrous weather. In a short period of time, hailstones and ice rain suddenly fell in the local area, and there were strong winds. The temperature sharply dropped.”

Kaagad naman umanong nagpadala ang mga marathon organizers ng rescue team matapos mapag-alaman ang insidente. Bandang alas-2 nang hapon, lumala pa umano ang weather conditions kaya ipinatigil na ang race at nagpadala ng mas marami pang rescuers, ayon kay Zhang.

Aniya pa, “This incident is a public safety incident caused by sudden changes in weather in a local area.”

Ayon sa mga rescue teams, physical discomfort ang ikinasawi ng mga biktima dahil sa naranasang biglaang pagbaba ng temperatura. Ngayong araw nakita ang katawan ng mga nasawing runners dahil nahirapan ding magsagawa ng search operations dahil sa mababang temperatura sa lugar.

Ayon sa ulat, 172 katao ang dumalo sa naturang race kung saan 151 ang kumpirmadong ligtas at ang iba pa ay isinugod sa ospital matapos magtamo ng minor injuries. Nagpahayag din ng pakikiramay si Zhang sa pamilya ng mga nasawi sa insidente.

Qinghai province sa China, niyanig ng magnitude 7.3 na lindol

ni Ronalyn Seminiano Reonico | May 22, 2021

Niyanig ng magnitude 7.3 na lindol ang Qinghai province sa China ngayong Sabado, ayon sa US Geological Survey, matapos ang magnitude 6.1 na tumama sa Yunnan province noong Biyernes kung saan 2 ang kumpirmadong patay.

Naitala ang episentro ng lindol sa Qinghai na tumama kaninang alas-2:04 AM, sa 10 kilometers southwest ng Xining, ayon sa USGS.

Ayon naman sa tala ng German Research Center for Geosciences, ang naturang lindol ay magnitude 7.4.

Samantala, wala pang iniulat ang awtoridad na naiwang pinsala o sugatan sa insidente.

Gawang China, ipinagbawal ng US… Karayom na pangturok ng COVID vaccine, naiiwan sa braso

ni Ronalyn Seminiano Reonico | May 22, 2021

Ipinagbawal ng United States Food and Drug Administration ang paggamit ng mga healthcare workers ng hiringgilya mula sa isang Chinese firm.

Ayon sa FDA, nakatanggap sila ng ulat na naiiwan umano sa braso ng pasyente ang karayom matapos itong mainiksiyunan.

Ipinagbawal ng FDA ang paggamit ng hiringgilya at karayom mula sa Chinese medical device maker na Guangdong Haiou Medical Apparatus Co (HAIOU) partikular na ang syringe-needle combinations na 1mL syringe with 25Gx 1-inch needle at 1mL syringe with 23G x 1-inch needle.

Ayon sa ulat, ang mga naturang syringes ay nai-ship para gamitin sa Pfizer Inc./BioNTech SE COVID-19 vaccine.

Itinigil naman umano ang pag-ship ng naturang produkto kasama ng COVID-19 vaccination kits noong Marso 22, ayon sa FDA.