Unang kaso ng H10N3 bird flu sa tao, naitala sa China

ni Ronalyn Seminiano Reonico | June 1, 2021

Naitala ang unang kaso ng H10N3 strain ng bird flu sa tao sa China, ayon sa National Health Commission (NHC) ngayong Martes.

Kinumpirma ng NHC na ang naturang kaso ay mula sa eastern province ng Jiangsu, kung saan isang 41-anyos na lalaking residente ng Zhenjiang ang isinugod sa ospital noong April 28 matapos makitaan ng ilang sintomas katulad ng lagnat.

Noong May 28, matapos ang genome sequence sa blood sample ng lalaki na isinagawa ng Chinese Centre for Disease Control and Prevention, nakumpirmang positibo ito sa H10N3 avian influenza virus.

Hindi naman binanggit ng NHC kung paano na-infect ng naturang virus ang pasyente.

Samantala, inoobserbahan na rin ang mga nagkaroon ng close contact sa naturang pasyente.

27 bagong kaso ng COVID-19, naitala sa China, lockdown uli

ni Ronalyn Seminiano Reonico | May 31, 2021

Nakapagtala ang China ng 27 panibagong kaso ng COVID-19 sa Guangdong province na kaagad isinailalim sa lockdown noong May 30.

Ayon sa datos ng national health authority, sa 27 bagong kaso, 7 ang imported at 20 ang local cases. Kaagad ipinag-utos ng awtoridad ang lockdown at pagbabawal sa mga residente ng ilang lugar sa Guangdong na lumabas ng bahay.

Ipinagbawal din ang mga non-essential activities at ipinasara ang mga entertainment venues pati na rin ang mga pamilihan.

Samantala, ayon sa health authorities ng Guangdong Province, sa 20 new local cases, 18 ang mula sa Guangzhou City at dalawa ang mula sa Foshan City.

P30M smuggled na yosi mula China, nasabat ng BOC

ni Ronalyn Seminiano Reonico | May 25, 2021

Nasabat ng Bureau of Customs (BOC) ang undeclared boxes ng sigarilyo na nagkakahalagang P30 million sa Misamis Oriental.

Ayon sa BOC, ang naturang shipment ay mula sa China na dumating sa Mindanao Container Terminal (MCT) sa Tagoloan, Misamis Oriental noong Mayo 20.

Kinabukasan ay nagsagawa ng partial examination ang X-Ray Field Office, Enforcement Security Service (ESS) CDO District at Philippine Coastguard Northern Mindanao kung saan nadiskubre ang mga sigarilyo na idineklarang footwear.

Kaagad namang nag-issue ang awtoridad ng Warrant of Seizure and Detention laban sa mga nasa likod ng naturang shipment.

Pahayag ng BOC, “The shipment was consigned to a certain Lorna Oftana from General Santos City and is now under formal investigation for allegedly violating RA 10863 otherwise known as Customs Modernization and Tariff Act (CMTA).”